กำลังแสดงผล 1 ถึง 8 จากทั้งหมด 8

อ่อมปลาเซียมใส่ผักซีลาว

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    อ่อมปลาเซียมใส่ผักซีลาว


    สืบเนื่องจากตอนเมือยามบ้านหว่างออกพรรษาที่ผ่านมา มีแนวกินบ้านเฮามาฝากพี่น้องบ้านมหาหลายเมนูนำกัน
    เมนูแรก ขอนำเสนอ "อ่อมปลาเซียมใส่ผักซีลาว" ตอนแรกว่าสิหมกเอาล่ะครับ แต่บ่ได้หาใบตองไว้

    วัตถุดิบ
    - ปลาเซียม หรือปลาเนื้ออ่อน
    - หอมแดง กระเทียม พริกแห้ง หัวซิงไค
    - ผักซีลาว ผักอีตู่ ต้นหอม

    เครื่องปรุง
    - เกลือ
    - น้ำปลา น้ำปลาแดก
    - ผงนัว (ขาดบ่ได้)

    เช้าวันที่ 20 ตค. ตั้งใจตื่นขึ้นมาแต่เช้า พร้อมกับแม่ใหญ่เพินลุกนึ่งข้าวพุ่นล่ะ ย้อนว่าสิฟ่าวอ่อมปลาให้ทันไปจังหัน
    จัดแจงเอาปลาออกจากช่องฟิชที่พ่อใหญ่เพินหาไว้ถ่า มาแช่น้ำให้น้ำแข็งละลาย คัวพุงปลาออก แล้วสับเป็นต่อน
    ปลากะมีเทิงปลาเซียม ปลากด ปลากะแยงครับ เน้นเป็นปลาเนื้ออ่อน

    อ่อมปลาเซียมใส่ผักซีลาว



    เตรียมเครื่องไว้สำหรับตำเครื่องอ่อมครับ หอมแดง กระเทียม พริกแห้ง หัวซิงไค

    อ่อมปลาเซียมใส่ผักซีลาว



    ผักซีลาว ผักอีตู่ ต้นหอม ล้างแล้วเด็ดไว้สำหรับใส่อ่อม

    อ่อมปลาเซียมใส่ผักซีลาว



    รวมๆครับ

    อ่อมปลาเซียมใส่ผักซีลาว



    เอาเครื่องอ่อมที่เตรียมไว้ ซอยใส่ครก แล้วตำให้ละเอียด หยุบเกลือใส่ตอนตำเครื่องอ่อมนำหน่อยนึงเด้อครับ
    จากนั้นกะตักใส่หม้อ หยอดน้ำเอาะเจาะพอได้จ้ำ แล้วกะปรุงรส

    อ่อมปลาเซียมใส่ผักซีลาว



    มื่อนี้ใช้เตาถ่านเฮ็ดแนวกินครับ ตอนเฮ็ดนี้กะตีห้ากว่าๆ สังเกตุบรรยากาศรอบๆยังมืดอยู่ สิเฮ็ดแซบซ่ำบ่บุ ย้อนบ่ทันส่างนอนยุ
    อากาศบ้านเฮาตอนนี้กะเริ่มเย็นแล้ว มีหมอกแนยุ แต่บ่ถึงกับต้องใส่เสื้อแขนยาว
    ฟ้าวเฮ็ดแต่เช้า ย่านบ่ทันเอาไปจังหัน มื่อนี้ทางวัดเพินเอาบุญออกพรรษาพร้อม

    อ่อมปลาเซียมใส่ผักซีลาว



    ถ่านไฟกล้าแล้วกะยกหม้อขึ้นค้างไฟเลยครับ ปล่อยให้เดือด บ่ต้องคนดู๋เดี๋ยวเนื้อปลาสิเละ

    อ่อมปลาเซียมใส่ผักซีลาว



    พอปลาสุกแล้ว ชิมรดชาดถืกปากแล้วกะใส่ผักลงไป ปิดฝาหม้อให้ผักสุกกะยกลงเสริฟได้เลยครับ

