-
แบ่งปันความรู้และประสบการณ์
ยังฮักอ้ายอยู่เด้อ
อ้ายเอย...หากฮักกันแล้วเจ็บแค้น
คำว่าแฟนบ่มีค่า..
แมนอดสาแค่ฮักน้อง...
ทางใจนั้นแมนบ่มี
ทุกนาทีมีเขากั้น..เฮาสองคนได้ออกห่าง
อยากสิหนีไปจากอ้าย
สิยอมพ่ายแมนวายอม...
ถึงใจน้องสิบ่พร้อม..แต่กะยอมอยู่โดดเดี่ยว
บ่อยากดึงใจอ้ายไว้...แมนโตอ้ายฮักบ่มี
ทุกเวลายังมีอ้าย..ถึงสองเฮาสิออกห่าง
ถึงสิต่างจากเดิมแล้ว..แต่บ่ลืมว่าฮักชาย..
ฮักเสมออยู่เด้ออ้าย..ถึงน้ำตาสิร่วงหล่น
ยังเป็นคนที่ฮักอ้าย..ถึงความเศร้ามาคุกคาม...
แก้ไขครั้งสุดท้ายโดย น้องป้อม; 19-02-2014 at 11:11.
-
ศึกษาหาความรู้
หยุดน้ำตาเถิดน้อง
เซาสาหล่า เซาสา น้ำตาเจ้าให้เซาหลั่ง ครูเอ้ย
เทียวทางฮักบ่สุดเส้น เว้นวรรคไว้บ่เป็นหยัง เด้ครู
คุณค่าฮักของเจ้า เขานั้นบ่เห็นค่า แต่ว่าทางอ้ายนี้ยังคอยแปลงสิสานต่ออยู่เด่ อยู่เด้
-
ผู้ช่วยผู้ใหญ่บ้านมหา
ย่อนสายแนนบ่ทำงาน เนททางบ้านกะ2จี
แรงส่งฮอดควมฮักบ่มี ควมคิดถึงเลยปล่าวดาย.. ซั่นแหลว .. ^ ^
มองต่าง..อย่างปลง
-
ศึกษาหาความรู้
หล่า... ผู๋สาวเอ้ย
อ้ายนี้ มาเห็นใบหน้าน้อง........หัวใจชายหลดไหวหวั่น
ได้ยินน้องสาวเว้าท่านั้น ท่านี้...หัวใจอ้ายหลดหวั่นไหว
พออยากไปอยู่ใกล้ๆ.............ได้แนมเบิ่งนัยตา นางเอ้ย
ยาม เจ้าเอ่ยวาจา............อ้ายอยากอ่านนัยตาเจ้า
ว่าควมที่น้องนั่นเว้า มันตรงกับหัวใจ ของสาวนั้นจริงบ่อ
หรือหากเป็น แข่แหล่ หรือมันเป็น ข่อหล่อ...คำเว้าล่ายลวง
ย่านเด้น้อ ย่านหัวใจ สาวเจ้า....บ่อคือใจผู้สาวอื่น นางเอ้ย
ใจดวงเดียวอยู่บ่อแพ้...........แต่ชายลี้ตั้งหมื่นคน
ย่านเจ้าสนละวนยุ่ง.........ไหมแสนบุงกะบ่ท่อ คำแพงเอ้ย
สับรางใส่บ่าวนั้น จัดคิวให้บ่าวนี้...ย่านสาวเจ้าจ่อยโซ ซั้นแหล้ว นางเอ้ย
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks