มื่อวันอาทิตย์ที่ผ่านมา บ่าวคอมโม่(ผีบ้า) ได่มีโอกาสเก็บบ้าน ถูเฮือน หลังจากผ่านไป 3 ปี บ่ได่ถูจักเทื่อ
กะเลยได่โอกาสเอาพิณกับแคนของอีพ่อ ลงมาเช็ดฝุ่นหลังจากห้อยไว้ข้างฝามาหลายปี เอามา ขัดๆ ถูๆ (ลังเทื่อสิได่เลข )
แล้วกะลองดีดเิบิ่ง ปรากฎว่าสายสามขาดไปเส้นนึงย้อนสนิมกิน ส่วนแคนเป่าบ่ได้แล้ว ดังเป็นบางเลา ส่วนใหญ่ตัน บ่ซั่นกะลิ้นหัก
ลูกสาวกกได่ยินเสียงกะเลยแหล่นขึ้นมาเบิ่ง ถามว่า "พ่อๆทำอะไรอ่ะ" ผู่ข่าบอกว่า "ดีดพิณปู่จ้า" (หมายเหตุ-ลูกผู่ข่าเว่าไทยเหมิดสู่คน แต่ผู่ข่าบ่เคยเว่าไทยกับลูกเลยเว่าลาวตลอด ผลปรากฎว่า ลูกเว่าไทยแต่ฟังลาวออก เว่าลาวได่เป็นบางคำ ไผ๋ได้ยินกะพากันงึด )
ลูกสาวบอกว่า (เว่าไทยเด้อคับ) "พ่อจ๋า หนูอยากดีด ให้หนู๋ดีดแหน่" กะเลยเอาคล้องคอให่ เพิ่นกะดีดไปตามกะเยิมเพิ่นฮั่นหล่ะ ภาพกะเลยเป็นแบบที่เห็นคับ
บ้านกะหลังน๊อย น้อย ฮกจั่งป่ามอญหนี่ เลยบ่กล้าให่เบิ่งหลาย ลูกสาวกก น้องแคน อายุ 3 ขวบ ยังบ่ฮู้ว่าอนาคตสิไปทางได๋ ฮ้องเพลงกะได่เพลงละ่ท่อน สองท่อน
เต้นแดนเซอร์กะได่ทีละเคิ่งเพลง นิสัยส่วนตัวซอบแสดงละครโดยการเว่าคนเดียว บางเทื่อกะเว่ากับหมา กับแมว แล้วแต่สิพ้ออิหยั๋ง หมาหันหลังไห่กะจับมันหันกลับมาฟังจ่ะของเ่ว่า ใหญ่ขึ้นมาว่าสิฝากอ้ายพี่พล พาเข้าวงการอยู่
Bookmarks