กำลังแสดงผล 1 ถึง 5 จากทั้งหมด 5

หัวข้อ: บ่... อยากลาจาก...

  1. #1
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490

    ฟังเพลงแบบ Flash Radio And Music บ่... อยากลาจาก...

    บ่... อยากลาจาก...

    ปลาสิไลลาน้ำคำเอยสิเอิ้นสั่ง
    คำสิไกลสายสร้อยกลอยมันสิลาป่า
    ปูปลาสิลาน้ำเข้าก่ำสิลาหนอง
    หนองสิลาน้ำนาทามสิลาท่ง
    นับมื้อไกลกันแล้วหัวเฮือสิลาฝั่ง
    หมากข่างไกลหมากกลิ้งซิงสิไห้ต่อนกทา
    ดวนดันหอมสิห่างกอไกลต้น
    ฮวกสิลาแม่น้ำนางน้อยค่อยอยู่ดี
    ด้งสิลาม้อนสวนมอนสิลาจ่อ
    สีสิลาหน้า บาทาสิลาเกิบ
    นอสิลาช้าง เสือสางสิลาป่า
    ทวนสิลาหญ้าฝาเฮือนทังดวด ชั่งสิไกลลูกโต้นคนสิไห้แอ่วนำ
    หมาสิลาเข้าปั้นกระสันให้แอ่วนำ
    บัวทองสิลาบึงบ่าวพี่ชายสิลาน้อง
    ผมป่งลากระโด้นหวีสิซันบ่อนใด
    ดอกสมั่งลาจากต้นฟานเอยสิลาหน่าง
    กาสิไลไก่น้อยอ้อยสิห่างฮามสวน
    ฝนสิลาฟ้าปูปลาสิลาบวก
    ปลีสิลากล้วยควายบักเลสิลาท่ง
    ปอสิลาเชือกอ้อง ควายนั้นค่อยอยู่ดี
    เสิบสิลาปี่แอ้ แคนไค้ขลุ่ยซอ
    สาสิลาหญ้ากวยยาสิลาข้วน
    ติบนวดลากะเช้าบอกปูนนั้นค่อยอยู่ดี
    (ผาแดง)




    บ่... อยากลาจาก...
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    หือคือหลายลาแท้อ้ายมาแนวได๋อีกบาดนี้555

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    กะเบิ๊ดถ้วนม้วนใส่ไหท้อนแล้ววววแนวลาซุอันซุอย่างแล้วเน๊าะ

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    หล่านางเอย...
    พี่สิหนีไกลเจ้าคือนกเจ้าสิไกลหนอง
    นกยูงทองสิไกลดงห่อนฤาสิหนีได้
    แม่นสิไปไสแท้ก็คงคืนของเก่า
    นกเจ่าหนีจากน้ำดินสิแห้งไหง่ผง
    นกยูงทองไกลดงกว้างบ่อเหลียวคืนฟ้าสิผ่า
    พี่ชายไกลน้องหล่บ่อมาเยี่ยมห่าสิกิน
    ผักตำนิลกะสิไกลแคงฮั้วตัวพี่ชายสิลาจาก
    นกสิพรากป่าไม้หนีไปลี้อยู่ท่งนา
    กาสิไลไก่น้อยอ้อยสิห่างกอเลา
    สาละนอสองฮาเฮาสิได้ไปคนทางห่างกันดอกวันนี้
    หนองสิหนีจากน้ำนาทามสิลาท่ง
    ผมป่งสิลากะโด้นหวีสิให้ต่อไผ
    นับมื้อไกลกันแหล่วหัวเฮือเอยสิได้ไกลจากฝั่ง
    ดอกสมั่งนับมื้อไกลจากก้านฟ้านเอ๋ยสิลาหน่าง
    หมากคั่งนับมื้อไกลหมากกลิ้งซิงสิไห้ต่อนกทา
    เสือสิลาถ้ำข้าวก่ำสิลาหนองบัวทองสิลาบึงบ่าวพี่ชายไกลน้อง
    ทองสิหนีไกลสร้อยกลอยใจเอยความฮักอ้ายกะยังคือเก่า
    คนิงนำตั้งแต่เจ้า ยามไกลแล้วให้ฮ่ำฮอน......แหน่เดอจร้า.....

  5. #5
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    ชายเอ้ย....เจ้าผู้หมากผีผ่วนสุกอยู่ฟากนา
    เจ้าผู้หมากพิลาสุกอยู่ฟากน้ำ ก้านก่องเสน่หา
    สังสิมาป๋าน้องไว้ หนีไปไกลเว้าชู้ใหม่แท้น้อ
    สังสิป๋าอีน้องไว้เป็นบ้าป่วงนำ ...

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •