สวัสดีครับ พี่น้อง ลุง ๆ ป้า ๆ บ้านมหาทุกคนครับ...
โดนเติบครัวเซียงเหมี่ยง บ่ได้เสริฟอาหารสู่พี่น้อง ยุ่งยากงานการบ่ค่อยได้มีเวลาเข้ามาปานได๋...
มื่อวานมีโอกาส อยากเฮ็ดกับข้าวกิน พอดีลูกน้องมาจากลาว มาซ่อยงานครับ เลยเฮ็ดกับข้าวสู่เผิ่นกิน...
เริ่มต้นจากฮังเลครับ แกงฮังเล เป็นอาหารเหนือที่เซียงเหมี่ยงฯ มักหลาย ๆ กินกับข้าวมะลิสุรินทร์ ฮ้อน ๆ ...
อ้ายซายทางลำพูน ฝากผงแกงฮังเล มาให้ เลยลองเฮ็ดกินเบิ่งครับ เป็นเถื่อแรก...
หมูสามชั้นหมักพริกแกงฮังเลครับ หมักประมาณชั่วโมง...
เตรียมกระเทียม ขิงอ่อนซอย...
ลงกะทะผัดให้หมูตึง ๆ แล้ว เติมน้ำใส่หม้อเคี่ยวไปเรื่อย ๆ ครับ บ่ต่ำกว่าชั่วโมง ไฟอ่อน ๆ ให้หมูนุ่ม ๆ อยากกินฮังเล ต้องใจเย็น ๆ ฮ่า ๆ ...
เติมน้ำกระเทียมดองครับ...
เคียวไปเรื่อย ๆ ใส่กระเทียม กับขิงซอย แล้ว ผงฮังเลครับ...
ประมาณชั่วโมงกว่า ๆ หมูเริ่มนุ่ม ตอนเคียวนี่ไฟอ่อน ๆ เติมน้ำเรื่อย ๆ ครับ ปรุงรสด้วยเกลือ น้ำปลา น้ำตาลปี๊บ น้ำตาลทราย น้ำบักขามเปียก...
หน้าตาบ่ค่อยดีปานได๋ แต่รสชาติ กะพอได้อยู่ครับ ฮังเล จากพ่อครัวอีสานใต้
เดี๋ยวมาต่อเมนูต่อไปครับ...
Bookmarks