กำลังแสดงผล 1 ถึง 8 จากทั้งหมด 8

กว่าจะเป็นสาดผืนน้อย(เสื่อผืนน้อย)

  1. #1
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    กว่าจะเป็นสาดผืนน้อย(เสื่อผืนน้อย)


    สวัสดีจ้า ธุจ้า มิตรรักแฟนคลับบ้านมหา คือเก่าคือเดิม ห่างหายไปบ่ดน แต่กะ บ่ค่อยได้เข้ามาอัพภาพสวยๆหรือเมนูแปลกๆแต่กินได้ ให้ได้เห็นกันเพราะยากเวียกยากงาน ส่วนมากจะ อวนอัวอยู่ทางเฟช (โรคโชเชียลเนตเวิคกินหัว) เพราะมันอยู่ติดกับมือถือไปไสไปนำ อัพปุ๊บ กดไลน์ปั๊บ ตามใจชอบ กว่าจะเป็นสาดผืนน้อย(เสื่อผืนน้อย)


    เรื่องมีอยู่ว่า เมื่อวันแรงงานแห่งชาติ ที่ผ่านมา ได้มีโอกาสเมือยามบ้าน(ศรีสะเกษ) กั้นเอ้ง ยามพี่ ยามน้อง และ หากินเมนูแซบๆ ตามกะเยิม แต่เพราะความจำเป็นบางอย่างต้องให้ ทริปนี้ อยู่บ้านนานเป็นกรณีพิเศษและเร่งด่วน เนื่องจาก พ่อใหญ่หนวด(พระบิดาบั้งเกิดเกล้า)บ่สบายต้องอยู่เฝ้าเป็นพยาบาล จนอาการดีขึ้นจน กลับบ้านพักรักษาโต จนสุมื้อนี้กะเป็นเวลาเกือบพอเดือน
    ต่อไป งานทั้งหลายทั้งปวงที่พ่อรับหนักมาแต่ต้นลูกน้อยๆจนใหญ่กะต้อง พักยกไว้ก่อน ลูกๆ จึงจำเป็นต้องมาสานต่อ ความฝันของพ่อ...สืบต่อไป บ่เว้นแม้แต่ คนที่กำลังเว้าอยู่นี้คือกัน :b-b อีกบ่ดนนานก็ ต้องกลับไป สานต่อกิจการคอกหมู ของพ่อ ให้พ่อได้พักบ้างพ่อเมื่อยมาตลอดชีวิต แล้ว สู้ต่อไปเน๊าะพี่น้อง

    และมื้อนี้ ขอนำเสนอ อีก ชีวิตความเป็นอยู่ ยามว่างเว้นจากเวียกการเกษตร อันได้แก่ เฮ็ดไฮ่ เฮ็ดนา เข้าสวนผัก ของยายสอน(คู่ชีวิตพ่อใหญ่หนวด) เลากะ จะหาแนวเฮ็ด ว่างมือบ่ได้ อยู่ชื่อๆบ่เป็น
    และ เทื่อนี้เลา ต่อกี่น้อย ต่ำสาดผืน ไว้ให้ ลูกๆหลายๆได้ใช้ กับ ไว้ใส่กองบุญ ตามประสาเลา ผู้เฒ่าบ่ฮู้อยู่ กว่าจะเป็นสาดผืนน้อย(เสื่อผืนน้อย)

    สาดน้อย ความกว้าง แค่บ่ถึงเมตร พอปู นั่งได้ สองคนน้อยๆ หรือ ไซด์เด็กน้อยอนุบาล หอบไปโรงเรียน แต่สมัยสุมื้อนี้ เผิ่น มีที่นอนแบบสำเร็จ บ่ต้องพึ่งสาดคือสมัยก่อน นิ

    กว่าจะเป็นสาดผืนน้อย(เสื่อผืนน้อย)

    ยายสอน เลากะเฮ็ดไว้หลายไซด์ หลายขนาด แต่มื้อนี้เป็นไซด์เด็กน้อย

    กว่าจะเป็นสาดผืนน้อย(เสื่อผืนน้อย)


    และมีผู้ส่อยโตน้อยๆ มา ส่อยเฮ็ดส่อยแหย่เส้นให้ ตามกะเยิม เผิ่นบักหัวจุก หลายชายโตน้อย

    กว่าจะเป็นสาดผืนน้อย(เสื่อผืนน้อย)

    เฮ็ดไปนำ เถียงกันไปนำ สองยายหลาย เถียงกันว่า สอดผิดสอดถืก ลาย บ่ หลานน้อยตาดี แม่เฒ่าตาบ่ดี เถียงกัน กว่าจะเป็นสาดผืนน้อย(เสื่อผืนน้อย)

    กว่าจะเป็นสาดผืนน้อย(เสื่อผืนน้อย)


    กว่าจะเป็นสาดผืนน้อย(เสื่อผืนน้อย)


    สุดท้ายกะได้ สาดผืนน้อย ให้เบิ่งยุ จ้า กว่าจะเป็นสาดผืนน้อย(เสื่อผืนน้อย)

    กว่าจะเป็นสาดผืนน้อย(เสื่อผืนน้อย)

    กว่าจะเป็นสาดผืนน้อย(เสื่อผืนน้อย)

    *** ความสุขเล็กๆของสองตายาย มื้อใด๋หลานน้อยลงมานอนนำ กะม่วนพอมีหมู่ปากเว้า ละมื้อใด๋ หลานน้อยขึ้นเมือนอนไฮ่นำพ่อแม่ คะเจ้า สองเฒ่ากะเงียบเหงาปานหอยไข้ กว่าจะเป็นสาดผืนน้อย(เสื่อผืนน้อย)กว่าจะเป็นสาดผืนน้อย(เสื่อผืนน้อย)


    :*-:*- ขอบคุณทุกการเยี่ยมชมกะทู้ เด้อจ้า ดนๆมาเทื่อ กะอย่ากันเด้อ ยากงานอิหลี(และยากเลาะตามประสาคนโฉด) กว่าจะเป็นสาดผืนน้อย(เสื่อผืนน้อย)....จบข่าวก้อมจาก สีเกดธานี ไว้ท่อนี้ก่อน พ้อกันกะทู้หน้า เด้อพี่น้อง ซัมบายดี สุผู สุคน จ้า ธุจ้า




  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    ขอบคุณสารคดีเพื่อชีวิต..น้อยๆของหนู๋น้อย
    สิ้นค้าพื้นบ้านขนานแท้แฮนด์เมด......มักตั๊วอั่นต่ำสาด
    สมัยเป็นบ่าวไปจีบสาวต่ำ(ทอ)สาดกะไปส่อยผู้สาวแหง่(สอด)สาด

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ผู้มีอดีตกับการต่ำสาด ได้ผุสาวจักคนบ่

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ภูมิปัญญาชาวบ้านเฮา สุดยอดที่สุดแล้วจ้า

  5. #5
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    เป็นตาฮักเนาะคนช่วยแง่สาดกะดาย ฮู้จักควมคัก

  6. #6
    แบ่งปันความรู้และประสบการณ์ สัญลักษณ์ของ sugar-51
    วันที่สมัคร
    Feb 2009
    กระทู้
    150
    อี่แม่อยู่บ้าน กะตำสาด คือกัน ครับ

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    สาวเมืองยศ บักหัวจุก ความดื้อและมึน และ ฮู้จักควม เบิ้ดแต่มัน พ่อแม่กะคือจั่งบ่ค่อยปากเว้า บัดลูกละ มาเว้าเป็นได้ไผ๋ บุ๊ ....ไทพี่น้องเผิ่นว่า สงสัยได้แนวนำน้าสาวมันละ ปากแปๆเว้าเป็นๆ นิ

    :*-:*-

    เอื้อยส้มป่อย(พี่มิก) สุมื้อนี้ บ่ค่อยมีคนตำสาดแล้ว จ้า ปูกระเบื้อง ใช้ สาดหนังกันเกือบเบิ้ดแล้ว หรือบ่กะมีรถมาหาเลาะขายตามบ้าน จ้า ง่ายและสะดวกคัก

    :b-b:b-b กว่าจะได้แต่ละผืนกะ ปวดหลังย้อน ยุเด้เน๊าะจ้า ซูก้า51

  8. #8
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    ในหมู่บ้านผมกะต่ำสาดกันเบิดบ้าน
    แต่เพิ่นบ่อไส่สี มีทั้งผืนน้อย ใหญ่


    http://www.baanmaha.com/community/thread48262.html


Tags for this Thread