ปลาซิวข้าวทอดกระเทียมพริกไทย

[ติ๋ม เปอร์โย]

คั่นหยุดงานอยู่บ้านหาแต่แนวกินหละข่อย อิอิ...
ไปได้ปลาซิวข้าวมาจ้ากะเลยจัดการหมักเกลือ กระเทียม พริกไทย...
อย่าหมักไว้โดนหลายเด้อ เดี๋ยวสิกลายพันธุ์เป็นปลาแดกเด๋...::)



จัดการทอดให้กรอบๆ...กินได้ฮอดก้าง...เสียดายหัวปลาเด้...บ่น่าตัดถิ่ม...อิอิ



จัดการตำมั่วอีกตามเคย...กะคนบ่ค่อยกินข้าวเนาะ เลยคร้านหุงข้าว....
กินกับผักปลอดสารพิษในสวน ปลูกเองเนาะ::) เศรษฐกิจพอเพียงกะยังว่าเนาะพี่น้อง



แล้วเอาปลาสลิดแดดเดียวมาฝากนำ....ไผสิเอาไปเฮ็ดแบบใด๋กินกะตามซำบายจ้า
ซื้อปลาสลิดสดมากิโลกว่าๆ....หมักโดยการต้มน้ำกะให้ถ้วมโตปลา..ใส่เกลือ กะเอาให้เค็มลิ้นเลยจ้า
ต้มน้ำเกลือถิ่มไว้ให้เย็นโลด....แล้วเอาปลาลงแช่น้ำเกลือไว้เบิดคืน...ตื่นเช้ามากะเอาไปตากแดดจ้า
อยู่เดนร์มากต้องตากเบิดมื้อ เพราะว่าแดดบ่ฮ้อนปานใด๋....

[น้ำตาล]

พี่ติ๋มต๋า...เรียกน้ำย่อยอีกแล้ว...น้ำลายไหลง่วงๆยุพอดีกับส้มตำเนาะสุดยอด..:g

[แมวเหมียวพลัดถิ่น]

โอ๊ยนอเอื้อยยเอ๊ย! น้ำยายไหยย :)

[นิลมณีหยก]

ปลาซิวฝรั่งติพี่ติ๋ม แถมปลาสลิดนำเป็นตาแซบเนาะกินกับตำบักหุ่งทอดกรอบๆแซบดี

[หมอลำเอกชัยคนหล่อ]

ปลาซิวฝรั่งบ่อเคยกิน เเต่ว่าปลาสลิดนี่ ขอนำหลายๆเถาะคับ ของมักที่สุดเลยครับ อ่า

[ติ๋ม เปอร์โย]

555++ปลาซิวแขกจ้า เวียดนามขาย คนไทยกิน...อินเตอร์คักบ่...อิอิ

ปลาสลิดไทยอยู่จ้าเขาขายปลาสดแต่แช่แข็งมา....กิโลละ600กว่าบาท...
เป็นใด๋ทางเมืองไทยบ่พอเลี้ยงปลาสลิดส่งนอกแล้วบ้อ...คนที่รวยอิหลีคือบริษัทส่งออกตี้เนาะ..555++

[sompoi]

มักทุกชนิดว่าแต่แม่นปลา กินแต่ปลาเอาโลด สมอยู่ได่มาอยู่เมืองปลาดิบพี่น้อง ::)

[ติ๋ม เปอร์โย]

พี่มิกจ๋าขอเมนูปลาดิบแหน่จ้า ซูชิ ข้าวปั้นกะได้จ้า เน้นปลาเซลมอนนะจ๊ะทางนี่หาสดๆได้ง่ายจ้า..
เคยขอไว้โดนแล้วพี่นิดว่าสิสาธิต ถ่าเป็นปี พี่นิดกะหายจ้อย พี่มิกเฮ็ดให้ติ๋มเบิ่งแหน่จ้า...

[ไม่สวยแต่เร้าใจ]

หึยเนาะ อิจฉาคนอยู่ไกล้เมืองเด้ แนวกินบ่อึด หาแต่แนวมาเฮ็ดล่อใจกันแห่งอยากยุนี่

[สาวส่าเมืองอุดร]

โอ้ย..น้ำลายไหลอีกแล้ว แม่ดองเอ้ยมาอยากไปอยู่นำแท้น้อ อิอิ..มีแต่แนวกินเป็นตาแซบ...เห็นแล้วอยากกินแองเด๊..:g::):g