ให้ค่อยอยู่ดีเยอเจ้า ผู้สาวสวรรค์สร้อย หุมแพง ซู้ขิ่น อีเฮียมเอย
บัดนี้พี่ซินับมื้อไกลจากเจ้า พระนางน้องจากไป พี่แล้ว
จักแม่นเวนยังน้อ มาจำจรจาก
จิ่งได้พลัดพรากน้อง ทั้งซู้ พี่นี่นา
สวัสดีครับอ้ายพี่สู่คน ผมบังเอิญเข้ามาในเว็บนี้แล้วถืกใจหลานขนาด มีแต่แนวมักทั้งหมอลำ เพลง ผญา ทุกอย่างที่ทางเว็บนี้ได้จัดขึ้น ก่อนอื่นผมขอแนะนำโตจักหน่อย ผมนี่ซือว่าอภิชาติท้าว คำวิเลิศสกุลชาย อยากซิบรรยายกลอน แนะนำทางอ้าย ผมนี่เนาอยู่ยั้งสารคามก้ำบ้านอยู่ บรบืออำเภอเค้าอีสานเฮาจำไว้แน๊ บ้านฮ่องไผ่ กำพี้ตำบลนั่นให้จื่อจำ เดี๋ยวนี่นั่นกำลังเฮียนศึกษา หวังอยากเอาปริญญา พอให้มีงานบ้าง อดทนเอาอดทนสู้ เดี่ยวนี้อยู่ปีสาม เรียนครูเจ้าให้เขาซา มหาวิทยาลัยมหาสารคามถิ่นสถานศึกษากว้าง ให้จำไว้จื่อเอาอ้ายเอ้ย........ขอชมเชยพี่เต็งแต่งผญาเพราะมากและอยากรู้จักพี่ทีมงานทุกคน หน้าจะมีการเข้าค่ายคุยกันท่องเที่ยวทางวัฒนธรรมแต่งผญาอีสานดูหมอลำ เสนอครับชาวอีสานมีน้ำใจอยู่แล้วน่าจะมีสมาชิกเยอะ เพราะเดี๋ยวนี้ผมก็ทำชมรมรักษ์ทางไทที่มหาลัย เกี่ยวกับศิลปวัฒนธรรมอยู่ครับ