สงกรานต์ปีนี้บ่ถ่าคึกปานได๋ รึมันเป็นย้อนลูกสองแล้วบ๊อ คึดอยู่ผู่เดียวดอกหวา ปีนี้กะคือเก่าโฮมญาติพี่น้อง สรงน้ำดูก พ่อใหญ่ แม่ใหญ่ ลุงป้า น้าอา อีพ่อ อีแม่
คือเก่า ขออนุญาตพี่น้องเบิ่งแยงซ่อยกันเด้อคับ
เก้าโมงเคิ่ง วันที่ 13 เมษา 56 หลังจากถวายจั่งหันหลวงพ่อหลวงพี่แล้วกะพากันไปสรงน้ำธาตุ อีหล่าน้อยสองหนัง หย่างออกก่อน
ลูกแคนกับลูกขิมพากันหย่าง
หย่างบ่ไกลประมาณ 50 เมตร กะฮอดธาตุอีพ่อ อีแม่
อยู่ด้านทิศใต้ของวัดขาวสะอาด ใต้กกบักโกบ้าน ธาตุอันทางขวาเป็นของ
ไทยบ้านเดียวกัน เฮ็ดที่หลังใหญ่กั่ว อิอิ
[CENTER]
เตรียมสถานที่ ปูสาด ลาดเสื่อไว้ถ่าหลวงพ่อมาทำพิธี ถวายสังฆทานก่อนสรงน้ำ
ภาเวร ที่หลวงพ่อกรวดน้ำให่แล้วตั้งแต่อยู่เทิ่งศาลา วางให่หลังธาตุ
เอิ้นเฒ่าพ่อ เฒ่าแม่ ญาติพี่น้อง มารับเอาตามความเซื่อที่สืบทอดกันมาแต่ปู่แต่ย่า
ระหว่างรอลิงน้อยสองโตกะสวนหน้าสวนหลัง อยู่ซื่อๆบ่เป็น ตามประสาเด็กน้อย
น้องเฮ็ดหยั๋งเอื่อยกะเฮ็ดนำ บ่มียอมกัน
หลวงพ่อ หลวงพี่มาแล้ว พี่น้องลูกหลานกะมากันมาถวายสังฆทาน
ถวายปัจจัย ถ่าโดนเติบย้อนพระมีน้อย ผู่ข่าเป็นเจ้าสุดท้าย กั่วสิอ้อมวัดโงมาฮอด
กะเติบนึงพุ่นหล่ะ
สวดแล้วกะมนต์หลวงพ่อเจ้าอาวาสสรงก่อน
จากนั้นกะเป็นอ้ายใหญ่ พี่แดงคอมโม่
ตามมาด้วยอ้ายคนที่สอง พี่ขาว
อ้ายคนที่สี่ บ่าวเอ๋ (ถ่ายก่อนสรงน้ำ) อ้ายคนที่สามบ่มาอยุ่ไกล
เป็นตะหานอยู่พิษณุโลก
จากนั้นกะเป็นพี่น้อง ลูกหลาน ตามมา นำโดยยายปี บ้านข้างกัน
ปิดท้ายด้วยสะใภ้หล่า กับหลานน้อย
จักพาลูกเว่าอิหยั๋งกะบ่อจั๊ก มุบๆ มับๆ ได่ยินบ่ถนัด
น้องแคนลูกสาวกกผู่ข่า เห็นภาพนี้แล้วกะน้ำตาย้อย
คึดฮอดอีพ่อกับอีแม่ ถ่าเล๋ายังอยู่คือสิมีควมสุข อบอุ่นกัวนี้หลาย...
อิหล่าน้อย น้องขิม ขวบแปดเดือนกะลังปากแป เว่าเป็น ถามว่า "ปู่จั๊บย่า อยู่ในหนี่จิป้อจ๋า"...
ขอบพระคุณบ้านมหาและขออภัยที่รบกวนพื้นที่เนาะคับ ปีนี้ได่ถ่อนี้หล่ะพี่น้อง
ญาติพี่น้องกะบ่อถ่าหลายมีต่ะผู่ติดงานกันเบิด ปีนี้ผู่ข่ากะงานหลายขนาดเทศกาลทุกปี
ไปไสบ่ได้เลยบ่ได้เหล่นน้ำสงกรานต์จั๊กเทื่อ ปะต่ะแป้งเมียอยู่บ้านคู่ปีเอาโลด...
Bookmarks