กำลังแสดงผล 1 ถึง 3 จากทั้งหมด 3

เตรียมพร้อมหากฝนแล้งตลอดปี

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    เตรียมพร้อมหากฝนแล้งตลอดปี


    มื้อวานได้ลองหย่างออกไปสวนตรวจนับพืชผักว่ามีหยังแหน่พอได้แลกข้าวหากฝนแล้งตลอดปี

    บักฟักเขียวกำลังออกดอก ใกล้สิได้เก็บหน่วยมาแกงใส่ไก่แล้ว


    บักถั่วพูกะยังบ่อมีดอกผล


    บักหุ่งกะอีกเดือนหนึ่งกะคงสิพอตำส้มได้


    บักถั่วกะพวมขึ้นค้าง


    ผักอีตู่ลาวกะพอได้แกงใส่หน่อไม้ ใส่ซุบบักถั่ว


    หัวสิงไคหลายกอยุ คันแม่นขยายให้เต็มสวนส่งตลาดกะคงสิได้หลายตังค์ยุ ตอนนี้กะพอได้กิน บ่อได้ซื้อกะดีแล้ว


    หมากผีลากะพอได้แจกลูกหลานกินเล่น กำลังสุก


    นี่กะเป็นผลิตผลหนึ่ง กลุ่มศิลปินน้อย สิพาไปหาลำขอข้าวนำ


    พืชผักที่ว่ามานี้กะอยู่สวนเดียวกันกับคอกหมูคอกไก่หั่นล่ะครับ เพียงแต่เอาตาข่ายมาล้อม
    ผลผลิตในฮั้วในสวนกะล้วนแต่เป็นน้ำพักน้ำแรงช่วงเวลาว่างๆ ของทิดจ่อย (รวมทั้งศิลปินน้อยนำ)
    กะพอได้เบิ่งได้แงงแก้เครียดยุ ได้อยู่กับผักหญ้า หมู เป็ด ไก่ กะมีความสุขไปแต่ละมื้อ
    ผ่อนคลายความเหนื่อยจากงานประจำ ขอบคุณพื้นที่บ้านมหา และขอบคุณพี่น้องที่ติดตามวิถีชีวิต
    ของคนธรรมดาคนหนึ่ง ถือเป็นการเฮียนวิชามานุษยวิทยาไปในโต ซึ่งบ่อได้พาดพิงไผ บ่อได้เกี่ยวข้องกับ
    การบ้านการเมือง เอาโตเจ้าของให้มันรอดกะพอแล้ว มื้อนี้ขอจ่มส่ำนี้ก่อน โอกาสหน้าพ้อกันใหม่ สวัสดีครับ


  2. #2
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    เตรียมพร้อมได้ดีอิหลีครับ ผักนางอางหญ้าบ่ต้องซื้อ หมู เป็ด ไก่ ไข่ กะบ่ต้องซื้อปลูกเอง เลี้ยงเอง กินเองเหลือกินกะแจกจ่ายขายนำ แจ๋วครับชีวิตแบบพอเพียง ผมมักนำยุครับแนวนนี้ เสียแต่ว่าบ่มีที่มีทางนำเพิ่น

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    ส่ำอยู่ข้างบ้านกะพอกินแล้วครับบ่ต้องไปเฮ็ดหลายกว่านี้ดอกไว้ให้ขะเจ้าเฮ็ดขายซะ