หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: ................... ถึงเธอผู้เป็นดวงใจ ...........................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ................... ถึงเธอผู้เป็นดวงใจ ...........................


    ทุกถ้อยคำที่จาเว้า หัวใจเฮาบ่แตกต่าง บ่มีมื้อสิจืดจาง บ่มีทางสิไกลเจ้า ทุกคำเว้าแม่นอิหลี
    ย่อนหัวใจดวงนี้ บ่มีที่สำหรับไผ มีแต่เจ้าอยู่ทางใน ถึงห่างไกลกะฝันพ้อ
    นี่หล่ะน้อความฮักอ้าย ฮักเจ้าหลายหมายเป็นคู่ โลกเป็นสีชมภู หัวใจปูดอกรักไว้ ไปไสโลกกะชื่นบาน
    อ้ายประหารแต่ความเศร้า เรื่องความเหงาบ่เห็นฝุ่น เอาหัวใจไปลงทุน มีแต่ตุนความรักเจ้า ทวีเข้าอยู่สู่วัน
    ยามได๋ฝันขอเป็นเจ้า มาเว้านำจนอ้ายตื่น เว้านำอ้ายจนเหมิดคืน บ่อยากตื่นบาดฮอดเช้า ยามเห็นเจ้ายิ้มส่งลา ที่รักเอย


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,745

    Re: ................... ถึงเธอผู้เป็นดวงใจ ...........................

    เอากําลังใจมาฝาก ยิ้มหนํา

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    Re: ................... ถึงเธอผู้เป็นดวงใจ ...........................

    ยิ้มนำแน่ะ..ม่วนหลาย ..เต็มร้อยคะแนนอ้าย..แต่ถ่ามื่อต่อๆไปเด้อ....อิอิ..
    มองต่าง..อย่างปลง

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ................... ถึงเธอผู้เป็นดวงใจ ...........................


    เมฆบ่หันหนีจากฟ้า ซุมปูปลาบ่หนีน้ำ ดอกไม้งามบ่หนีต้น ยังวนเว้าว่าคิดถึง
    ผักตำลึงบ่ทิ้มฮั้ว แนวผักบั่วบ่ทิ่มดิน ผักตำนิลกะยังขม ฮักอ้ายจมแต่นำเจ้า
    บ่เคยเซาความคิดฮอด บ่เคยมอดความเป็นห่วง อยู่ในทรวงมีแต่เจ้า ทุกแลงเซ้าได้จ่มหา
    อิจฉาปลาเป็นหมู่น้ำ ท้องฟ้าครามเป็นหมู่เมฆ มักกะเม็กเป็นหมู่โคก โลกของอ้ายอยากคู่เธอ
    อักษรเด้อเป็นคู่บอร์ด คำพร่ำพรอดคู่ผญา ทุกอักษรคู่คำจา ที่ส่งมาคู่ใจเจ้า
    ซังแต่เหงาเป็นคู่อ้าย ซังเด๊กายคู่ว่างเปล่า ซังความหนาวอยากชิดไกล้ บ่หวนได้เป็นคู่กัน หล่าเอ๊ย

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    Re: ................... ถึงเธอผู้เป็นดวงใจ ...........................

    มาอ่านยามได๋กะม่วน คึดฮอดผุบ่าวบ้านเฮาเนาะ..
    มองต่าง..อย่างปลง

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433
    แดดสิแฮงแสงสิจ้า ลมสิพาพัดหนาวอ่วย เช้าจนสวยกะคิดพ้อ เจ้าเด๊น้อที่รักเอย
    คนเฉย ๆ มักขี้โม้ หน้าโจ่โล่หรือแนวได๋ สิอยู่ไสกะมีเธอคิดละเมอบ่มีเว้น
    ได้คิดเห็นแต่นานมื้อ เจ้าเอามือยื่นให้พี่ อ้ายเคยกุมไว้คนดี แนบชีวีของอ้าย เป็นสุขฮ้ายแม่นบ่ลืม
    หนาวสิมาฟ้าสิครึ้ม จักสิลืมเจ้าลงบ่ มื้อเปลี่ยนปีพอศอ คงสิขอตั้งหมั่น ว่าใจนั้นบ่เปลี่ยนแปลง
    ซ่างรุนแรงเอาฮ่าย ความคิดฮอดหลาย ๆ บ่เคยหายไปจักเทื่อ ซ่างมาเฟืออยุ่บ่แล้ว สิกินแห้วกะบ่ลา
    ได้แต่แนมเบิ่งฟ้า ก้อนดินหนาคือบ่ต่าง ติดเพียงแค่ระยะทาง มาคอยกางกั้นเอาไว้ เหลือใจแท้บาดคิดถึง
    ถ้อยคำเขียนบ่ทราบซึ้ง บ่ตรึงใจยามได้อ่าน ย่อนว่าแพ้ความหวาน คำเจ้าวานฝากไว้ "ว่าใจนี้ให้พี่เด้อ"


    บ่ได้เขียนดนหลาย จักแม่นบ่ป่องฮ่าย ฮ่า ๆ ๆ


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  7. #7
    thongcama
    Guest
    ม่วนหลายออนชอนหลายครับบ่าวโจโก อยากเว้าเป็นนำแท้น้อสอนแน่ครับ

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ ส้มป่อย
    มาอ่านยามได๋กะม่วน คึดฮอดผุบ่าวบ้านเฮาเนาะ..
    @บ่าวทางได๋หล่ะน้องหล่าบ่าวชราหรือบ่าวหนุ่ม สังมาหัวยุ้มๆมาทางอ้ายฝ่ายพี่ศรี อิ อิ อิ ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,745
    บ่าว ชรา ฮ่าๆๆๆ เว้าเป้นตาหน่ายแท้ พี่มิกน่ารักสิตายมักบ่าวชรา คืออ้ายสรีเปนบ่

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    มาคือเว้าบ่เป็นตาได้ขายแท้หละพี่ฑิต ผู่บ่าวชราว่านี่แมะ อิอิ

    เพิ่นกะยังว่าได้ผู้เฒ่าเอาใจเหมิดสุอย่าง การงานเวียกต่างๆบ่ว่าแลงว่าเซ้าเอาได้อยู่สุยาม
    บ่แม่นเฒ่าเงิ่มง่ามเปี้ยแข่งเพียขา มีกำลังวังซาเฮื้อแฮงเต็มร้อย
    บ่มีถอยคันได้คั้นบ่มีวันว่าสิเมื่อยคอยเอาใจอยู่เลื้อยบ่มีมื้อว่าสิถอย ตั้วหลัเอ้ย
    จงเอาชนะในความยาก มิฉะนั้นความยากจะชนะท่าน

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •