หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 28

เมือยามบ้าน ไปนาหว่านข้าว กินข้าวป่า

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    เมือยามบ้าน ไปนาหว่านข้าว กินข้าวป่า


    อาทิตย์ที่แล้ว มีโอกาศได้กลับไปซอยงานบวชหมู่อยู่ทางพนมไพร ร้อยเอ็ด เลยแวะไปยามเฒ่าแม่อยู่บ้านนำ
    พอดีน้องชายไกล้สิเปิดเทอมแล้ว เลยชวนกันออกไปนาหว่านข้าว ผมกับน้องไถซอยกันมื่อเดียวน่าสิแล้ว
    เลยได้เป็นที่มาของกระทู้นี้ เอามาเว่าสู่พี่น้องบ้านมหาเฮาฟังครับ

    นาท่งนี้ตอนผมยังอยู่บ้าน บ่เคยหว่านครับ ดำเอาตลอด แต่เมื่อ 2 ปีที่แล้วเฒ่าพ่อเพินรถคว่ำ
    กระดูกสันหลังหัก หมอได้เอาเหล็กดามไว้ เลยบ่อยากให้พ่อเพินเฮ็ดงานหนัก
    น้องชายเพินกะไปเรียนในเมือง กลับบ้านแต่ยามวันหยุด กะบ่ค่อยได้ซอยเวียกทางบ้านปานได๋
    จึงจำเป็นต้องหว่านเอาครับ เหลือไว้แต่หม่องติดโนน 2-3 ไร่ แม่เพินว่าสิดำเองว่าซั่น

    เอารถไถนาเดินตาม คูโบต้า เฮานี้ล่ะครับ น้องกับอ้ายเปลี่ยนกันไถ นา 4 ไร่แล้วค่ำพอดี
    มื่อใหม่กลับมาฮอดกรุงเทพ ปวดนำตนนำโตปานเอาค้อนทุบไว้ ย้อนมันบ่ได้เฮ็ดเวียกหนักมาโดนแล้ว

    จัดการเปลี่ยนล้อเหล็กครับ

    เมือยามบ้าน ไปนาหว่านข้าว กินข้าวป่า


    เฒ่าพ่อเป็นคนหว่านข้าวให้ ผมกับน้องซอยกันไถ แดดฮ้อนพอสมควรครับ

    เมือยามบ้าน ไปนาหว่านข้าว กินข้าวป่า

    เมือยามบ้าน ไปนาหว่านข้าว กินข้าวป่า


    เฒ่าพ่อก่นดินอัดคันแท ย้อนหว่างเกี่ยวข้าวเพินตัดทางให้รถแก่ข้าวผ่านทาง
    ยามฝนกะต้องอัดไว้คือเก่า บ่ซั่นน้ำสิใหลหนีเบิด

    เมือยามบ้าน ไปนาหว่านข้าว กินข้าวป่า

    เมือยามบ้าน ไปนาหว่านข้าว กินข้าวป่า

    ยามเมื่อยกะนั่งหลบแดดไต้ฮ่มไม้ แนมเบิ่งกะตะหลูโตนเพินยุครับ ปีนี้อายุเพินกะ 44 ปีแล้ว

    เมือยามบ้าน ไปนาหว่านข้าว กินข้าวป่า


  2. #2
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    เที่ยงกว่าแล้ว พากันขึ้นจากนา เซามีแฮง หาแนวอยู่แนวกินครับ ปีนี้บ้านเฮาฝนตกแต่หัวปี
    แนวอยู่แนวกินบ่อึดครับ หาเอานำท่งนำนานั้นล่ะ บ่ว่าสิเป็นเห็ดปลวก หน่อไม้ ไข่มดแดง
    ผลไม้กะได้บักม่วงสุกอยู่ต้น บ่ได้ซื้อจักแนว

    ธรรมดาแล้ว ตำบักหุ่ง แกงเห็ด แกงหน่อไม้ กะกินแล้วคาบอิ่มนำสำราญแล้ว สำหรับอีสานบ้านเฮา
    แต่มื่อนั่นลูกชายกลับจาก กทม. เมือยามบ้าน ผมเลยหาแนวกินสวยพิเศษแนจักหน่อย
    ว่าสิไปซื้อไก่อยู่นาไทพี่น้องแถวนั้นล่ะครับมาต้มสู่กันกิน แต่เพินจับบ่ได้ เลยได้เอาเป็ดมาลาบแทน
    นาเจ้าของเลี้ยงไว้กะบ่ยัง เทิงหมากัด เทิงคนลัก ย่อนบ่ได้อยู่นาตลอด อีพ่อเพินเลยเซาเลี้ยง

    ทุกเทือที่ออกมานาท่งนี้สิพากันเซามีแฮง เฮ็ดอยู่เฮ็ดกินไต้ฮ่มบักขามครับ
    แต่มื่อนี้ เพินบ่เหลือให้เซาฮ่มแล้ว ย่อนเพินถืกพายุพัด ตามที่ได้เว่าสู่พี่น้องเฮาฟังไปแล้ว
    ตามนี้ครับ http://www.baanmaha.com/community/thread48644.html



    เมื่อบ่มีฮ่มเซาแล้ว จำเป็นต้องไปเซาในเถียงนา แคบแน่จักหน่อยกะบ่เป็นหยัง
    มาครับ มาเบิ่งแนวอยากแนวกิน ผมได้หยังแนกินสวยมื่อนี่

    อย่างแรกเลย ลาบเป็ด ต้มเป็ด อ่ำเป็ด เฮ็ดกินกับดินกับหญ้าแบบนี้ล่ะครับ มันคือจั่งกินข้าวป่า
    มื่อนี้น้องชายบอกสิขอเป็นพ่อครัวเอง สำหรับเมนูเป็ด วาซั่น















    ลาบสุกครับ บ่ใส่เลือด สำหรับผู้บ่มักเลือด



    อั่นนี้ อ่ำเป็ด แซบคัก


  3. #3
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    ต่อเนื่องครับ สำหรับแนวกินสวย แม่ป้าเพินไปแหย่ไข่มดแดงครับ ได้มาถ้วยน้อยนึง
    เก็บผักกระโดนมานำ พอได้ห่อเมี่ยงวาซั่น



    อีแม่เพินแกงเห็ดปลวก เก็บได้แต่มื่อวานแล้ว เลยบ่มีบรรยากาศตอนเก็บเห็ดมาสู่พี่น้องเบิ่ง





    ซอยบักหุ่งไว้ถ้าตำ



    บักพริกโพน บักเขือเหลืองไว้ใส่ตำบักหุ่ง เก็บเอาจากสวนอยู่นาล่ะครับ บ่ได้ซื้อจักบาท



    ตำบักหุ่งแล้วๆ




    มาครับ หาพาข้าวออก กินข้าวสวยนำกัน บ่ายโมงกว่าแล้ว
    ห่อเมี่ยงไข่มดแดงก่อนเลย ขาดบ่ได้แม่นบักสองซาว ผมกับพ่อลุง กับน้องชาย ขวดใหญ่นึงเบิดพอดี
    เฒ่าพ่อเพินกะบ่กินนำ










    กินข้าวสวยแล้ว กะพากันนอนเซามีแฮงจักคราว แดดอ่อนจั่งออกไปคราดนาต่อให้มันแล้ว เหลือบ่หลายปานได๋
    ยอมรับว่าเฮ็ดเวียกยุบ้านเฮามันเมื่อยครับ แต่เมื่อยเฮากะเซาพักได้ บ่ได้มีผุอื่นมาชี้มือสั่ง เป็นนายเจ้าของ ซำบายใจดี

    คึดยุครับ คึดอยากกลับไปอยู่บ้าน แต่พ่อเพินกะบอกว่า ซามโตยังหนุ่มยังแน่น ฟ้าวไปหาเก็บหากำเอาสาก่อน
    พ่อกะยังบ่ทันเฒ่าปานได๋ดอก ยังแข็งแฮงอยู่ อีกจัก 5-6 ปีจั่งกลับมาอยู่บ้านเฮากะได้ดอก วาซั่น
    อีกบ่โดนดอกครับ มีเงินจักก้อน กะสิพา ผบ. กลับไปใช้ชีวิตอยู่ทางบ้านเฮาพุ่นล่ะ

    กลับไปยามบ้านเทือนี้กะได้อยู่บ้านมื่อเดียวครับ ย่อนลางานบ่ได้ เลยเก็บบรรยากาศมาฝากได้บ่หลายปานได๋
    เอาไว้พ้อกันกระทู้หน้า สิเอาบรรยากาศงานบวชทางบ้านมาสู่เบิ่ง กระทู้นี้เอาไว้ส่ำนี่ก่อน
    เล็กๆน้อยๆจากทีมงาน ขอบคุณบ้านมหาสำหรับพื้นที่นำเสนอครับ

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    เห็นทุ่งนาทางบ้านเฮายามได๋กะคึดฮอดบ้านคือกันยุคักหลายกินข้าวอยู่ทุ่งนาลาบเป็ดกะเป็นตะแซ่บเนาะแกงเห็ดปลวกมีแต่อั่นแซ่บๆๆน้อพริกโพนเป็นตะกินกับปลาส้มคักหลายครับ:b-b:b-b:*-:*-:*-

  5. #5
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    แม่นพุข่ากะสิหลูบตำแกงเห็ดปวกท่อนแหล่วอิอิอิ...เห็นบรรยากาศแล้วคึดฮอดบ้านคักอิดสาพุได้เมือยามบ้านดู๋ๆเนาะ บาดจะของนั่นหนาปีหนึ่งจังได้ซอดบ้านเทือนึง...เว่ามาล่ะ0
    แก้ไขครั้งสุดท้ายโดย สาวเมืองยศ; 24-05-2013 at 03:12. เหตุผล: แก้คำผิด

  6. #6
    Recipes And Cooking สัญลักษณ์ของ พวงพะยอม
    วันที่สมัคร
    Feb 2013
    ที่อยู่
    New York,U.S.A.
    กระทู้
    1,112
    บล็อก
    2
    บรรยากาศอบอุ่น เป็นตากินข้าวแซบดีน้อจ้า

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    เฮ็ดจั่งได๋กะเป็นตาแซบเหมิดเนาะค่ะ คั่นว่ากินข้าวป่าบ้านเฮากะดาย
    ขนาดตำหมากหุ่งยังว่าเป็นตาแซบแม๋ะจ้า ฮ่าๆ

  8. #8
    ร่วมถ่ายทอดความรู้สู่สังคม สัญลักษณ์ของ โชติ
    วันที่สมัคร
    Mar 2008
    ที่อยู่
    bbk
    กระทู้
    786
    บรรยากาศดีเนาะอ้าย อบอุ่น และเป็นตาแซบ คับ

  9. #9
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ให้กินนำแหน่ ตาแซบ สุอย่างเลย คึดฮอดบ้านเด้ บรรยากาศบ้านๆ เบิ่ง แล้วสบายตา สดชื่นหัวใจ
    แก้ไขครั้งสุดท้ายโดย นู๋น้อย; 24-05-2013 at 08:36.

  10. #10
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    เห็นภาพแล้วกะคิดฮอดบ้าน
    แนวกินกะเป็นตาแซบคัก
    มีแนวแก้คาวพร้อม แม่นแนวปานหยัง 555