กำลังแสดงผล 1 ถึง 5 จากทั้งหมด 5

พาลูกตามฮอยอีพ่อ อีแม่

  1. #1
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447

    พาลูกตามฮอยอีพ่อ อีแม่


    สงกรานต์ปีนี้บ่ถ่าคึกปานได๋ รึมันเป็นย้อนลูกสองแล้วบ๊อ คึดอยู่ผู่เดียวดอกหวา พาลูกตามฮอยอีพ่อ อีแม่ พาลูกตามฮอยอีพ่อ อีแม่ ปีนี้กะคือเก่าโฮมญาติพี่น้อง สรงน้ำดูก พ่อใหญ่ แม่ใหญ่ ลุงป้า น้าอา อีพ่อ อีแม่
    คือเก่า ขออนุญาตพี่น้องเบิ่งแยงซ่อยกันเด้อคับ

    เก้าโมงเคิ่ง วันที่ 13 เมษา 56 หลังจากถวายจั่งหันหลวงพ่อหลวงพี่แล้วกะพากันไปสรงน้ำธาตุ อีหล่าน้อยสองหนัง หย่างออกก่อน


    พาลูกตามฮอยอีพ่อ อีแม่

    ลูกแคนกับลูกขิมพากันหย่าง
    พาลูกตามฮอยอีพ่อ อีแม่

    หย่างบ่ไกลประมาณ 50 เมตร กะฮอดธาตุอีพ่อ อีแม่
    อยู่ด้านทิศใต้ของวัดขาวสะอาด ใต้กกบักโกบ้าน ธาตุอันทางขวาเป็นของ
    ไทยบ้านเดียวกัน เฮ็ดที่หลังใหญ่กั่ว อิอิ

    [CENTER]พาลูกตามฮอยอีพ่อ อีแม่

    เตรียมสถานที่ ปูสาด ลาดเสื่อไว้ถ่าหลวงพ่อมาทำพิธี ถวายสังฆทานก่อนสรงน้ำ
    พาลูกตามฮอยอีพ่อ อีแม่
    ภาเวร ที่หลวงพ่อกรวดน้ำให่แล้วตั้งแต่อยู่เทิ่งศาลา วางให่หลังธาตุ
    เอิ้นเฒ่าพ่อ เฒ่าแม่ ญาติพี่น้อง มารับเอาตามความเซื่อที่สืบทอดกันมาแต่ปู่แต่ย่า

    พาลูกตามฮอยอีพ่อ อีแม่

    ระหว่างรอลิงน้อยสองโตกะสวนหน้าสวนหลัง อยู่ซื่อๆบ่เป็น ตามประสาเด็กน้อย
    น้องเฮ็ดหยั๋งเอื่อยกะเฮ็ดนำ บ่มียอมกัน
    พาลูกตามฮอยอีพ่อ อีแม่

    หลวงพ่อ หลวงพี่มาแล้ว พี่น้องลูกหลานกะมากันมาถวายสังฆทาน
    ถวายปัจจัย ถ่าโดนเติบย้อนพระมีน้อย ผู่ข่าเป็นเจ้าสุดท้าย กั่วสิอ้อมวัดโงมาฮอด
    กะเติบนึงพุ่นหล่ะ

    พาลูกตามฮอยอีพ่อ อีแม่
    สวดแล้วกะมนต์หลวงพ่อเจ้าอาวาสสรงก่อน
    พาลูกตามฮอยอีพ่อ อีแม่
    จากนั้นกะเป็นอ้ายใหญ่ พี่แดงคอมโม่
    พาลูกตามฮอยอีพ่อ อีแม่
    ตามมาด้วยอ้ายคนที่สอง พี่ขาว
    พาลูกตามฮอยอีพ่อ อีแม่
    อ้ายคนที่สี่ บ่าวเอ๋ (ถ่ายก่อนสรงน้ำ) อ้ายคนที่สามบ่มาอยุ่ไกล
    เป็นตะหานอยู่พิษณุโลก

