สวัสดีครับพี่น้องไทบ้านมหาทุกท่าน ตลอดถึงพี่น้องชาวออนไลน์สุขู่สุคน(ทุกๆท่าน)เด้อครับ
กระทู้นี้ผมเขียนเกี่ยวกับความเคลื่อนไหวในอีกมุมหนึ่งของผม หลังจากที่ผมจัดรายการในเว็บบ้านมหาของเฮามาระยะหนึ่ง
ในช่วงบุกเบิกกะว่าได้เนาะครับ แล้วก็ทำมาหาเลี้ยงชีพกับอาชีพที่หลากหลายจนว่าจำบ่เบิ่ด ฮ่าๆๆ กะบ่รวยจักเทื่อ
จนได้หนึ้มาก้อนหนึ่งกะเลยคิดอยากหารายได้เสริมครับ
คิดไป คิดมาก็หาบ่พ้อครับ จากขายเสื้อผ้า มาขายแนวอยู่แนวกิน ย่อนว่าศรีภรรยาเป็นคนเฮ็ดกับข้าวแซบครับ
ถึงจะขายดี แต่กะบ่ทันหนึ้สินพะนะ ฮิ๊ว แต่กะสู้ไปครับ ช่วงนี้หน้าฝน บ้านดุงฝนตกสุมื้อจึงทำให้ยอดขายหายไปเกินครึ่ง
คิดหาแนวเสริมอีกหลายอย่างที่นอกเหนือจากขายแนวกินก็คือ "งานจัดรายการวิทยุ" เป็นดีเจสั้นแล่วครับพี่น้อง
ได้จัดวิทยุชุมชนกะย้อนความบังเอิญครับ ทีแรกผมกะเป็นแค่คนประสานงานจากผู้ว่าจ้างกับดีเจที่เพิ่นจัดอยู่แล้ว
แต่พอดีว่าเพิ่นต้องเซาจัดด้วยเหตุผลส่วนโตบางประการ ผมกะเลยได้จัดแทนแบบงงๆครับ
แต่จริงๆแล้วการเป็นดีเจเป็นงานที่ผมรัก งานที่ผมชอบครับ งานนี้มีผู้สนับสนุนหลักเป็นสินค้ารายใหญ่ของประเทศครับ
เริ่มจากไปอบรมเกี่ยวกับการนำเสนอสินค้าในรายการในแบบที่ดีเจถนัด แต่บ่ให้หนีไกลจากความเป็นจริงครับ
ได้ค่าเดินทาง พร้อมสปอตโฆษณามาพร้อมสินค้าทดลองการใช้งานพร้อม(อุปกรณ์สื่อสาร แอรการ์ด)พร้อมใช้งานหนึ่งชุด(บ่ขอบอกยี่ห้อนะครับ)
จากนั้นก็มาติดต่อสถานีวิทยุที่คลื่นดังไกลๆ บ่มีไผเปิดคลื่นมาเบียดครับ ในอำเภอบ้านดุง (ขอปิดชื่อสถานีเผื่อบ่เป็นการโฆษณาครับ)
จัดรายการวันจันทร์ ฮอดวันศุกร์ บ่ายสอง ฮอดบ่ายสามโมง ช่วงแรกๆบ่มีฮอดสายโทรเข้า เพราะว่าสถานีนี้บ่เคยมีดีเจมาจัดสดเป็นปีแล้ว 555
มีตะปล่อยเทปพะนะ งานหนักเลยครับ ดีเจกะมุดน้ำมาตะทางใด๋บุ๊นิ จัดรายการมาเกือบสิบมื้อค่อยมีผู้ฟังโทรเข้ามาขอเพลง ดีใจบักคักเลยครับ
มีกำลังใจขึ้นมาหลายเลย แฮ่งย้านตะเจ้าของเวลาเพิ่นสิเซาจ้างอยู่
ผู้ที่คอยให้กำลังใจกะคือภรรยาครับ คอยชี้แนะ คอยรายงานผลการรับฟัง ไมค์ดังบ่ และขอเพลงหลังไมค์
เพื่อให้สถานีคึกคักซัมพางมีแฟนคลับนำเพิ่น ฮ่าๆ โดยที่มีวิทยุฮ้างๆที่ผมซ่อมให้ไว้ฟังเวลาผมจัดรายการ(บังคับเพิ่นฟังครับ ฮ่าๆ)
และตอนนี้ก็ใกล้จะครบเดือนแล้ว มีสายหน้าไมค์เข้ามาหลายจนเปิดเพลงบ่ทันครับ
ขอบคุณพี่น้องคุณผู้ฟังทุกท่าน หน้าไมค์ หลังไมค์ทุกสาย และผู้อุปถัมภ์รายการทุกท่าน
ลืมบ่ได้เลยก็คือ "บ่าวคนเดิม" เว็บมาสเตอร์บ้านมหา.com ที่ผมศรัทธา ที่ให้โอกาสผมได้เป็นดีเจตั้งแต่ต้น จนถึงปัจุบันครับ
และผมได้นำเอาบทเพลง "คอยเธอที่คลื่นชุมชน" ของแดง จิตรกร ซึ่งเคยเป็นเพลงที่ท่าน บ่าวคนเดิมชอบขอฟังในรายการ เป็นอีกเพลงที่บ่าวคนเดิมมัก
ผมได้เอามาเป็นเพลงเปิดรายการนำครับ รู้สึกว่าเข้ากับชีวิตผมในช่วงนี้คัก
และเพื่อเป็นเครื่องเตือนในว่า ผมเป็นดีเจได้ทุกวันนี้เพราะบ่าวคนเดิม เว็บมาสเตอร์บ้านมหาแห่งนี้ให้โอกาสผมครับ
จบรายการแล้วเดินทางกลับบ้าน มาทางลัดเพราะถนนสายหลักรถนักเรียนหลายคัก
ขอขอบคุณพี่น้องแฟนเพลงจากเว็บบ้านมหาทุกคนทุกท่าน ที่เคยให้โอกาสผมได้เปิดเพลงสู่ฟังครับ
สถานีป่าไผ่พี่สาวตั้งให้ วันนี้กระจายเสียงได้อีกแล้วครับ
สักวันหนึ่งผมจะทำให้ได้ดั่งใจหวังครับ
ดีเจเต็มใจให้เธอในเว็บบ้านมหา
เต็มใจ เมืองหมอแคน ในวิทยุอำเภอบ้านดุง
การเป็นดีเจวิทยุออนไลน์เราทราบจำนวนผู้เปิดฟัง แต่ดีเจวิทยุกระจายเสียงเราไม่ทราบจำนวนผู้เปิดคลื่นรับฟังที่แน่นอ จึงต่างกันพอสมควรครับ
สวัสดีครับ..
Bookmarks