........ฟังเสียงฟ้าฮ้องตึ้ง กบกะอ่านหนังสือ
........ เขียดบักแอะ ปรบมือ อึ่งยางสิลำเต้ย
........เขียดจะนา ถือแคนจ้อ บักหลังซาเป่าปี่
.........คักละน้อมื่อนี่ คองฝนตกจากฟ้า เฮาสิได้ชื่นแซว
.........คันคาก เมาแล้วอ้าง จาสิแบกขอนจิก
..........เขียดจะนาสิกินกบ เขียดบักแอะสิกินช้าง
.........คือจั่งนางกับอ้าย หมายกินดองปูจี่
.........แต่เดือนสาม เอน มาใส่เดือนสี่
.........นี่ก็เดือนหกแล้ว บ่อเห็นจ้อยเต่านา
คือว่าหล่ะ.....พี่นี้ คีนมีนหน้า หากินแต่หอยจี่
..........ซีกวีกแข่วจังซี่ หาแห่นหมากกระเบา นางเอ้ย...
..........บ่ คือโฉมเฉลาน้อง หากินหมากผีผ่วน
..........เจ้าหากงาม อ้วนท้วน หากินต้มเอี่ยน ทะเล
Bookmarks