ผู้เฒ่าเฟชบุ๊ค

[ทิดจ่อย]

บ่อว่าคืนหรือเซ้า ได้นั่งเจ่าเฝ้าหน้าจอ
ใจจดจ่อแต่นำสาว สิโพสต์หยัง ถ่ากดไลค์
ใจเอยใจผู้บ่าวเฒ่า เมียเผลอได้เพ้อป่วง
ห่วงนำสาวเฝ้าเฟสจ้อ คองถ่าแต่ผู้สาว
เวียกและงานบ่อเคยเว้า เอาแต่เมียสิหลิงหล่ำ
เซ้าฮอดค่ำ ค่ำฮอดเซ้า บ่อกินข้าวกะอิ่มเป็น
เห็นไปหมดสุบ้านฮอดกำนันและผู้ใหญ่
ทันสมัยเปิดเน็ตพ้อ อบต.นั้นกะผ่องกัน
หันไปไสเห็นแต่จ้อ เขี่ยหน้าจออยู่ไหว่ๆ
ผ่องเล่นไลน์ อินบล๊อกเข้า หัวยุ้มใส่คอมฯ
ใช้ซื่อปลอม แปะเอาฮูป ผู้บ่าวหล่อมาแทนโต
โสแต่ควมดี อวดผู้สาวอยู่เบิ้ดมื้อ
คือลูกเมียเป็นบอดไบ้ บ่อใส่ใจความเป็นอยู่
คึดเบิ่งดู คันเมียฮู้รหัสเฟชเจ้า ย้านเน่าถิ่มอยู่หน้าคอมพ์
สิตายถิ่มย้อนเฟสเดอ.......

ขอบคุณภาพจากเน็ตครับ