กำลังแสดงผล 1 ถึง 7 จากทั้งหมด 7

พักสมองสะพายกล้องส่องไฮ่นา

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    พักสมองสะพายกล้องส่องไฮ่นา


    มื้อวานหลังเลิกงานพอมีเวลาว่างเล็กน้อย เลยหาวิธีให้อ๊อกซิเจนเพิ่มวิตามินให้สมอง
    ที่เหนี่อยล้าจากการนั่งในห้องสี่เหลี่ยมแคบๆ ซึ่งมีแต่ความวุ่นวายสับสน
    มีแต่ศัพท์สำเนียงเสียงบ่น พร้อมกับหน้าตายุ่งๆ ของเจ้านายและเพื่อนร่วมงาน
    บางมื้อกะมีเสียงบรรยายวิธีการใช้งานของผลิตภัณฑ์เครื่องใช้
    เครื่องอำนวยความสะดวกของเซลจากบริษัทห้างร้านที่แวะเวียนเข้ามาบ่อได้ขาด
    โดยการสะพายกล้องออกไปเยี่ยมท่งนาและไฮ่มันที่ปลูกไว้ตั้งแต่ก่อนสงกรานต์

    พักสมองสะพายกล้องส่องไฮ่นา
    พักสมองสะพายกล้องส่องไฮ่นา

    ดอกไม้ป่าออกดอกสวยงาม จักแม่นเผิ่นซื่อหยังกะบ่อฮู้ แต่บ่อว่าเผิ่นสิซื่อหยังนั้นบ่อ
    สำคัญ ถึงสิซื่อว่าโคลนตมเผิ่นกะยังทำหน้าที่เป็นดอกไม้ให้คนได้ชิ่นชม ให้มวลหมู่แมลง
    ได้ไต่ตอมดูดน้ำหวานหล่อเลี้ยงชีวิต
    พักสมองสะพายกล้องส่องไฮ่นา

    ยอดเครือเขืองกำลังป่งยอดดั้วสีสดใสงามตา เสียงนกทา ตั๊ก ตาด ต้า!
    เลาะปลายนาทางหัวไฮ่ ฟังแล้วใจอิ่นอ้อยคือเผิ่นเอิ้นหาคู่เคียง
    พักสมองสะพายกล้องส่องไฮ่นา

    ยอดบักอึข้างฮั้วไฮ่มัน เอาไว้กินหน่วย
    พักสมองสะพายกล้องส่องไฮ่นา

    พอเมื่อจวนสิ้นแสงตะวันแลงลับค้อย เลยถอยโค้งเบิ่งท่งนา
    ตามรุกขาป่าไม้นกเขาคู เอิ้นหาคู่ เคียงคู่ข้างหาซ่นห่มนอน
    นกกะปูดปืดฮ้องคองทางฝนสิเล่ง เส็งนำดงป่าไม้คือเสียงฮ้องแอ่วลำ
    พักสมองสะพายกล้องส่องไฮ่นา

    เครือหมากส้มลมตามคันนากำลังออกดอก ฮอดยามเกี่ยวข้าวกะเอาหมากมาตำส้ม
    พักสมองสะพายกล้องส่องไฮ่นา

    ก่อนสิกลับบ้านกะเลาะเก็บผักคุณทกตามป่าดอนหัวนา
    พักสมองสะพายกล้องส่องไฮ่นา

    พ้อผักกะเดากะเก็บผักกะเดา
    พักสมองสะพายกล้องส่องไฮ่นา

    ค่ำมืดแล้วกะยังบ่อฮอดบ้าน เลาะเก็บผักตำนินและผักไส่ข้างฮั้วอีก
    มีเหยี่ยวหมูเหยี่ยวหมากะหย่ามันเถาะล้างออกกินได้เหมิด
    พักสมองสะพายกล้องส่องไฮ่นา
    พักสมองสะพายกล้องส่องไฮ่นา

    ผักที่เก็บได้กะนำมาล้างลวกโฮมกันจักแนวขมแนวบ่อขม ลวกใส่กันกินคือพระวัดป่านี้ล่ะ
    พักสมองสะพายกล้องส่องไฮ่นา

    กับข้าวมื้อนั้นกะสิแสนสมถะ กินแต่พออยู่ได้ ได้ออกไปเลาะท่งไฮ่ท่งนากะมีความสุขแล้ว
    กะผ่านพ้นไปมื้อหนึ่ง เพื่อสิหลับนอนแล้วลุกขึ้นต่อสู้ในมื้อใหม่อีกเถื่อ
    ชีวิตกะมีส่ำนี้ล่ะพี่น้อง เป็นชีวิตที่บ่อหรูหรา กะเป็นแค่คนจนๆ ธรรมดาคนหนึ่ง
    พักสมองสะพายกล้องส่องไฮ่นา

    บักถั่วนำภาช์กะหาเก็บเอาข้างทางไปไฮ่นั้นล่ะ จักของไผดอก ตื่นเซ้ามากะบ่อเห็นเผิ่นนำมาเว้าควมเดล่ะ 5555
    ไปผู้เดียวบ่อมีผู้ถ่ายรูปให้กะเลยบ่อได้เห็นหน้าคนนำเสนอเนาะพี่น้อง
    ขอบคุณบ้านมหาที่ให้โอกาส ให้พื้นที่ได้นำเสนอบางส่วนของวิถีชีวิตน้อยๆ ชิวิตหนึ่ง
    เพื่อแลกเปลี่ยนเฮียนฮู้กับเพื่อนๆ ขอบคุณหลายๆ ครับ
    แก้ไขครั้งสุดท้ายโดย ทิดจ่อย; 27-06-2013 at 10:53.


  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ภาพคือน้อยแท้ เบิ่งบ่ สะใจเลย อาจารย์อ้าย ^_^ มักๆอีกบ่ดน จะได้คืนเมือสีเกดเฮา แล้ว ฮิ้วววววววว

    ป.ลิง ทดลองใช้ชีวิต มาเกือบทุกรูปแบบแล้ว แนวใด๋กะสู้ชีวิตจนๆแบบบ้านๆเฮาบ่ได้ดอก อาจารย์อ้าย แบบว่ามันบ่ใซ่ อ่ะ ...5555 ความสุขที่ยั้งยืนคือ ชีวิตที่พอเพียงในแบบที่ตนพอใจ ....
    แก้ไขครั้งสุดท้ายโดย นู๋น้อย; 27-06-2013 at 10:55.

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    เพิ่นว่าผักข้างครัวฮั้วกินได้มันแมนแท้เน๊าะลงไปท่งนากะสิบ่อึดแหล่วปลาแหมหนิส่ำขึ้นโคกไฮ่สวนกะบ่อึดแนวอยู่แนวกิน

  4. #4
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    เป็นตาอิดสาเนาะความสุขแนวนี่หาได้ยากแท้แหล่วในสังคมเมือง พุข่าล่ะยากไปใช้ชีวิตแนวนี่หลายแต่กะคือสิได้แต่ฝัน ฝัน ฝันแล้วกะฝัน

  5. #5
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447
    เป็นชีวิตที่คุ้นเคยมาตั้งต่ะน้อยแล้ว เห็นยามได๋กะฮ่ำฮอนยามนั้น ขอบคุณอ้ายทิดจ่อยที่เอาบรรยากาศที่โหยหามาให้ได้หายคึดฮอด ชีวิตคนเมืองกำลังสิโหม่มลึดซุมเฮาเหมิดแล้ว ซ่อยกันเติมความทรงจำเก่าๆอีสานบ้านเฮากันเอาไว้อย่าให้หลงลืม ฮีตเก่าคองหลังกันเด้อคับ เว่ามาหล่ะกะคึดฮอดเครียบักส้มลมเด้พี่น้องเอ้ย...

  6. #6
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    เห็นแล้วอิจฉาพุได้อยู่ใกล้บ้านเนาะครับ บรรยากาศดีคักเก็บผักเก็บหญ้า หัวไฮ่ปลายนามากินกับป่น ค่ำมาพร้อมหน้าพร้อมตาพี่ๆน้องๆ ยามได๋น้อเจ้าของจังซิได้อยู่ใกล้บ้านนำเพิ่น

  7. #7
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    มักบรรยากาศหลายครับ
    ข้างฮั้วไฮมัน ปลูกบักแตงโมไว้นำเด้อครับ