หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: ซุปเห็ดไค

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    ซุปเห็ดไค

    หวัดดีครับ พี่น้องบ้านมหา มื้อนี้มีโอกาศได้นำเสนอเมนู "ซุปเห็ดไค" วัตถุดิบหลักเป็นเห็ดไคที่เอามาจากทางยโสธร ช่วงออกพรรษาที่ผ่านมา
    แม่เพินเก็บไว้ถ่าตั้งแต่ช่วงเดือนสิงหา ย่อนว่าช่วงนั้นเห็ดออกหลายคัก เพินนึ่งใส่ถุงแบบสูญยากาศแล้วใส่ไว้ในช่องฟิช จั่งเก็บไว้ได้โดน

    วัตถุดิบ
    - เห็ดไค
    - พริกสด
    - หอมแดง ต้นหอม หอมเป ผักใบมน

    เครื่องปรุง
    - น้ำปลาร้า
    - น้ำปลา
    - ผงนัว

    เริ่มกันเลยครับ เอาเห็ดไคที่แช่แข็งไว้ออกจากช่องฟิช ต้มใส่น้ำ+หยอดน้ำปลาร้าให้สุกอีกเทือนึง หรือบ้านเฮาเอิ้นว่าต้มป่นนั้นล่ะครับ
    แล้วตักออกใส่จานพักไว้ให้เย็น บางสูตรเพินจี่เอาครับ

    ซุปเห็ดไค


    จากนั้นเอาเห็ดมาซอย หรือสับเป็นชิ้น

    ซุปเห็ดไค


    เตรียมผักหอมสำหรับใส่ซุปเห็ด มีพริกดิบจี่ หอมแดง ต้นหอม หอมเป ผักใบมน

    ซุปเห็ดไค


    จากนั้นเอาพริกดิบจี่ใส่ครกตำให้ละเอียด ตามด้วยเห็ดที่ซอยไว้ ซอยผักหอมลงไป ปรุงรสด้วยน้ำปลา ผงนัว
    อย่าลืมหยอดน้ำต้มป่นลงนำจัก 2-3 ช้อน ซุปเห็ดสิได้มีน้ำเอาะเจาะ บ่แห้งจนเกินไปครับ

    ซุปเห็ดไค


    ปรุงรสแล้วกะคนให้เข้ากัน ซิมเบิ่ง ถ้าแซบแล้วกะตักใส่จานเสริฟได้เลยครับ

    ซุปเห็ดไค


    แนวกินตื่มกะได้ทอดกุนเชียงกับต้มไข่ มาเด้อครับกินข้าวแลงนำกัน

    ซุปเห็ดไค

    ซุปเห็ดไค

    ซุปเห็ดไค


    เล็กๆน้อยๆจากทีมงาน ขอบคุณสำหรับพื้นที่นำเสนอครับ

  2. #2
    ศึกษาหาความรู้ สัญลักษณ์ของ คนของหัวใจ
    วันที่สมัคร
    Dec 2009
    กระทู้
    139
    น่ากินค่ะบ่าวหยก ติดตามมาเกือบทุกกระทู้ มีฝีมือในการทำอาหารปานแม่บ้านน้อค่ะ หายากวัยรุ่นสมัยนี่ทำได้ เมนูบางอย่างพี่กะคือสิบ่ได้ดอกค่ะ อาศัยฝรมือแม่มาตลอดตะน้อยจนเถ่า

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    มาเฮ็ดงายเฮ็ดดายแท้หละบ่าวหยกแหมพากันกินงายเน๊าะหล่า

  4. #4
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,206
    แค่นี้กะแล้วแลง กินเพื่อยู่... :b-b

  5. #5
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829
    โฮ้ เป็นตาแซบครับบ่าวหยก กับข้าวบ้าน ๆ กินแล้วกะได้หายคิดฮอดบ้านเฮาเนาะ...

    ให้อ้ายถามแหน่ครับ อั่นผักใบมน มันแหม่นผักหยังครับ...

  6. #6
    ศึกษาหาความรู้ สัญลักษณ์ของ teerapat
    วันที่สมัคร
    May 2010
    กระทู้
    163

    หิว

    หิวข้าวแล้วล่ะอยากกินนำเด้เนาะบ่ได้กินนสนแล้ว

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    กิโลละแพงขนาดเห็ดไค เอาย่างไฟ พร้อมกับพริกดิบ หัวหอม กระเทียม ปลาทูนึ่งจักหน่อย เด็ดผักอิออมใส่ ใส่ข้าวคั่ว หยอดน้ำปลาแดก ใส่ผงชูรส บีบบักนาวฮาด กินกับข้าวเหนียว บ๊ะ....ถึกกันดีปานหยัง

  8. #8
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    กระทู้ต้นฉบับโดยคุณ พล พระยาแล
    กิโลละแพงขนาดเห็ดไค เอาย่างไฟ พร้อมกับพริกดิบ หัวหอม กระเทียม ปลาทูนึ่งจักหน่อย เด็ดผักอิออมใส่ ใส่ข้าวคั่ว หยอดน้ำปลาแดก ใส่ผงชูรส บีบบักนาวฮาด กินกับข้าวเหนียว บ๊ะ....ถึกกันดีปานหยัง
    อ้ายพลบรรยายซะเห็นภาพเลยเนาะ....กินกับเข่าเหนียวฮ้อนบาดเนี่ย

  9. #9
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    ตาแซบอยู่น้อง เห็ดไค คล้ายๆ เห็ดสหรัฐฯ ดอกตุ้มๆ
    คุณแม่ก็เก่งภูมิปัญญาชาวบ้าน ต้มแล้วก็เก็บในช่องฟิต
    ได้กินเห็ดนาน
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  10. #10
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    เอื้อย คนของหัวใจ : ขอบคุณครับ ส่วนมากสิเฮ็ดเป็นแต่แนวกินบ้านเฮา แล้วกะอาหารป่าเป็นส่วนหลาย ตะน้อยมักเฮ็ดแนวกินซอยอีแม่ เลยจื่อได้
    ส่วนกับข้าวไทยสิให้แม่บ้านเพินเฮ็ด ผมบ่ค่อยถนัดปานได๋ครับ

    ลุงใหญ่ : อยู่ง่ายกินง่ายครับ พอแล้วคาบยุครับ

    อ้าย ฅนภูค่าว : ครับซำนี้ล่ะพอแล้วแลง กินแล้วกะนอน ตื่นมากะว่ากินอีกเนาะ :b-b

    อ้ายเซียงเมี่ยง : เว่าพื้นกับข้าวบ้านเฮาบ่ได้ซื้อน้อครับ เมือยามได๋ขนลงมาจนว่าเจ้าของรถจ่ม ซูมื่อนี้มีรถเองแล้วแฮงสะดวก เอามาฮอดถ่านไว้ดังไฟ
    อั่นผักใบมนกะคือ สะระแน่ นั้นล่ะครับ อันเดียวกัน ใบมันกลมๆมนๆ เพินเลยเอิ้นผักใบมน

    อ้าย teerapat : มาเด้อครับ แซบๆนำกัน :,1-

    อ้ายพล : คิดภาพแล้วเป็นตะแซบยุครับ สูตรเจ้าว่ากะดาย ว่าแต่ ผักอิอ่อม มันเป็นแนวได๋ฮึ

    เอื้อยปุ้ย : ขอบคุณครับ เว่าพื้นวิธีถนอมอาหาร อีแม่เพินกะเฮ็ดสูตรเดียวกันกับเฮ็ดน้อไม้ถุงนั้นล่ะครับ
    วิธีเฮ็ดคือ เอาเห็ดมาล้างให้สะอาด เอาใส่ถุงพลาสติกที่สะอาด มัดปากถุงให้แน่น บ่ให้อากาศภายนอกเข้าได้
    แล้วกะสวมด้วยถุงพลาสติกอีกชั้น มัดปากให้แน่นคือกัน แล้วนำถุงเห็ดไปนึ่งให้สุก
    ที่สำคัญคือ อย่าเฮ็ดให้ถุงหั่ว บ่ชั้นสิบ่สามารถเก็บไว้ได้โดน
    พอสุกแล้ว ปล่อยให้เย็น จั่งค่อยเอาเก็บไว้ในช่องฟิช โดนสุดที่เพินเก็บไว้ถ่า 6 เดือนครับ โดยที่รดชาดเห็ดบ่เปลี่ยนแปลง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •