ป๊ะ...ไปเที่ยวเมืองจีนกัน

[บ่าวจีดส์]

เมื่อต้นสัปดาห์ที่แล้วได้มีโอกาสไปเบิ่งงานโชว์เครื่องจักรกลที่เมือง กว่างเจา ประเทศจีนเพิ่นเลยเก็บตกรูปมาฝากพี่ฝากน้องเบิ่ง ภาพอาจซิบ่ชัดท่อได๋เด้อเพราะว่าถ่ายจากกล้องปัญญาอ่อน และก้อถ่ายจากโทรศัพท์นำ

ตัดตอนเลยเน๊าะมาฮอดโรงแรมสิ่งแรกที่สดุดตาก้อคือผู้สาว อ้าวบ่แม่นเป็นชั้นจอดรถเข่าท่าขนาดได้ไอเดียมาวาซิเฮ็ดไห้พี่น้องเช่าตอนน้ำท่วมคือซิเข่าท่าขนาด 555


นี่ก้อหม่องที่เพิ่นจัดงานโชว์ ใหญ่คัก


อันนี้เป็นสวนหย่อมหน้าฮอล เป็นต้นไม้ปลอมเพิ่นเฮ็ดได้คือคัก


ขนาดโคนต้นบักพร้าวเพิ่นยังพิถีพิถันขนาด ต้องลูบๆคลำๆเบิ่งจังฮู้ว่าของปลอม เพราะฉนั้นซุอย่างที่เป็นของประเทศเพิ่นต้องแนมดีๆ
(เอผู้สาวนี่ซิปลอมหลายบ่ฮึ พี่น้องผู้สันทัดบอกแน ผมละย่านหลายย่านพ้อของปลอม 555)


บรรยากาศในงานเพิ่น กว้างใหญ่คักน่าซิจักสิบยี่สิบเท่าของไบเทคบ้านเฮา


ย่างจนเมื่อย ย่างบ่ใหวแล้วขอพักก่อน(ตามประสาผู้กำลังซิเฒ่า)


เซาเมื่อยแล้วก้อได้เวลาพักผ่อนกะอาหารแลง


ได้เวลาเมือหม่องนอนและ ฝนบ้านเพิ่นก้อตกดีขนาด ตกซุมื้อลำบากคัก


แท็กซี่บ้านเพิ่น ส่วนมากก้อคือบ้านเฮา เป็นรถที่เพิ่นผลิตเองในประเทศ(เงินทองบ่รั่วใหลดี)


แต่....ที่บ่คือบ้านเฮาก้อฝาถังน้ำมันนี่หละ ส่วนมากเห็นแต่แบบนี้ ขั่นพี่น้องผู้ใด๋สนใจต้องนำเข้าเด้อครับ


ท้ายนี่..ขอขอบคุณ บ้านมหาบ้านหลังที่อบอุ่นนี่ ที่เอื้อเฟื้อพื้นที่หลายเด้อครับ

[ลุนนี ศรีเกษ]

บ่าวจี๊ดส์มาสร้างยุพัทยาแหน่จ้า หม่องนี้สิเวิร์คยุจ้า หย้อนมันหาหม่องจอดรถยากคักๆจ้า

[lungyai1123]

ของปลอมกะสิมีหลายพอๆกับบ้านเฮาหละบ่าวหืออาจสิหลายก่อกะย่านคือกันเน๊าะ

[พล พระยาแล]

ขอบคุณบ่าวจีดส์ครับที่นำบรรยากาศมาให้เบิ่ง สำหรับผู้บ่มีวาสนาสิได้ไปจั่งข่อย

[บ่าวจีดส์]

มาต่อกันอีกจักหน่อยน้อครับ ว่าซิอัฟขึ้นพร้อมกันแต่เวลามีน้อย เน็ตก้ออืด เจ้านายเพิ่นก้อป้อยนำ(อันนี้สำคัญ555)



อุบัติเหตุก้อมีพอๆกับบ้านเฮา แต่ก้อน่าซิบ่หลายคือบ้านเฮา เพราะจากที่อยู่ 7-8 มื้อก้อเพิ่งพ้อ ถึงแม้ว่าการใช้รถใช้ถนนเพิ่นซิบ่ค่อยเป็นระเบียบ
แต่อย่างนึงที่เพิ่นมีหลายกว่าเฮาก้อคือ การยอมกัน คันนี้ก้อ BMW เพิ่นบ่ได้ชนกับใผ๋ดอกแต่ถนนลื่น



