กำลังแสดงผล 1 ถึง 9 จากทั้งหมด 9

ย้านได้หาลำขอข้าวอยู่เดอพี่น้องปีนี้

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    ย้านได้หาลำขอข้าวอยู่เดอพี่น้องปีนี้


    เฮ็ดนาปีนี้กะฝนฟ้าบ่ออำนวย คันบ่อตกอีกจัก 5 มื้อ ย้านบ่อยัง
    ทางท้องถิ่นอื่นๆ เป็นคือจั่งบ้านทิดจ่อยบ่อน้อ


    ย้านได้หาลำขอข้าวอยู่เดอพี่น้องปีนี้

    ย้านได้หาลำขอข้าวอยู่เดอพี่น้องปีนี้

    ย้านได้หาลำขอข้าวอยู่เดอพี่น้องปีนี้


    ฝนตกบ่อทั่วฟ้าคือเทวดาเจ้าใจจืด
    ฝืดนำคอคือแค้นข้าว หาน้ำหล่องบ่อมี
    ฝนไปดีแต่ทางก้ำเมืองเหนือและเมืองล่าง
    ผ่องดินพังผ่องน้ำท่วม ทางรถแล่นแท้ๆ ได้ขี่เฮือ

    เหลือใจหลายอยากอายเว้า ฟังข่าวทางทีวี
    อุตุเตือนว่าฝนดีให้ระวังภัยน้ำท่วม
    จับใจควมที่เผิ่นบอก ตกเจ็ดสิบเปอร์เซ็นของพื้นที่
    พออยากมุดดินหนี เจ็ดสิบเปอร์เซ็นที่เผิ่นเว้าตกแท้อยู่หม่องใด๋

    มาเบิ่งแหน่ทางอีสานตอนใต้ น้ำตาไหลจนเปียกซุ่ม
    ทางบ้านทิดจ่อยขี้ดินไหง่กุ้มๆ ข้าวตายแห้งเซ็ดน้ำตา
    ข้าแต่แถน แนนแต่ฟ้า ชำเลืองตามาส่องแหน่
    แล้งต่อไปย้านแต่แย่ ได้ขุดแง้แลกข้าวกิน......พี่น้องเอย


  2. #2
    แบ่งปันความรู้และประสบการณ์ สัญลักษณ์ของ หลอดปอดป่อง
    วันที่สมัคร
    Jun 2012
    ที่อยู่
    สุดเขตชายแดน
    กระทู้
    206
    ทางอุบลฯ มีน้ำแหน่หน่อยนึง แต่ปีก่อนๆ ยามแล้งกะแล้งครับ
    ยามน้ำหลายกะท่วมเอา ท่วมเอา นาจะของดอกหว้า อิๆ

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    บาดไปทางยองฮิเบิ่งเกิ่นหน๊ามาตกบ่เฮือดบ่แห้งแท้สไปไสมาไสกะยากหนิ

  4. #4
    เป็นตาแล้งคักแท้ค่ะ มาขอข้าวทาง บร เด้อจร้าไปเฮ็ดแนว รับรองงามทุกไฮ่ค่ะ

  5. #5
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ปะอ้ายไปลำขอข้าวทาง บร. ได้ข่าวว่าข้าวน้ำอุดมสมบูรณ์ งัวกะมีตะโตงามๆ (งัว ผอ.)

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    ย้านได้พานู๋น้อยไปลำขอข้าวทางบ้านครูกอบัวอยู่ดอกเดอ
    เลาะไปทางบ้านลุงใหญ่นำ ไปทางบ้านบ่าวหลอดนำ
    คันไปทางนั้นกะเอิ้นกันกินข้าวนำแหน่ล่ะ เหอ เหอ เหอ

  7. #7
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    แม่นฝนตกบ่ทั่วฟ้าอีหลีเนาะครับ ทางบ้านพุเฒ่ากะว่าแล้งคักหาหม่องสูบน้ำใส่ข้าวกะบ่มี
    แม่นยามตกกะพอรินๆบ่ได้น้ำได้ท่า
    คือกลอนลำเพลินว่า "ฝนตกรินดินลายบ่พอฮ่ง นกเขาซงพรากคู่
    ขันครู๊ครู๊ พากันเขี่ยเม็ดเข่ายุนาน้อยแม่ใหญ่ลุน
    บุญเอ้ยบุญบั้งไฟบ่ทันแล้วเสียงแซวๆคนซ่า....."อิอิอิอิ

  8. #8
    เข้าพรรษาไปยามพี่น้องทางหนองสองห้องขอนแก่น แล้งคัก บ้านผมศรีเมืองใหม่ตกจนคันแทขาด

  9. #9
    ศิลปิน นักเขียน สัญลักษณ์ของ maanoy
    วันที่สมัคร
    Jul 2006
    กระทู้
    2,270
    หว้าว่าวา ทางพี้กะคือกัน....ยางบ่อออก แล้งคักโพด
    2ปีก่อนผู้ลังคนขายยางได้ราคาออกรถออกรามา มาปีนี้ จ่าวขายฮอดไฮยางพะนะ
    เห้อ ลำกะลำบ่อเป็นบาดที่นี่ ขอไปนำแน่ซั้น สิเป็นแผนกพาหางเครื่องหญิงไปเยียวๆๆๆๆดอกพะนะ