หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

......................... อ้ายขอเฝ้าเป็นคู่เธอ ................................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ......................... อ้ายขอเฝ้าเป็นคู่เธอ ................................


    ฟ้าบ่อาจสิกั้น ปันแบ่งแห่งหัวใจ ความฮักเจ้าคือเส้นชัย อ้ายแล่นไปทุกวันมื้อ
    ยังยึดถือจริงใจหมั่น เอาสัมพันธ์ไปเติมต่อ อย่าทิ่มคำว่ารอ ไส่กระทอหัวใจอ้าย บ่หวนย้ายไปฮักไผ
    แม่นสิไกลห่างไลหน้า อยู่ต่างห้วงช่วงเวลา บ่เคยพาใจอ้ายเปลี่ยน จดคำเขียนว่าฮักเจ้า ตั้งแต่เค้าที่พบกัน
    ของกำนัลรางวัลให้ คือหัวใจที่อ้ายส่ง มีทางเดียวจุดประสงค์ กะคือปงไว้ให้เจ้า ทุกคำเว้าว่าฮักหลาย
    ฝนสิกลายไปเป็นน้ำ ทะเลครามเป็นไอหมอก ซุมไม้ดอกเป็นหมากไม้ หัวใจอ้ายกะดั่งกัน
    จากเคยฝันเป็นจริงได้ จากหัวใจที่ว่างเปล่า จากเคยแอบแนบไอหนาว มาฮอดคราวได้ฮักเจ้า อ้ายขอเฝ้าเป็นคู่เธอ...หล่าเอ่ย

    * * * - - - - - - - - บ่ได้เขียนหลายมื้อ จักแม่นเป็นซ่ำได๋ ซ่อยกันพิจารณาเอาเด้อ ไผกะดายครับ ขอบคุณสำหรับคอมเมนท์ ครับ - - - - - - - - - - - * * *


  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ......................... อ้ายขอเฝ้าเป็นคู่เธอ ................................

    เขียนดีมากเลยคะ น้องจําคํานี้ได่อยู ที่เคยบอกฮั่นน๊า เอาไปสิบคะ

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ก้อนเมฆไหลไปคู่ฟ้า สักกุณาบินนำท่ง ดอกหญ้าป่งน้ำหมอกย้อย ดินคอยฟ้าถ้าเม็ดฝน
    เดือนกุมภาสิผ่านพ้น มีนาวนเข้ามาต่อ คิดเห็นบ่คนฮักเจ้า ที่คอยเฝ้าถ้าคู่เธอ
    คิดฮอดเด้อคิดพ้อหน้า ถ้อยคำจาพาใจป่วน นั่งทบทวนแต่คำเว้า ว่าฮักเจ้าหล่ะพี่เอ๊ย
    อย่าหลงเลยเด้อความเว้า อย่าหลงเมานำคนใหม่ คิดฮอดไผผู้ถ้าเจ้า ยังคงเว้าว่าคิดถึง ที่รักเอย

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ้ายขอเฝือแฝงเฝ้า ไปเนานอนซ้อนอาสน์
    เฮียงผู้นุททะนาถน้อง นวลเนื้อหน่อนาง
    บ่อจากม้าง ขอมวลมอบมะโนจิต
    สายสัมพันธ์แสนสนิท ส่งเสนอสนองซ้อน
    พอหายข่อน ทางใจที่จมจุ่ม
    ไฟฮักสุมเฮ่งฮ้อน ได้ทอนบ้างแบ่งเบา นั้นแลว

  5. #5
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    สุดยอดจ้า...8)8)....สมกับเป็นเซียนผญาคารมเหลือร้าย...:g
    ต่ายขอคารวะ..ปราชญ์แห่งอีสานท่านศรีสะท้านเมืองแมน..

    พากันทนุถนอมเพิ้นหลายๆเด้อขะเจ้ากะดาย......
    ท่านนักปราชญ์มหาเฮามีหลายคนแท้ๆ....ภูมิใจแทนหลายเด้...


    8)....8)....8)....8)

  6. #6
    น้ำตาล
    Guest
    ใหย่ศรี...คือบ่สอนหล่าแน่เว้ยยยยย...อั่นหล่าคือบ่ซึมซับเอานำใหย่แน่ฮึ....8)8)8)

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อยากให้สอนบ้อหล่ากะโทรมาตี้หล่ะอุ่น
    อ้ายสิขุนส่งซ้ำกวีก้ำแก่วอีสาน
    เป็นศิษย์ศรีสะท้านสิโอมอ่านคาถา
    เห็นหมู่คนกลายมาย้านแต่หลงพะวงเก้อ
    ย้านแต่เธอได้หลงฮ้องเสียงหองว่าเซาแหน่
    อาจารย์ข้อยคักแท้ หาแนวแก้กะบ่อเซา อิ อิ อิ

    ปล. แก้บ่อเซา..สงสัยเป็นบ้า เหอๆๆๆ

  8. #8
    น้ำตาล
    Guest
    ค๊า....ใหย่ศรี...น้ำตาลคือสิสอนยากยุดอกใหย่...ผญานิไปบ่เป็นอิหลี...บ่หยาบบอกมึนคัก..ปรอบบบตะของเอ้ยเนาะฮึ...:g:g

  9. #9
    ร่วมถ่ายทอดความรู้สู่สังคม สัญลักษณ์ของ บ่าวชัยภูมิ
    วันที่สมัคร
    May 2007
    กระทู้
    550
    เนื้อหา คักดีแท้บ่าว

  10. #10
    นัยกระจอก
    Guest

    ฟังเพลงที่เล่นด้วยแฟลท นัย..กระจอก

    สุดยอดอ้ายศรี ขอฝากฝังเจ้าของเป็นลูกศิษย์แน่เด้อ:g