    อ่อมปลาเซียมใส่ผักซีลาว



    ฮอดตอนสุกแล้ว สิตักใส่ปิ่นโตไปจังหัน ฮอดกะบ่ได้ถ่ายรูปไว้ ย้อนว่าถืกใช้ให้ไปธุระในบ้าน เสียดายที่บ่ได้รูปครบขั้นตอน
    เอาซำนี้ล่ะน้อพี่น้อง

    เมนูนี้เอิ้นอีกอย่างว่า "หมกหม้อ" กะได้คือกัน ย่อนว่าวัตุดิบและเครื่องปรุงที่ใช้ อันเดียวกันกับเฮ็ดหมกนั้นล่ะ

    เล็กๆน้อยๆจากทีมงาน ขอบคุณบ้านมหาสำหรับพื้นที่นำเสนอ ขอบคุณเอื้อย-อ้ายที่เข้ามายามกระทู้ครับ


  2. #2
    ศึกษาหาความรู้ สัญลักษณ์ของ หนุ่มอุดรพลัดถิ่น
    วันที่สมัคร
    Apr 2012
    ที่อยู่
    พำนักอยู๋พิกัดอำเภอเมืองขอนแก่น
    กระทู้
    19
    โอ้...เป็นตาแซบดีเนาะ กินกับข้าวนึ่งมาใหม่ๆ เด่เนาะคือสิแจ่มคัก๕๕๕+...

  3. #3
    Recipes And Cooking สัญลักษณ์ของ พวงพะยอม
    วันที่สมัคร
    Feb 2013
    ที่อยู่
    New York,U.S.A.
    กระทู้
    1,112
    บล็อก
    2
    อยากกินนำน้อจ้าน้องหยก บรรยายแบบเห็นภาพไปนำ
    เขียนได้เก่ง น่าอ่านน่าติดตามยามเมือบ้านแต่ละเทือ มวนอีหลีจ้า

  4. #4
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    อ้ายหนุ่มอุดร : ได้ข้าวใหม่กะคักปานหยังล่ะครับ

    เอื้อยพวงพะยอม : ขอบคุณเด้อครับสำหรับคอมเม้น :*-

  5. #5
    หมกหม้อพะนะ กะลังได้งิน เดี๋ยวสิลองเฮ้ดเบิ่งคือกันล่ะค่ะ ช่วงนี่ผักขะแยง เผือก ปู ปลาน้อย หลาย เอามารวมใส่กันสิเอิ้นว่าหมกหม้อคือกันบ่น้อ :*- แนวกินแซบๆมาฝากประจำค่ะ

  6. #6
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896
    เป็นตาแซบครับ เห็นเฮ็ดกับข้าวเตาฟืนแล้วกะคิดฮอดบ้าน...

    บ่าวหยกนี่เฮ็ดแนวกินเก่งครับ...

  7. #7
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    เอื้อย คนของหัวใจ : ผุลางคนเพินกะเอื้น อุหม้อ เด้อครับ ลองเฮ็ดเบิ่ง

    อ้ายเซียงเมี่ยง : เตาถ่านบ้านเฮานึ่งเข้าแซบกว่าเตาแก๊สเด้ครับ ย่อนหยังว่าติ เตาถ่านความฮ้อนสิสม่ำเสมอ ข้าวสุกทั่วถึง
    แต่เตาแก๊สสิให้ความฮ้อนตามอารมย์คนเฮ็ด แฮงฟ้าวแฮงเร่งไฟแฮง ข้าวเลยสุกแบบ แข็งๆ
    สังเกตุได้จากแม่ค้าตำบักหุ่งนำกรุงเทพ เพินขายข้าวเหนียงถุงละ 5 บาท ส่วนมากข้าวสิสุกบ่ทั่วเม็ด
    ปลายเม็ดข้าวบางส่วนสิยังเป็นสีขุ่นๆยุ แถวลาซาลพ้อประจำครับ

  8. #8
    ศึกษาหาความรู้
    วันที่สมัคร
    Feb 2013
    กระทู้
    1
    คุณหยก ทำกับข้าวเก่งมั่ก กับข้าวเป็นตาแซ่บหลาย วันหน้าต้องขออนุญาติไปแจมชะแล้ว อยู่บ่ไกลกันมาก ผมอยู่เทพารักษ์ครับ