หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: -------------------------------- คู่กันอยู่บ้ออ้าย ---------------------------

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    -------------------------------- คู่กันอยู่บ้ออ้าย ---------------------------


    หากต้นไม้อาศัยดิน ปลาถวิลอาศัยน้ำ ท้องฟ้าครามมีเมฆหม่น ฝนยังตกจ้นจ้น จากบนฟ้าสู่นที
    ทางยังมีหม่องลดเลี้ยว ต้นหญ้าเขียวอยู่ข้างฮ่อง ซุมจอกแหนยังเต็มหนอง คือใจคองถ้าฮักอ้าย บ่เคยย้ายป้ายห่างหนี
    ดวงชีวียังคองถ้า ดวงชาตายังคองพี่ ดวงใจน้องที่ดี ดี กะยังมีฮักให้อ้าย บ่มายม้างกะซ่างเป็น
    แสงจันทร์เพ็ญยังเคียงฟ้า ดวงดาราถ้าคองคู่ ดวงใจน้องคองยอดชู้ สิมาคู่เป็นหมู่ใจ
    สายน้ำใสเคียงปลาน้อย สายลมลอยเคียงอากาศ ใจสิขาดหากแม่นอ้าย บ่หมายคู่ เป็นคู่เฮียง เด๊อ้าย

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: -------------------------------- คู่กันอยู่บ้ออ้าย ---------------------------

    @ คันเจ้าเป็นต้นไม้ อ้ายสิต่าวขอเป็นดิน เป็นสายสินธุ์ลงหด รดพรวนให่นวลเนื้อ
    เจ้าเป็นเสือ อ้ายสิเป็นกวางเก้งให้นางเห็งกินโหม่ม น้องเป็นลม อ้ายสิเป็นเมฆน้อยลอยลิ่วเจ้าพัดไป
    เจ้าเป็นไถ อ้ายสิเป็นควายตู้บู๋นาไปตามฮ่อง ขอเป็นสองแก่นหมั่น สัมพันธ์เกี้ยวกล่อมกวม...นั้นแหลว ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,781

    Re: -------------------------------- คู่กันอยู่บ้ออ้าย ---------------------------

    ให้ข่อยมั่วนำจักบาดแน....อิอิ
    :D :D
    โอ่น๊อน้องเอ้ย มาเฉลยในใจอ้าย อย่าฟ้าวมายไปทางอื่น บ่ได้ฝืนใจเว่า อยากให้เจ้าฟังเบิ่งดู๊
    คันเป็นคู่กันแล้ว อ้ายบ่แซ่วเจิดหนี คนผู้ดีคือจังน้อง อ้ายหมายปองมาเป็นชู้ บอกให้ฮู้ว่าอีหลี
    ไม่เข้าถ้ำมอง เหตุไฉนจะได้มอง...http://img198.google.co.th/img198/6016/iinjiisjiisj.gif

  4. #4
    แบ่งปันความรู้และประสบการณ์
    วันที่สมัคร
    May 2007
    กระทู้
    181
    แสงจันทร์วาวดาวเต็มฟ้า กลางเวหาแจ้งสว่าง
    ใจเดินทางไปหาอ้าย คือแหวกว่ายกลางหมู่ดาว
    ทุกเส้นทางที่ย่างก้าว คือไอหนาวก้าวเป็นหมู่
    อุปสรรค์หนักขอสู้ เพียงอ้ายคู่เป็นหมุ่ใจ
    ลมพัดไหวใบตองพริ้ว หัวใจหวิวคิดฮอดพี่
    ทุกเศษเสี้ยววินาที ในใจมีแต่เพียงอ้าย หายใจเข้าว่าคิดถึง เด้ออ้ายเอ๊ยยยยย

