ยามได่เมื่อบ้าน เห็นทางเข้าบ้านอยู่ทางหน้า ฮู้สึกจั่งได่แหน่ พี่น้อง
แนมเห็นทางเข้าบ้านอยู่ตรงหน้า ฮู้สึกจั่งได่กันแหน่คับ อยากโตนรถแหล่นใส่ด้วยความคึดฮอด อยากแหล่นกอดเสาป้ายด้วยความคึดเถิ่ง ทางเข้าบ้านของพี่น้องแต่ละคนมีอิหยั๋งอยู่ในนั้นแหน่ ความฮัก ความอบอุ่น ตักอีแม่ อ้อมกอดของพี่น้อง ฮอยยิ้มและเสียงหัีวเราะ อีหล่า บักหล่าน้อย รอคอยของฝากของต้อน แนวกินแซ่บๆ ตำบักหุ่งปลาแดกต่วง กลิ่นหอมมาฮอดปากทางเข้าบ้านบ่ สิ้นสุดการรอคอยสำหรับปีหนี่
แล้วกะถึงเวลาต้องหันหลังจาก สิ่งสุดท้ายที่เห็นกะคือทางเข้าบ้าน ฮู้สึกจังได่กันแหน่พี่น้อง เหลียวหลังเห็นทางเข้าบ้าน ฮ่ำฮอนบ่ อีกเป็นปีจั่งสิได่หันหน้ามาเห็นทางเข้าบ้านอีกเทื่อนึง ปีหน้าทางเข้าบ้านสิยังคงเป็นแแบบหนี่คือเก่าบ่ สิ่งที่อยู่ในทางเข้าบ้าน สิยังคงคือเก่าบ่น้อ หอบไปพอรึยังควมฮักควมอบอุ่น ถ่าแหน่เด้อทางเข้าบ้าน ปีหน้าค่อยพ้อกันใหม่...
Bookmarks