ภาพนี้บ่ชัดแต่ก้ออุตส่าห์แนมเอาเด้อครับ เพราะว่าเป็นหนึ่งในสามสิ่งที่เพิ่นว่าถ้าใผ๋พ้อซิโชคดี
อย่างที่1.ก้อคือน้องหมาเพราะว่าเมืองเพิ่นใผ๋ซิเลี้ยงน้องหมาก้อต้องจ่ายเงินให้รัฐบาลต่อตัวก้อหลายบาทอยู่ เทียบเป็นเงินไทยก้อน่าซิหกหลักพุ้นละครับ
อย่างที่2.ก้อคือคนท้อง เพราะว่าเพิ่นให้มีลูกได้ครอบครัวละคนขั่นผู้ใด๋ซิมีลูกคนที่สองที่สามก้อต้องจ่ายเงินให้รัฐคือกันก้อประมาณ
สองสามแสนบาทต่อลูกที่เพิ่มมาหนึ่งคนละครับเพื่อเป็นหลักประกันว่าซิมีปัญญาเลี้ยงลูก เป็นการควบคุมประชากรได้ดีขนาด
อย่างที่3.ก้อมอเตอร์ไซค์ เพราะว่าเพิ่นห้ามขับเข้ามาในเมืองนี้อยู่ตามชานเมืองนะได้ ขี่ได้ตะจักรยาน เพราะฉนั้นที่เห็นรถวิ่งในเมืองก้อซิมีตะรถส่วนโต๋ จักรยาน แท็กซี่ แม้แต่ระปิ๊กอัพก้อบ่พ้อ



อันนี้เป็นถนนเก่าเพิ่นลึกลงไปประมาณเมตรกว่าๆ เห็นเพิ่นบอกสมัยอยู่แต่จำบ่ได้ 555 อายุก้อประมาณ 1,600 กว่าปี ผสมผสานกันถถนใหม่ได้ดี
บ่ต้องเสียเงินเข้าชม บ่ต้องล้อมกรอบคือบ้านเฮา



อั่นข้างหลังนะรถตำรวจเพิ่น น่าซิคล้ายๆกับที่พักคนเก่งบ้านเฮา (อันนี้คึดเอาเองเด้อครับ 555)



นี่กะรถเมล์บ้านเพิ่น สภาพดีกว่าบ้านเฮาหลายเติบ แต่ที่สดุดตาก้อคือป้ายโฆษณาด้านข้างรถ มีสินค้าไทย ภาษาไทยนำ เห็นแล้วเซาคึดฮอดบ้านได้น่อยนึง



ด่านเก็บเงินค่าทางด่วนบ้านเพิ่นก้อคือๆกันกะบ้านเฮา



สัญลักษ์เก่าเมืองกว่างเจา อนุเสาวรีย์ห้าแพะเพิ่นว่าเป็นเซียนที่ลงมาช่วยชาวบ้านให้หายจากความอดอยาก และเภทภัย



อันนี้สัญลักษ์ใหม่เมืองกว่างเจา เพิ่นว่าขั่นขึ้นไปข้างบนสุดซิเห็นฮอดเมืองเซียงไฮ หรือปักกิ่งนี่หละจำบ่ได้แล้วมัวตะเเหงนคอเบิ่ง


ท้ายนี่ขั่นข้อมูลหม่องใด๋ผิดพลาดก้อขออภัยเด้อครับ ย้อนว่าคาตะเบิ่งไกด์ผู้สาวเพิ่นเว่าไทยได้น่ารัก

ขอบุณเวปบ้านมหาอีกเทือครับที่เอื้อเฟื้อพื้นที่ ขอบคุณคับ

[พล พระยาแล]

กรี๊ดดดดดดดดดดดดดด เอาอีก ๆ ๆ ๆ

[บ่าวจีดส์]

คร๊าบบบ..อ้ายพล เดี๋ยวให้เจ้านายเพิ่นเผลอก่อนเด้อครับ 555 เดี๋ยวซิเพิ่มให้เบิ่งอีกครับ(ย่านเจ้านายคัก ย่านเพิ่นบ่ออกเงินให้ไปอีก 555)