เป็นมื่อที่เมื่อยที่สุดพี่น้องเอ๊ย...20ปีแล้วจากไฮ่จากนา แต่ละปีเมือบ่อทัน
กลับบ้านเข้าพรรษาปีนี้ เฒ่าพ่อดำนาบ่อทันแล้ว กะเลยได้ซ่อยเพิ่นดำ ย้อนว่าลิโตนผุ่เฒ่า
จ้างคนมาซ่อย5คน วันละ300บาท เกินเวลาเพิ่มไห่เพิ่นอีกคนละ40บาท รวมเป็น1700บาทมื่อนี่..
.
หาบกล้าเมื่อยกว่าดำนา ดินมันล่มหลาย
นาไฮ่นี่เบิดกล้า200กว่ามัด หน่าที่ผมคือหาบกล้า
เฒ่าพ่อหาบซ่อยนำนิดหนึ่ง เลาหย่างนำขี้ตมบ่อไหว ไห่เลาไปจัดกล้าไส่หาบไว้ไห่ ..
พอหาบกล้ายายไว้ทั่วแล้วกะจั่งมาดำซ่อยกัน
ตอนพักขึ้นกินข้าว จนกินหยังบ่อได้ มันเมื่อยหลาย 555
เบิ่งตามภาพเลยครับ.
..
นาไฮ่นี่กว้างประมา3ไร่ ดินล่มๆ หาบกล้าหย่างปวดขาคัก
ขึ้นพักกินข้าว เซามีแฮง
มื่อนี่กะมีตำบักหุ่ง แกงไก่ไส่หน่อไม้ส่ม ปิ้งไก่ ข้าวปุ้น
รอกินข้าว ถ่ายภาพไปนำ 555
พอกินข้าวแล้ว กะลงไปดำต่อ
ฟ้าเริ่มมืดมาแล้ว ยังเหลืออีกหลายเติบ
พอได้เก็บปู ปลาขึ้นเมือจี่
สุดท้ายกะดำแล้ว ฝนเทลงมาพอดีเลย
ชมภาพเพิ่มเติมตามนี่เลยครับ
https://www.facebook.com/media/set/?...6821613&type=3
Bookmarks