  5. #5
    บ่าวเมฆินทร์
    Guest
    คำเอ๋ย.....
    คันแม่นนางคือดาวอยู่เทิงฟ้า อ้ายขอเป็นพสุธา ให้นางน้องได้สาดส่อง
    คันเป็นน้ำในหนอง อ้ายขอเป็นปลาค่อน้อย ลอยน้ำแม่นที
    คันเป็นหวีอ้ายขอเป็นหัวล้านโอ๊ะบ่แม่น
    คันเป็นหมีโตชายสิเป็นเผิ่ง ให้น้องนาง ได้กินโหม่ม
    นางเป็นโบมขอเป็นไม้ข่อนด้าม พอได้ปี้น ดอกเข่าส่าย
    คันนางเป็นป่านสาย อ้ายขอเป็นบ่าวน้อย ให้นางคล้องบัดต้องลม
    คันเป็นตมสิขอเป็นควายบักตู้ สูลู ดอกนอนแส่
    คันว่าแม่นเป็นแห สิขอเป็นข่องน้อย ให้นางน้องดอกใส่ปลา.......สาแหลว

  6. #6
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    อ้ายเอ้ย ...
    ย้านตะตี๋เเถลงล่ม เอาลมมาปั้นรูป
    บ่เเม้เชื้อชาติเเป้งแปงได้กะบ่นวน
    หอมลำดวนมันบ่คือหอมเเก้ม หมู่นิออนชัวดอกหล่ำ
    อ้ายเป้นเเนวทองคำ น้องเป็นเเนวตะกั่วฮ่าย
    สิหมายซ้อนเเม่นตั้งเเต่ลม ซั่นเเหล่ว..
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    หล่าเอ้ย บ่อได้ตี๋แถลงหล่มเอาลมมาปั้นแต่งดอกนา
    บ่อแม่นเซื้อซาติแป้งแปลงได้กะบ่อขาว
    บ่อได้ซาวเครือดั้วเอามาตั๋วต้มตื่ม
    บ่อได้ยืมกระโบกบั้งมาขังข้อต่อพะอวน
    บ่อได้กวนหนองน้ำวารีให้งัวตื่น ดอกนา
    บ่อได้แปลงกล่าวพื้นให้นางน้องเป็นป่องแปว
    หากเป็นจริงแท้แล้วจั่งออกกล่าววาจา
    เป็นผญาคำควรมอบพะอวนพายพี้
    ดีบ่อดีกะฟังไว้จาระนัยพอฮู้ฮ่อม บ่าวพี่ชายส่งน้อมประการพร้อมซูแนว..นั้นแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  8. #8
    winai tumdee
    Guest

    คู่กัน

    โอ่ยน้อนางเอ้ยย บ่ได้ย่ำข้าวหมก บ่ได้จกข้าวป้อน มาเฮ็ดไห้อ้ายคึดนำแท้หนอ..นางเอยย

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    บ่เคยคิดเทียมฟ้าปรารถนาแต่แนมส่อง
    วาสนาบ่เทียมต้องสิได่จองหัวใจเพิ่น
    เจียมทางใจเฮ็ดหมางเมินยามเพิ่นเอิ้นสั่งใส่
    ให้อยู่ดีเด้ออ้ายน้องบ่หมายเฮียงซ้อน
    เจ้าค่าคู่เคียงคอนทองน้องดั่งดินบ่ควรอ้าย
    มองต่าง..อย่างปลง

  10. #10
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    ...อ้ายเอ้ย...
    น้องนี้เเนวนามเชื้อบักหอยนาหน้ากล่ำ
    คั่นบ่หักไม้ค้ำ คั่นบ่ปล้ำไม้ยู้ ชูขึ้นกะบ่เถิ่ง
    เชื้อชาติเเฮ้งบ่ห่อนเวินตาแหลว
    บ่ฮ่อนคือ หงส์คำ ผู้อยุ่นำเถิงฟ้า
    วาสนานางน้อย บ่ฮ่อนคอยไปคู่พี่
    คือสิได้นั่งลี้ หนีส่น จั่งบักหอย นั่นแหล่ว...........
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •