ซุปเห็ดไค

[หยก ยโสธร]

หวัดดีครับ พี่น้องบ้านมหา มื้อนี้มีโอกาศได้นำเสนอเมนู "ซุปเห็ดไค" วัตถุดิบหลักเป็นเห็ดไคที่เอามาจากทางยโสธร ช่วงออกพรรษาที่ผ่านมา
แม่เพินเก็บไว้ถ่าตั้งแต่ช่วงเดือนสิงหา ย่อนว่าช่วงนั้นเห็ดออกหลายคัก เพินนึ่งใส่ถุงแบบสูญยากาศแล้วใส่ไว้ในช่องฟิช จั่งเก็บไว้ได้โดน

วัตถุดิบ
- เห็ดไค
- พริกสด
- หอมแดง ต้นหอม หอมเป ผักใบมน

เครื่องปรุง
- น้ำปลาร้า
- น้ำปลา
- ผงนัว

เริ่มกันเลยครับ เอาเห็ดไคที่แช่แข็งไว้ออกจากช่องฟิช ต้มใส่น้ำ+หยอดน้ำปลาร้าให้สุกอีกเทือนึง หรือบ้านเฮาเอิ้นว่าต้มป่นนั้นล่ะครับ
แล้วตักออกใส่จานพักไว้ให้เย็น บางสูตรเพินจี่เอาครับ




จากนั้นเอาเห็ดมาซอย หรือสับเป็นชิ้น




เตรียมผักหอมสำหรับใส่ซุปเห็ด มีพริกดิบจี่ หอมแดง ต้นหอม หอมเป ผักใบมน




จากนั้นเอาพริกดิบจี่ใส่ครกตำให้ละเอียด ตามด้วยเห็ดที่ซอยไว้ ซอยผักหอมลงไป ปรุงรสด้วยน้ำปลา ผงนัว
อย่าลืมหยอดน้ำต้มป่นลงนำจัก 2-3 ช้อน ซุปเห็ดสิได้มีน้ำเอาะเจาะ บ่แห้งจนเกินไปครับ




ปรุงรสแล้วกะคนให้เข้ากัน ซิมเบิ่ง ถ้าแซบแล้วกะตักใส่จานเสริฟได้เลยครับ




แนวกินตื่มกะได้ทอดกุนเชียงกับต้มไข่ มาเด้อครับกินข้าวแลงนำกัน








เล็กๆน้อยๆจากทีมงาน ขอบคุณสำหรับพื้นที่นำเสนอครับ