ข้าจักวันทาน้อม พุทธคุณองค์ประเสริฐ
เทิงพระธรรมพรำพร้อม พระสงฆ์น้อมพรำกัน
ขอจงมาโฮมตุ้ม บังเหตุโรคา
อย่าให้มีภัยสัง แล่นกุมมาใกล้
สัพพะภัยให้ไกลเลี่ยง อันตรายไลกห่าง
โพยพยาธิ์ฮ้าย หนีให้ห่างไกล
องค์กษัตริย์ธิราชไท้ ขอน้อมเกศเกศา
ขอจงบารมีปก อย่ามียามฮ้อน
กราบบิดามารดาเจ้า รวมนักปราชญ์ทั้งหลาย พุ้นเด้อ
คูรอาจารย์ ซื่นซมแซซ้อง
ข้าจักโฮมความฮู้ เขียนผญาเติมต่อ
ขอให้ลุมาดแม้ง สมข้าปรารถนา
Bookmarks