กำลังแสดงผล 1 ถึง 5 จากทั้งหมด 5

บ้านเคยอยู่อู่เคยนอน

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1

    บ้านเคยอยู่อู่เคยนอน

    ตื่มแฮงใจในวันท้อฝากสานต่อฮอยไมตรี
    อ่อยวจีเพียงคำหวานใส่น้ำตาลซ่อยแรงเพิ่ม
    เพ-ลาเสริมเติมคำอ้อนเป็นสุนทรบอกกล่าว
    จันทร์ถึงเสาร์เมางานวุ่นหัวจนหมุนคึดบ่ออก
    อยากสิบอกหว่าคิดฮอดแทนแขนกอดให่อุ่นทรวง
    อยู่หม่องได๋ใต้โลกก้วงยังเป็นห่วงอยู่คือกัน
    แต่ละวันน้อทำงานหนักพอปานรถแทรกเตอร์
    บ่ได้เปิ่มเหิมเห่อหลงละเมอเผลอเต้นเป็นไปทั่ว
    หากินเลี้ยงครอบครัวใส่ปากท้องพอมีหม่องไว้เผิ่งพา
    พลัดจากนาลาถิ่มบ้านในสถานตามเมืองใหญ่
    ดนปานได๋กั่วสิม้มหรือพอล้มจั่งสิคืน
    ถิ่นอีสานกำลังฟื้นคอยวันคืนแจ้งสว่าง
    เลาะหัวนาป่าดงฮ้างปลูกสวนยางกำลังใหญ่
    น้ำกะไหลไฟกะฮอดแต่เขินขอดแหล่งแรงงาน
    อยากคืนเมือเฝืออยู่บ้านลาโรงงานที่เคยเจ่า
    พ่อกะแก่แม่กะเฒ่าฟังควมเว้าเป็นห่วงหลาย
    อีกทั้งผองพวกน้องอ้ายคุณยายตากะว้าเหว่
    คราวซัดเซผัดแฮ่งซ้ำมาไกลก้ำหมิ่งสมร
    ห่วงอาวรณ์บ่มีสิ้นฮอยถวิลที่จำจากบ้านเก่า
    เคยนอนเนาว์แต่น้อยมาพลอยค้างห่างสะเหน(เสน่หา)
    ย้อนบุพเพน้อพาซ้ำบาปหรือกรรมขึงดึงจ่อง
    ยามพลัดพรากจากพี่น้องหมองเศร่าอยู่บ่เซา
    ควมฝันเฮาหว่าสิรุ่งหาเงินถุงนับแต่มื้อสิล้าหล่อย
    คือปลาใหญ่ไล่กินแต่ปลาน้อยซิวกุ้งแตกกะเซ็น
    ผลประโยชน์จั่งโลดเต้นออกวิ่งแหล่นเทียวคุบ
    หลุบอยู่กลางวังวนฝ่าผจญเอาแฮงทื่น
    หนทางบืนสิคืนเค้ากลับเมือเนาว์ก้ำบ้านเก่า
    ม้าบ่ทันป่งเขากกเสาบ่ออกเป็นดอกไม้ยังฝันไว้สิต่าวคืน
    บ้านเคยอยู่อู่เคยนอนบ้านเคยอยู่อู่เคยนอน:,1-:,1-:,1-บ้านเคยอยู่อู่เคยนอนบ้านเคยอยู่อู่เคยนอน

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    คึดฮอดเด้ออ้ายพี ยอดเยี่ยมครับ

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    ลมหายใจยังบ่อสิ้นคองมื้อสิต่าวเมือ...คองมื้อสิอ่วยคืน


    ม่วนครับอ้าย สุมื้อนี้สมาชิกบอร์ดผญาหายหน้าหายตาไป
    กะคิดฮอดอยากอ่านผญาของครูบาอาจารย์และผองเพื่อนสุคน

  4. #4
    ศึกษาหาความรู้ สัญลักษณ์ของ ไทบ้านพระเสาร์
    วันที่สมัคร
    May 2012
    ที่อยู่
    คลองสาม รังสิต
    กระทู้
    201
    ย้อนหว่าคึดฮอดหม่อง...บ้านเฮาหม่องเคยอยู่
    ย้อนหว่าคึดฮอดซู้จั่งโงโค้งต่าวมา..สั้นแหล่ว
    อันหว่าแนวอีสานเชื้อ...เกื้อเหล่าแนวเดียวกัน
    สายสัมพันธ์ไร้พรมแดน....จักถิ่นใด๋กะไสยู้
    จักแหม่นสูแหม่นเจ้า...จักแหม่นเขาแหม่นหล่อน
    ซี้นสองต่อนกันแล้ว...บ่มีแคล้วดอกต่อกัน..

  5. #5
    แบ่งปันความรู้และประสบการณ์ สัญลักษณ์ของ แดงน้อย
    วันที่สมัคร
    Nov 2008
    กระทู้
    171
    บล็อก
    1
    สามารถมากค่ะ มีแต่ผู้เก่งๆ ชื่นชมๆค่ะ


Tags for this Thread