กำลังแสดงผล 1 ถึง 7 จากทั้งหมด 7

ป๊ะ...ไปเที่ยวเมืองจีนกัน

  1. #1

    ป๊ะ...ไปเที่ยวเมืองจีนกัน


    เมื่อต้นสัปดาห์ที่แล้วได้มีโอกาสไปเบิ่งงานโชว์เครื่องจักรกลที่เมือง กว่างเจา ประเทศจีนเพิ่นเลยเก็บตกรูปมาฝากพี่ฝากน้องเบิ่ง ภาพอาจซิบ่ชัดท่อได๋เด้อเพราะว่าถ่ายจากกล้องปัญญาอ่อน และก้อถ่ายจากโทรศัพท์นำ

    ตัดตอนเลยเน๊าะมาฮอดโรงแรมสิ่งแรกที่สดุดตาก้อคือผู้สาว อ้าวบ่แม่นเป็นชั้นจอดรถเข่าท่าขนาดได้ไอเดียมาวาซิเฮ็ดไห้พี่น้องเช่าตอนน้ำท่วมคือซิเข่าท่าขนาด 555
    ป๊ะ...ไปเที่ยวเมืองจีนกัน

    นี่ก้อหม่องที่เพิ่นจัดงานโชว์ ใหญ่คัก
    ป๊ะ...ไปเที่ยวเมืองจีนกัน

    อันนี้เป็นสวนหย่อมหน้าฮอล เป็นต้นไม้ปลอมเพิ่นเฮ็ดได้คือคัก
    ป๊ะ...ไปเที่ยวเมืองจีนกัน

    ขนาดโคนต้นบักพร้าวเพิ่นยังพิถีพิถันขนาด ต้องลูบๆคลำๆเบิ่งจังฮู้ว่าของปลอม เพราะฉนั้นซุอย่างที่เป็นของประเทศเพิ่นต้องแนมดีๆ
    (เอผู้สาวนี่ซิปลอมหลายบ่ฮึ พี่น้องผู้สันทัดบอกแน ผมละย่านหลายย่านพ้อของปลอม 555)
    ป๊ะ...ไปเที่ยวเมืองจีนกัน

    บรรยากาศในงานเพิ่น กว้างใหญ่คักน่าซิจักสิบยี่สิบเท่าของไบเทคบ้านเฮา
    ป๊ะ...ไปเที่ยวเมืองจีนกัน

    ย่างจนเมื่อย ย่างบ่ใหวแล้วขอพักก่อน(ตามประสาผู้กำลังซิเฒ่า)
    ป๊ะ...ไปเที่ยวเมืองจีนกัน

    เซาเมื่อยแล้วก้อได้เวลาพักผ่อนกะอาหารแลง
    ป๊ะ...ไปเที่ยวเมืองจีนกัน

    ได้เวลาเมือหม่องนอนและ ฝนบ้านเพิ่นก้อตกดีขนาด ตกซุมื้อลำบากคัก
    ป๊ะ...ไปเที่ยวเมืองจีนกัน

    แท็กซี่บ้านเพิ่น ส่วนมากก้อคือบ้านเฮา เป็นรถที่เพิ่นผลิตเองในประเทศ(เงินทองบ่รั่วใหลดี)
    ป๊ะ...ไปเที่ยวเมืองจีนกัน

    แต่....ที่บ่คือบ้านเฮาก้อฝาถังน้ำมันนี่หละ ส่วนมากเห็นแต่แบบนี้ ขั่นพี่น้องผู้ใด๋สนใจต้องนำเข้าเด้อครับ
    ป๊ะ...ไปเที่ยวเมืองจีนกัน

    ท้ายนี่..ขอขอบคุณ บ้านมหาบ้านหลังที่อบอุ่นนี่ ที่เอื้อเฟื้อพื้นที่หลายเด้อครับ
    แก้ไขครั้งสุดท้ายโดย บ่าวจีดส์; 28-05-2013 at 10:27.


  2. #2
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    858
    บล็อก
    1
    บ่าวจี๊ดส์มาสร้างยุพัทยาแหน่จ้า หม่องนี้สิเวิร์คยุจ้า หย้อนมันหาหม่องจอดรถยากคักๆจ้า

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    ของปลอมกะสิมีหลายพอๆกับบ้านเฮาหละบ่าวหืออาจสิหลายก่อกะย่านคือกันเน๊าะ

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    ขอบคุณบ่าวจีดส์ครับที่นำบรรยากาศมาให้เบิ่ง สำหรับผู้บ่มีวาสนาสิได้ไปจั่งข่อย

  5. #5

    มาต่อกันตอนที่ 2 กันครับ

    มาต่อกันอีกจักหน่อยน้อครับ ว่าซิอัฟขึ้นพร้อมกันแต่เวลามีน้อย เน็ตก้ออืด เจ้านายเพิ่นก้อป้อยนำ(อันนี้สำคัญ555)


