กำลังแสดงผล 1 ถึง 6 จากทั้งหมด 6

เ้ถ้าแก่นา

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    เ้ถ้าแก่นา

    เ้ถ้าแก่นา

    เ้ถ้าแก่นา

    พี่น้องเอย....
    ดาเดิมเค้าซาวนาหากดุหมั่น
    ขยันทำเวียกสร้างนาฮั้วไฮ่สวน
    ทุกสิ่งล้วนเอาแฮงลงใส่
    เพียรพร่ำไว้หลายมื้อกว่าสิฮอม
    สองมือป้อมแข็งขันฟันฝ่า
    มือหยาบหนาด่างด้านเจ็บเส้นจ่องเอ็น
    ทนทุกข์เข็ญยากไฮ้ยากปานใด๋กะบ่อจ่ม
    สมฉายาที่ว่าไว้ เป็น ”ชาวนา” แท้ แม่นอีหลี
    ซอมเบิ่งยุคสมัยสุมื้อนี้ ว่าชาวนากะบ่อแม่น
    แล่นหาเงินมาส่าวจ้าง “ซาวหา” นั่น จั่งแม่นคือ
    เฮ็ดนาบ่อเถิงมื้อกะแล้วท่งลงถัง
    เอาสตางค์ผ่อนแฮง แล่นหาแต่เงินจ้าง
    ฝ่ายเจ้าของผัดนอนจุ้ย ซี้มือเป็นเถ้าแก่
    นับตั้งแต่หว่านจนขึ้นเล้า เป็นเถ้าแก่นา

  2. #2
    แมนอิหลีคือทิดจ่อย เว่าชาวนาเฮาสมัยก่อน หน้าสู้ดินหลังทนฮ้อน บ่อมีได้พักแฮง.ุุุ แต่ชาวนาสุมื้อนี่ เอาสบายบ่อคือแต่ก่อน ย้อนใช้เงินว่าจ้างเครื่องจักรพุ้นมาซอยแฮง จักแมนดีบ่อแหล่ว เฮ็ดแป้บเดียวกะแล้วทั่ว บัดเทือเก็บเกี่ยวแล้ว ผั่นเห็นเว่าว่าขาดทุน ขอแจมนำแนครับ

  3. #3
    กะเป็นไปตามยุคสมัยค่ะ ทุกมื้อนี่วัยแรงงานกะบ่อยากทำนา มีตะผุเถ่าเฮ็ดนา สิให้ไปแบก หาบข้าวคือเก่าคือสิบ่ได้กินคักๆ ลูกเทวดายุบ้านกะเฮ็ดนาบ่เป็นจักคนบาดนี่ ต่อไป นากะสิกลายเป็นของนายทุนนำ คนเคยมีนากะสิไปหาเช่านาตะของเฮ็ด อีกบ่กี่ปีได้เห็นแท้ๆค่ะแบบนี่

  4. #4
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    คิดในอีกมุมนึงครับ ที่ต้องฟ้าวจ้าง ฟ้าวเฮ็ด ฟ้าวแล้ว มันบ่ได้เกิดจากความขี้ค้านเสมอไป

    ตั้งแต่ก่อนแต่กี้ เดือนพฤษภาน้ำเต็มท่งนาเบิดแล้ว ฝนตกต้องตามฤดูการ
    ซูมื่อนี่ เดือนสิงหาวันแม่ผ่านพ้นไป ยังบ่มีวี่แววว่าน้ำสิโห่งไฮนา ขี่ดินไงกิ่นๆ
    บุฮู้ว่าฝนสิตกยามได๋ อีพ่อเพินเคยถ่าน้ำฝนจนกล้าบั้งถิ่มซือๆ ฮอดฝนมาบ่มีกล้าสิดำ
    กะจำเป็นต้องเฮ็ดนาหว่าน อย่างหน่อยๆกะมีต้นข้าวในนาไว้ถ่าแล้ว

    บัดฮอดยามเกี่ยวข้าว แต่ก่อนนี้ลมหนาวพัดวีๆ นอนท่งนอนนาบ่ได้คิดยากนำฝน
    ซูมื่อนี่ มีแต่พายุ ฝนตกฮำฮวงข้าวจมน้ำปานว่าบ่แม่นเดือนสิบสองเอาโลด

    บ่ฟ้าวกะบ่ได้ครับ อีพ่ออีแม่ยุบ้านเพินกะบ่ได้อยากจ้างดอก ย่อนบ่มีเงิน ค่าจ้างกะแพง
    อาทิตย์หว่างนึงหั่นค่อยเกี่ยวเอาแต่ไทเฮือนเจ้าของ เกี่ยวได้สองมื่อว่าพายุเข้าภาคอีสาน
    ฝนตกฮำปานยามดำนา ย้านข้าวเน่าถิ่ม กะเลยจำเป็นต้องจ้างรถเพินมาเกี่ยวครับ

  5. #5
    แบ่งปันความรู้และประสบการณ์ สัญลักษณ์ของ คนภูหลวง
    วันที่สมัคร
    Feb 2010
    ที่อยู่
    เมืองเลย
    กระทู้
    377
    ปีที่แล้วจ้างรถเกี่ยวหมากหญ้ากะดูดเข้ามาเหมิดบาดยามสีข้าวมากินได้มานั่งเลือกออก ปีนี้พี่เขยจ้างคนเกี่ยวเอาหลาบแล้ว แต่หาจ้างคนกะอยากสมัยนี้แพงกว่าค่าแรงขั้นต่ำในเมืองกรุงอีกตะหากเด้อพี่น้อง

  6. #6
    ตามยุคตามสมัยน้อครับ...เห็นหมู่แล้วกะอยากแล้วนำ...ผมอยู่กรุงเทพลงเมือเกี่ยวแล้วประมาณ2อาทิตย์ที่แล้ว...ตากแล้วกะเอาไปจำนำโรงสีอำเภอตระการเลยครับ ...มะลิ12ตัน ได้กระดาษมาใบหนึ่ง...