วันศุกร์ ที่ผ่านมา ทิดจ่อยมีโอกาสติดตามผู้นำและกลุ่มอาชีพในตำบล
ไปแลกเปลี่ยนเฮียนฮู้ การผลิตสินค้าโอทอป จากหมู่บ้านเข้มแข็งตัวอย่าง
บ้านจอมแจ้ง ตำบลสีกาย อำเภอเมือง จังหวัดหนองคาย เนื่องจากตำบลที่ทิดจ่อยอยู่
เป็นตำบลกำลังพัฒนาสู่ตำบลสุขภาวะ ตำบลน่าอยู่ จึงจำเป็นต้องไปเรียนรู้จากหลายๆ
พื้นที่ทังภาคอีสานและภาคอื่นๆ ในประเทศ
พอเดินทางไปถึงกะได้รับการต้อนรับด้วยความอบอุ่นและเป็นกันเอง
ผู้ใหญ่บ้านและอีกหลายตำแหน่ง ผู้มีประสบการณ์พาพี่น้องพัฒนาหมู่บ้าน
มาหลายสิบปี ได้กล่าวต้อนรับและบรรยายสรุปภาพรวมของหมู่บ้านและตำบล
ตลอดจนเส้นทางการพัฒนาที่ผ่านมา
ผู้มาเยือนและเจ้าของบ้านถ่ายฮูปฮ่วมกัน
หลังจากนั้นกะเป็นการแลกเปลี่ยนเฮียนฮู้ เริ่มต้นด้วยการสาธิตการเฮ็ดไข่เค็มจาก
ดินโพนปลวก
ได้ออกมาเป็นผลิตภัณฑ์ที่มีบรรจุภัณฑ์ที่สวยงาม
นี้กะเป็นการสาธิตขั้นตอนการเฮ็ดถั่วตัดที่มีรสชาติแซบอีหลี ผู้เฮ็ดกะเฮ็ดไป
ผู้ซิมกะซิมไป
แล้วกะมีสินค้าของหมู่บ้านอีกมากมาย บ่อได้เอาขั้นตอนหรือการสาธิตให้เบิ่ง
เช่น ถั่วอบสมุนไพร
ข้าวกล้องงอก
ปลาแดกโตใหญ่ๆ สิทอดหรือสิห่อใบตองกล้วยหมกกะแซบ
ของชำร่วย ของฝากที่เป็นเอกลักษณ์หมู่บ้านตำบล เช่น เข็มพญานาค
เนื่องจากเป็นจุที่มีบั้งไฟพญานาคขึ้นหลายอีกจุดหนึ่ง มีนักท่องเที่ยวมาหลายคุปี
บรรยากาศดี ห้องประชุมริมแม่น้ำโขง ขี่เฮือข้ามไปกะเป็นฝั่งลาวครับ
และอีกหลายผลิตภัณฑ์ หลายกลุ่มอาชีพในตำบล ที่บ่อได้เอามาให้พี่น้องเบิ่ง
เนื่องจากตำบลสีกายมี 8 หมู่บ้าน แต่ละหมู่บ้านผลิตสินค้าบ้านละอย่าง เพื่อบ่อให้
ล้นตลาด ถ้าพี่น้องท่านใด๋ หรือกลุ่มใด๋อยากไปอยู่ฝึกหัดกับเผิ่นจนเฮ็ดเป็นกะได้
มีบ้านพักโฮมสเตย์ให้พักอย่างดี เป็นรายได้เข้าชุมชนอีกทางหนึ่ง
ขอบคุณบ้านมหาที่ให้พื้นที่ในการแลกเปลี่ยนกับเพื่อนๆ ขอบคุณหลายๆ ครับ
คันไปพ้อหยังดีๆ กะสินำมาแลกเปลี่ยนกับพี่ๆ น้องๆ อีกครับ
อ้างข้อความนี้
Bookmarks