กำลังแสดงผล 1 ถึง 9 จากทั้งหมด 9

หัวข้อ: ไปเอาหุ่นข้าว

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ไปเอาหุ่นข้าว

    วันหยุดที่ผ่านมาคึดหมั่นสลัดความขี้คร้านหน่อยหนึ่ง ไปนายามข้าวที่หว่านไว้
    ใจกะบ่ออยากออกไปดอก ซิโตนข้าว ต้นเดือนสิงหาคมแล้ว ร่องรอยควมแห้งแล้ง
    กะยังคงมีอยู่ ฝนตกกะพอดินซุ่ม ข้าวแดงปานหัวฝรั่ง สลดใจ คึดฮอดคราวเป็นเด็กน้อย
    เดือนนี้ได้หาขุดเหยื่อใส่เบ็ดแล้ว หลายปีมาแล้วที่ฤดูกาลแปรเปลี่ยน แต่กะเฮ็ดจั่งใด๋บ่อได้
    ย้อนว่าธรรมชาติสร้างมา เฮาเนรมิตเอาบ่อได้ ต้องทำใจยอมรับ


    พอแต่มาฮอดเถียงนาน้อยใต้ต้นบักสีดากะหาวนอนเอาโลด อิ อิ อิ
    ไปเอาหุ่นข้าว

    ขี้โกะน้อยออกมาต้อนรับคนหน้าแปลก
    ไปเอาหุ่นข้าว

    สระน้ำที่มีน้ำหน่อยเดียว ได้ยินเสียงปลาแม่ลูกอ่อนสวบอาหารยุ ก๊บ! ก๊บ! ปลากะยังบ่อได้ออกไปไข่ แล้งหลายกะไข่มันในสระนี้หล่ะ
    ไปเอาหุ่นข้าว

    เห็นป่าหญ้าล่ะกะสะออน ย้อนบ่ออยากใช้ยาฆ่าหญ้านี้ล่ะ เอ้า หลกได้ถ่อใด๋กะเอา
    ไปเอาหุ่นข้าว

    หญ้าที่เกิดนำป่าข้าวกะสิมี กกขี้อ้นแดง ต้นไส้เอี่ยน หญ้าส้ม หญ้าหวายขาว ฯลฯ
    ไปเอาหุ่นข้าว
    ไปเอาหุ่นข้าว

    หลกไปหลกมากะปวดแอว สูพากันหย่างขึ้นคันแทเองเดอหญ้าเอย KU คร้านแล้วล่ะ
    ไปเอาหุ่นข้าว

    นอนเว็นจักตื่นก่อน
    ไปเอาหุ่นข้าว

    นอนกะนอนบ่อหลับดอกพี่น้อง เสียงนกเข้ากินบักสีดาสุกหล่นใส่สังกะสี จักเสียงฮ้องตีกันสนั่น
    ไปเอาหุ่นข้าว

    เห็นหมากสีดาแล้วอยากกิน คึดเห็นตอนเป็นเด็กน้อย เสียแต่บ่อได้เอาพริกเกลือมา
    ไปเอาหุ่นข้าว
    ไปเอาหุ่นข้าว

    ขอบคุณบ้านมหาที่ให้พื้นที่ในการจ่ม เพื่อคลายเครียด ขอบคุณหลายๆ ครับ

  2. #2
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    บรรยากาศดีเนาะครับ เห็นแล้วกะเป็นตาหลูโตนข้าวแล้งหลายปีนี้ ทางบ้านพุเฒ่าว่าน้ำกะบ่มีคือกัน สู้ๆครับ ได้แต่เอาใจซอยละครับ หมากสีดาแมะครับมาเป็นตากินแท้

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    ตื่นขี้โก๋....อั่น บักสีดาน้อยนิ ตำแซบๆเด้ออ้าย

  4. #4
    ศึกษาหาความรู้ สัญลักษณ์ของ " แคน ชัยภูมิ "
    วันที่สมัคร
    Apr 2012
    กระทู้
    220
    เป็นตาลูโตนข้าวเนาะ อ้ายทิดจ่อย ยากงามยุแต่หากบ่มีน้ำ.... ผุจอบอ่านกินบักสีดานั่น จับขี่โก๋โยนใส่ให้จักบาดแหน่

  5. #5
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    ยุบ้านทางเกษตรวิสัยกะคือกันล่ะครับ แล้งคัก
    หลายปีมาแล้วฤดูกาลมันบ่คือเก่า ฝนตกช้ากั่วเก่า

    สิได้เปลี่ยนวิธีการเฮ็ดนา มาหว่านข้าวเดือน กรกฎา สิงหา ถ่าฝนเดือน กันยา หึได๋บุ

    บักสีดาน้อยแบบนี่ หอมดีคัก บ่ได้กินโดนแล้ว

  6. #6
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    อิดสาเด้เนาะได้อยู่บ้านเฮาคือสิมีควมสุขหลาย...คึดฮอดบ้านหลายกะยังวา เพิ่มเติม...อยากกินบักสีดาเด้โยนมาทางนี่จักหน่วยสองหน่วยแนจ้าอิอิอิ

  7. #7
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    380
    อันหมากสีดา ถ้าเป็นสมัยก่อนมีเด็กน้อยเลี้ยงควาย คือสิบ่เหลือหลายปานนี้หรอกเนาะอ้าย วิตามินซี คือสิหลายคัก

  8. #8
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    อย่าเด้อ ขี้โก๋ มีพระยุใด๋ 5555555

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    เคยแต่ไปเอาหุ่นปอกับหุ่นมันท่นั่นเด้อข่าน้อย(เสียหญ่าปอ)(เสียหญ่ามัน)
    ทางอุบลเอิ้นหว่าดกหญ่าเข่า(ข้าว)แบบที่มีน้ำขังพร้อม
    แต่แบบแห้งคือทิดจ่อยเฮ้ดอาจสิเอิ้นคือกันกะได้บ่ได้เฮ้ดนามาซาวกั่วปีแล้ว
    ....หญ่าเข่า(ข้าว)ถือเป็นวัชพืชคือพืชที่บ่ต้องการในแปลงนาข้าวจั่งซี่มันต้องถอน
    ทุกมื้อนี่พากันเฮ้ดนาแบบขี่คร้านเนาะ(นาหว่านแห้ง)พอฝนบ่ตกหญ้าใหญ่ก่อนข้าวซั่นแหล่ว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •