หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: เข้าพรรษา เมือยามบ้านทางยโสธรครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    เข้าพรรษา เมือยามบ้านทางยโสธรครับ

    เข้าพรรษาหว่างหั่นหนิ มีโอกาศได้เมือยามบ้านอีกเทือนึง ถือโอกาศเอารถไปให้อีพ่ออีแม่เพินนั่งเจิมให้นำครับ
    ตั้งแต่อยู่ กทม.มา 4 ปี การเดินทางกลับบ้านเทือนี้เป็นเทือที่ตื่นเต้นที่สุดสำหรับผม เพราะว่าต้องขับรถกลับเอง
    รถบ่ทันคุ้นมือปานได๋ ทางกะบ่ฮู้จัก ย่อนว่ากลับแต่ละเทือขึ้นรถได้กะหลับโลด เข้าพรรษา เมือยามบ้านทางยโสธรครับ เข้าพรรษา เมือยามบ้านทางยโสธรครับ ดีแต่ว่ามี GPS พอได้งมซาวเอา

    บ่ายวันศุกร์ที่ 26 เตรียมของขึ้นรถ ไปเฮ็ดงานเข้ากะเดิกสาก่อน เลิกงานตี3 ค่อยออกเดินทาง
    ย่อนว่าวันหยุดมีบ่หลาย ต้องใช้เวลาให้คุ้มค่าที่สุด เมือยแนกะอดเอาครับ
    ฮอดบ้าน ผบ. มัญจาฯ ขอนแก่น 8 โมงพอดี กินข้าวงายแล้วจั่งได้นอน

    เข้าพรรษา เมือยามบ้านทางยโสธรครับ



    มื่อต่อมา ออกเดินทางต่อไปยโสธรบ้านผม พอดีอีแม่เพินดำนาบ่ทันแล้ว เลยออกไปดำนาซอยเพิน
    ตัดภาพมาท่งนาเลยน้อ ปีนี้ฝนทิ่มช่วง น้ำท่ากะบ่ทันมี ที่เห็นอยู่ตากล้านี่บ่แม่นน้ำฝนเด้อ น้ำสูบใส่เอาครับ

    เข้าพรรษา เมือยามบ้านทางยโสธรครับ



    นี้ล่ะครับ ที่มาของน้ำ เป็นบ่บาดาลกองทุนหมู่บ้าน เพินจัดงบเจาะบาดาลให้ครัวเรือนละ 2 บ่อ ยามแล้งสูบขึ้นมารดสวนผักกะได้
    ซอยได้หลายครับ ศักสิทธิ์คักกว่าพระยาแถน ว่าแต่ติดเครื่อง น้ำใหลโจ๊กๆโลด เข้าพรรษา เมือยามบ้านทางยโสธรครับ เข้าพรรษา เมือยามบ้านทางยโสธรครับ

    เข้าพรรษา เมือยามบ้านทางยโสธรครับ



    เฮ็ดนาสมันซูมื่อนี้ง่ายหลายพี่น้อง บ่ต้องไถต้องคราดเลย เอาโลตารี่ปั่นเอาโลด ค่าปั่นไร่ละ 200 ไร่นึงใช้เวลาปั่นบ่ถึง 30 นาที

    เข้าพรรษา เมือยามบ้านทางยโสธรครับ



    สังเกตุว่าหม่องปลายงานน้ำสิบ่ฮอด ย่อนว่ามันเป็นเนิน แนมเบิ่งแล้วคงสิได้ดำผงเอาล่ะครับ
    ออนซอนนกเอี้ยง นำหากินขี้ไก่เดือน กินตักแตนน้อยนำก้นรถไถ

    เข้าพรรษา เมือยามบ้านทางยโสธรครับ

    เข้าพรรษา เมือยามบ้านทางยโสธรครับ



    ขี้ไก่เดือน หลายคัก ถือว่าดินยังอุดมสมบูรณ์อยู่ครับ

    เข้าพรรษา เมือยามบ้านทางยโสธรครับ



    ซุมกล้าครับ กล้ากำลังงาม

    เข้าพรรษา เมือยามบ้านทางยโสธรครับ



    ขาดบ่ได้ครับ ดำนาไปนำ ฟังหมอลำไปนำ ได้บรรยากาศดีขนาด

    เข้าพรรษา เมือยามบ้านทางยโสธรครับ



    อากาศดีครับมื่อนี้ บ่แดด ครึ้มเบิดมื่อ แต่กะบ่ตก

    เข้าพรรษา เมือยามบ้านทางยโสธรครับ

    เข้าพรรษา เมือยามบ้านทางยโสธรครับ

  2. #2
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    บ่ายแล้วครับ ได้เวลาขึ้นกินข้าวสวยแล้ว ตอนแรกผมว่าสิเอาเป็ดไปลาบคือตอนที่เมือหว่านข้าว
    แต่อีแม่เพินว่ากินหยังกะได้ดอก ฟ้าวกินฟ้าวดำนาให้มันแล้ว มื่อแลงจั่งเมือลาบกินในบ้านเอา

    แม่เพินว่ามื่อเช้านี้ป้าเพินไปเก็บเห็ดเผิ่งอยู่โคกได้มาเคิงกะต่า แม่สิแกงให้กินดอก ว่าซั่น
    นี้ล่ะครับ เห็ดเผิ่ง กับย่านาง กำลังงาม









