ก้อยเห็ดปลวก

[หยก ยโสธร]

มื่อนี้มีเมนูมานำเสนอพี่น้องบ้านมหาอีกเมนูนึง เป็นเมนูก้อยเห็ดปลวก สืบเนื่องจากมีเห็ดปลวกแช่อยู่ในช่องฟิชอยู่ถุงนึง
อีแม่เพินฝากลงมานำแมป้าตั้งแต่ต้นเดือนกันยาพุ่นล่ะครับ เพินนึ่งใส่ถุงแบบเดียวกันกับเฮ็ดหน่อไม่ถุงนั้นล่ะ เลยเก็บไว้ได้โดน
พึ่งจะมีเวลาเฮ็ดกิน หน้าตาสิออกมาเป็นแนวได๋ ติดตามชมได้เลยครับ

วัตถุดิบ และ เครื่องปรุง
- เห็ดปลวก
- ต้นหอม ผักชี ใบบักกรูด พริกสด หอมแดง
- น้ำปลา น้ำปลาแดก ผงนัว
- บักนาว

เริ่มแรกกะเอาเห็ดออกจากช่องฟิช แล้วกะนึ่งอุ่นให้ร้อนอีกรอบนึงครับ จากนั้นกะเอาเห็ดปลวกมาฉีกเป็นเส้นๆ
ถ้าได้เห็ดปลวกสดแฮงดีเด้อครับ ล้างดีๆแล้วฉีกเป็นเส้นๆเลย บ่ต้องนึ่ง สิได้ความหอมหวานของเห็ดใหม่ แซบกว่าเห็ดนึ่ง




ซอยหอมกับพริกสดสำหรับใส่ก้อยเห็ด




เอาเห็ดที่ฉีกไว้ใส่หม้อสำหรับคนก้อย ปรุงรสด้วยบักนาว น้ำปลา น้ำปลาแดกนิดนึง ผงนัว ตามด้วยหอมที่ซอยไว้
โคเล (คน) ให้เข้ากัน ชิมเบิ่งรสชาด แซบแล้วกะตักใส่จานเสริฟได้เลยครับ




หน้าตาออกมาแบบนี้ล่ะครับ ก้อยเห็ดปลวก ความแซบผมกะว่าไคกว่าอาหารตามสั่งอยู่โรงงานพุ่นล่ะ




แนวกินตื่มกะได้ปิ้งปลาทูหอม ทอดปีกไก่ กับตำแจ่วพริกดิบ มาครับกินข้าวงายนำกัน






เล็กๆน้อยๆจากทีมงาน ขอบคุณบ้านมหาสำหรับพื้นที่ครับ