    มาต่อกันตอนที่ 2 กันครับ
    อุบัติเหตุก้อมีพอๆกับบ้านเฮา แต่ก้อน่าซิบ่หลายคือบ้านเฮา เพราะจากที่อยู่ 7-8 มื้อก้อเพิ่งพ้อ ถึงแม้ว่าการใช้รถใช้ถนนเพิ่นซิบ่ค่อยเป็นระเบียบ
    แต่อย่างนึงที่เพิ่นมีหลายกว่าเฮาก้อคือ การยอมกัน คันนี้ก้อ BMW เพิ่นบ่ได้ชนกับใผ๋ดอกแต่ถนนลื่น


    มาต่อกันตอนที่ 2 กันครับ
    ภาพนี้บ่ชัดแต่ก้ออุตส่าห์แนมเอาเด้อครับ เพราะว่าเป็นหนึ่งในสามสิ่งที่เพิ่นว่าถ้าใผ๋พ้อซิโชคดี
    อย่างที่1.ก้อคือน้องหมาเพราะว่าเมืองเพิ่นใผ๋ซิเลี้ยงน้องหมาก้อต้องจ่ายเงินให้รัฐบาลต่อตัวก้อหลายบาทอยู่ เทียบเป็นเงินไทยก้อน่าซิหกหลักพุ้นละครับ
    อย่างที่2.ก้อคือคนท้อง เพราะว่าเพิ่นให้มีลูกได้ครอบครัวละคนขั่นผู้ใด๋ซิมีลูกคนที่สองที่สามก้อต้องจ่ายเงินให้รัฐคือกันก้อประมาณ
    สองสามแสนบาทต่อลูกที่เพิ่มมาหนึ่งคนละครับเพื่อเป็นหลักประกันว่าซิมีปัญญาเลี้ยงลูก เป็นการควบคุมประชากรได้ดีขนาด
    อย่างที่3.ก้อมอเตอร์ไซค์ เพราะว่าเพิ่นห้ามขับเข้ามาในเมืองนี้อยู่ตามชานเมืองนะได้ ขี่ได้ตะจักรยาน เพราะฉนั้นที่เห็นรถวิ่งในเมืองก้อซิมีตะรถส่วนโต๋ จักรยาน แท็กซี่ แม้แต่ระปิ๊กอัพก้อบ่พ้อ


    มาต่อกันตอนที่ 2 กันครับ
    อันนี้เป็นถนนเก่าเพิ่นลึกลงไปประมาณเมตรกว่าๆ เห็นเพิ่นบอกสมัยอยู่แต่จำบ่ได้ 555 อายุก้อประมาณ 1,600 กว่าปี ผสมผสานกันถถนใหม่ได้ดี
    บ่ต้องเสียเงินเข้าชม บ่ต้องล้อมกรอบคือบ้านเฮา


    มาต่อกันตอนที่ 2 กันครับ
    อั่นข้างหลังนะรถตำรวจเพิ่น น่าซิคล้ายๆกับที่พักคนเก่งบ้านเฮา (อันนี้คึดเอาเองเด้อครับ 555)


    มาต่อกันตอนที่ 2 กันครับ
    นี่กะรถเมล์บ้านเพิ่น สภาพดีกว่าบ้านเฮาหลายเติบ แต่ที่สดุดตาก้อคือป้ายโฆษณาด้านข้างรถ มีสินค้าไทย ภาษาไทยนำ เห็นแล้วเซาคึดฮอดบ้านได้น่อยนึง


    มาต่อกันตอนที่ 2 กันครับ
    ด่านเก็บเงินค่าทางด่วนบ้านเพิ่นก้อคือๆกันกะบ้านเฮา


    มาต่อกันตอนที่ 2 กันครับ
    สัญลักษ์เก่าเมืองกว่างเจา อนุเสาวรีย์ห้าแพะเพิ่นว่าเป็นเซียนที่ลงมาช่วยชาวบ้านให้หายจากความอดอยาก และเภทภัย


    มาต่อกันตอนที่ 2 กันครับ
    อันนี้สัญลักษ์ใหม่เมืองกว่างเจา เพิ่นว่าขั่นขึ้นไปข้างบนสุดซิเห็นฮอดเมืองเซียงไฮ หรือปักกิ่งนี่หละจำบ่ได้แล้วมัวตะเเหงนคอเบิ่ง


    ท้ายนี่ขั่นข้อมูลหม่องใด๋ผิดพลาดก้อขออภัยเด้อครับ ย้อนว่าคาตะเบิ่งไกด์ผู้สาวเพิ่นเว่าไทยได้น่ารัก

    ขอบุณเวปบ้านมหาอีกเทือครับที่เอื้อเฟื้อพื้นที่ ขอบคุณคับ

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    กรี๊ดดดดดดดดดดดดดด เอาอีก ๆ ๆ ๆ

  7. #7
    คร๊าบบบ..อ้ายพล เดี๋ยวให้เจ้านายเพิ่นเผลอก่อนเด้อครับ 555 เดี๋ยวซิเพิ่มให้เบิ่งอีกครับ(ย่านเจ้านายคัก ย่านเพิ่นบ่ออกเงินให้ไปอีก 555)