    พาลูกตามฮอยอีพ่อ อีแม่
    จากนั้นกะเป็นพี่น้อง ลูกหลาน ตามมา นำโดยยายปี บ้านข้างกัน
    พาลูกตามฮอยอีพ่อ อีแม่
    ปิดท้ายด้วยสะใภ้หล่า กับหลานน้อย
    พาลูกตามฮอยอีพ่อ อีแม่
    จักพาลูกเว่าอิหยั๋งกะบ่อจั๊ก มุบๆ มับๆ ได่ยินบ่ถนัด
    พาลูกตามฮอยอีพ่อ อีแม่
    น้องแคนลูกสาวกกผู่ข่า เห็นภาพนี้แล้วกะน้ำตาย้อย
    คึดฮอดอีพ่อกับอีแม่ ถ่าเล๋ายังอยู่คือสิมีควมสุข อบอุ่นกัวนี้หลาย...

    พาลูกตามฮอยอีพ่อ อีแม่

    อิหล่าน้อย น้องขิม ขวบแปดเดือนกะลังปากแป เว่าเป็น ถามว่า "ปู่จั๊บย่า อยู่ในหนี่จิป้อจ๋า"...
    พาลูกตามฮอยอีพ่อ อีแม่


    พาลูกตามฮอยอีพ่อ อีแม่

    ขอบพระคุณบ้านมหาและขออภัยที่รบกวนพื้นที่เนาะคับ ปีนี้ได่ถ่อนี้หล่ะพี่น้อง
    ญาติพี่น้องกะบ่อถ่าหลายมีต่ะผู่ติดงานกันเบิด ปีนี้ผู่ข่ากะงานหลายขนาดเทศกาลทุกปี
    ไปไสบ่ได้เลยบ่ได้เหล่นน้ำสงกรานต์จั๊กเทื่อ ปะต่ะแป้งเมียอยู่บ้านคู่ปีเอาโลด...พาลูกตามฮอยอีพ่อ อีแม่ พาลูกตามฮอยอีพ่อ อีแม่ พาลูกตามฮอยอีพ่อ อีแม่
    แก้ไขครั้งสุดท้ายโดย พล พระยาแล; 02-05-2013 at 15:06.


  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    บรรยากาศอบอุ่น พ่อ-แม่ พาลูกหลานเฮด ใหญ่มาเพิ่นกะสิยึดเฮาเป็นแบบอย่าง น่ายกย่องจ้า

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    นัองโม้ มีลูกสองแล้วนิ เอื้อยก็นึกว่าโสด

    ลูกสาวน่ารักทั้งสองเลยจ้า



  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    ทางบ้านบ่เคยเฮ็ดแบบนี้ได้ยินแต่หมู่เพิ้นเว้าสู่ฟังเลาอยู่ทางหนองคายว่าชว่งสงกรานต์เขาเจ้าก็จะทำบุญหาญาติผู้ล่วงลับเป็นประจำ แต่อันนี้เพิ้นอยู่ทางใด๋น้อครับ

  5. #5
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447
    ผู้ข่าอยู่ อ.อรัญประเทศ จ.สระแก้ว สุดชายแดนภาคตะวันออก ติดพี่น้องขแมร์ เป็นลาวหลงทีปคับ อ้ายบ่าวณัฐ พ่อใหญ่เลาเ่ล่าให่ฟังตั้งแต่ผู่ข่าน้อยๆ ว่าโคตรเหง้าอีหลีเป็นลาวแท้ๆ อพยพข้ามโขงมาต่ะว่าเลาะมาจั่งได๋จั่งมาฮอดเมืองอรัญกะบ่จั๊ก ผู้ข่ายังน้อยโพดเลยบ่ได๋ซ่อเลา คู่มื่อหนี่เหมิดแล้วเทิ่งพ่อใหญ่ แม่ใหญ่ อีพ่อ อีแม่ กะเลยสุดที่สิตามหากกเหง้าเหล่ากอต่อไปได้ขะน้อย ต้นตะกูลอีพ่อเป็นลาวโซ่ มีภาษาโซ่อีพ่อเคยเว่าให่ฟังอยู่ แต่ว่าบ่ได้สืบทอดให่ มันกะเลยตายไปนำเลา สู่มื่อหนี่คึดเสียดายหลายคับ บ่ได้ล่ำเรียนนำเลาไว้กะยังว่า...