ตั้งแต่ปีใหม่เป็นต้นมา เทียวเดินทางกลับเมือบ้านเมืองเลยตกประมาณเดือนละเทื่อ ย้อนมีภาระกิจไปสร้างกระต๊อบน้อยไว้ซุกยามเฒ่ายามแก่ มาเบิ่งรวมเหตุการณ์ทั้งหมด
กลับไปตอนยกเสาเอกกระต๊อบน้อยตั้งแต่ต้นปี
ครอบครัวบ้านมหามาเป็นทีม
กลับไปตอนต้นเดือนที่แล้ว ตำหมานอนหลับอยู่กลางทางแตกอะยะ
พี่เขยไปใส่มองปลาขาวน้อยน้ำเลยมาไว้ถ่าหมก มองสองเซ็นต์
ตอนแลงกินสัตว์ปีก ลาบเป็ดซุมกัน
แห...ทาบัว อบเอากระแซบ
ยามแลงกะหนีไปนอนนากับพี่เขย แต่เกือบบ่ได้นอน หลานๆหิวเบียร์นำไปอีกเกือบแจ้ง
ตื่นเช้ามากะยามมองเอาปลาไปลาบ
ผลงาน ทางเมืองเลยเอิ้นว่าปลาเพี้ย คือปลายี่สกผสมกับปลากระสูบนี้
เอาแต่เข้กับไข่มันมาหมก ส่วนโตมันกะอัดใส่โฟมน้ำแข็งมาลาบบางปะกง
งมกะปูในสระมาจี่เป็นกับแกล้ม
แนวหาอยู่หากินพี่เขย
บรรยากาศทางเข้าบ้าน เห็นเทือกเขาภูหลวงอยู่ใกลๆลิบๆ ขี้ฝ้าบัง
ตอนปลายเดือนที่แล้วกลับไปอีก กระต๊อบน้อยเสร็จเรียบร้อยแล้ว
ทำพิธีขึ้นบ้านใหม่ แบบประเพณีบ้านเฮา ฝนกะตกดีคักผู้เฒ่าเปียกเบิด เพิ่นว่าอยู่ซุ่มกินเย็นว่าซ้าน
เฒ่าแม่ว่ามื้อดียกเสาเอกอีกหลังพร้อมกันเลย
อุปกรณ์ประกอบพิธี
ยามแลงญาติพี่น้องกะมากินข้าวซุมกันทุกมื้อ
ได้นอนบ้านใม่ครบ 3 คืนยุ ตื่นเช้ากะได้ทำบุญใส่บาตรหน้าบ้านทุกเช้า
ยามเช้ากะไปเก็บดอกแคอยู่นา
สุดท้ายนี้กะขอบคุณเว็บมาสเตอร์ที่ให้โอกาศได้มานำเสนอ มื้องานคนฮักบ้านบ่ได้เข้าไปสวัสดีซ้ำ ว่าอีกจักหน่อยค่อยเข้าไปทักเลาแขกอ้ายเลาหลายยุ หงวกกลับมาอีกเทื่อบ่เห็นแล้ว เอาไว้โอกาสหน้าเด้อครับอ้ายบ่าวคนเดิม
Bookmarks