    พ่อลุงอีกเฮือนนึงเพินได้กบขี่คราดมาโตนึงใหญ่เติบ ว่าสิต้มกะย่านบ่อิ่มกัน เลยสิคั่วใส่หน้อไม้เอาครับ
    หน่อไม้กำลังขึ้นหลาย อยู่ดอนหัวนานั่นล่ะครับ หน่อไม้สางไพ มีฮอดหน่อไม้ลาย






    อีแม่เพินคัวกบ หลานน้อยกะนั่งเฝ้าดีปานหยัง






    อีแม่เพินปอกหน่อไม้คั่วใส่กบครับ









    อีกส่วนนึงผมกะเผาไว้ถ้ามาซุปกินกรุงเทพ






    ซามแนวกินสุก เลยอย่างไปเบิ่งรถอีพ่อ บ๊า... อีผุผุกะงามดีคือกันเด้เนาะ ตี๋อย่างเดียว บ่แถมอีหยังจักแนว ผมเลยบ่ได้เอา
    โตต้าของผมคันนี้ได้ส่วนลดมา 4 หมื่น + ซัมซุงแกรนด์อีกเครื่องนึงครับ ส่วนเรื่องรถกะบ่หนีกันปานได๋ดอก




    พ่อเพินเอาไปนานำซูมื่อ พอได้แก่หญ้ามาให้งัว ส่วนรถไถเพินจอดไว้นาเลย ค้านเปลี่ยนล้อดู๋ว่าซั่นครับ







    มาครับบาดหนิ แนวกินสุกแล้ว หาออกสู่กันกิน มื่อนี้กินข้าวโฮมกัน 3 ครอบครัวครับ เฮือนแม่ป้า เฮือนพ่อลุงเพินกะมากินนำ
    แกงเห็ดสุกแล้ว คั่วกบกะสุกแล้ว มีตำบักหุ่งกับหนึ่งปลานิลมาตื่ม กินนำกันหลายๆคนแซบคัก










    กินข้าวแล้วกะซอยกันดำอีกจนว่ามืดจั่งแล้วครับ มันไปเสียเวลานำหม่องน้ำบ่ฮอดนั่นล่ะ
    ส่วนบรรยากาศตอนลาบเป็ดอยู่เฮือนฮอดบ่ได้ถ่ายรูปไว้ ยากนำเฮ็ดแนวกินครับ พี่น้องหลาย เป็ด 2 โตเกือบบ่พอกันกิน

  3. #3
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    ตามประสาลูกจ้างเพินน้อครับ เมือบ้านได้เทือละ 2-3 มื่อกะต้องอ่วยกลับลงมา กทม. คือเก่า
    ย่อนว่าฝันที่วางไว้มันยังไปบ่ทันฮอด แต่กะอีกบ่ไกลปานได๋ดอกครับ ท่องไว้อีกบ่โดนสิกลับปอยู่บ้านเฮาพุ่นล่ะ

    ลาด้วยภาพตอนขากลับลง กทม. แถวลำตะคลองน้อครับ ผบ. เพินถ่ายไว้ ย้อนว่าบ่ทันชินทางเลยพากันกลับตอนกลางเว็น
    ออกจากยโสธร 9 โมง ฮอดลาซาล 5 โมงแลง เมี้ยนของแล้วกะเกือบทุ่มนึงจั่งได้นอน









    ตั้งหน้าเก็บเงินอีกจักคราว ปีใหม่พุ่นล่ะจั่งสิได้เมือยามอีก
    เล็กๆน้อยๆจากทีมงานครับ ขอบคุณบ้านมหา แล้วกะเอื้อย อ้ายที่เข้ามาเยี่ยมชมกระทู้ครับ

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    เป็นตาเมื่อยแท้น้อง สูบน้ำเข้านา น้ำก็มีบ่หลาย สู้ๆจ้า
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  5. #5
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    เป็นตาปวดหลังดีแท้ๆเน๊าะดำนาคือสิบ่ไหวแล้วหละเดียวหนิ

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    บรรยากาศ บ้านทุ่งบ้านนา ยังมีมนต์เสน่ห์ให้คือเก่า แรงใจของคนไกลบ้านได้เบิ่งนำซั่มนี้กะดีใจนำละจ้า ขอบคุณภาพบรรยากาศสวยๆ สู้เด้อ คนล่าฝัน

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ต้องกลับไปรำลึกความเก่าความหลังเรื่อยเด้อครับ..บ่าวหยก..
    มาอยู่ไทดนแล้วมันสิลืม..ดนๆไปเฮ้ดนำเผิ่นลองเบิ่งรู้สึกปวดแอว....

  8. #8
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    แสดงว่าเมือบ้านไล่ๆกันละเนาะ
    ทางตระการกะได้เมือดำนาคือกัน เจ็บเอวหัวกะเซา 555

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    พึ่งเคยเห็นเมนุนี้ คั่วหน่อไม้ใส่กบ อิอิ ตาแซบตั่วหละเนาะ
    น่าสนใจอย่างยิ่งเลยจ้า ขุดบ่บาดาลเอดนา บ้านเอื้อยสิมีน้ำคือทางเพิ่นบ่น่อ
    ปรึกษาอิพ่อเบิ่งกะน๊า...ขอบคุณภาพสวยๆ รถงามๆให้ค้ำให้คูณ ขึ้นเหนือล่องไต้ ไปอิสาน
    กะให้หมานๆโชคๆเด้อน้อง
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  10. #10
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    ทางบ้านเจ้าคือแล้งล่ะบ่าวบาดทางบ้านข่อยล่ะน้ำท่วมดิเดียวนี่ ทอสับเมือบ้านอิแม่ว่าน้ำท่วมข้าวเบิดพะนะ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •