กำลังแสดงผล 1 ถึง 2 จากทั้งหมด 2

ความจนเรื้อรัง

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    ความจนเรื้อรัง

    "ซอมเจ้าของมาดนมื้อ เป็นซงคือ ไข้บ่อส่วง
    บางมื้อหนาวหน่วงเนื้อ คีงฮ้อน ฮุ่มกาย
    บางมื้อตาลายจ้อง แยงเจ้าของ อยู่หน้าแว่น
    ป้าดดด..แฟนผู้ใด๋มาหล่อแท้ ณ เดช พุ้น กะบ่อปาน
    บางมื้่อพาลหาเรื่อง หงุดหงิดเซ้าฮอดค่ำ
    แสนคำคน หวานอิ่นอ้อย กะพอปานซ้างฮ้องใส่หู
    บางมื้อดุ๋หมั่นแท้ นายใช้หยัง ฟ้าวแล่นใส่
    บางมื้อใจบ่อสู้ นั่งเมิ๊ดมื้อ กะเหมื่อยหลาย
    บางมื้อจนโพดฮ้าย จกถงใด๋กะแปนเปล่า
    บางมื้อเป็นป่วงเว้า หลงเพ้ออยู่ผู้เดียว
    เทียวหาหมออยู่บ่อแล้ว กินยาหยังกะบ่อสร่าง
    โรคอีหยัง วินิจฉัยบ่อได้ เรื้อรังไข้ป่วยปี
    หรือว่าเป็นโรค "หนี้" มีผู้ใด๋ส่อยข่อยแหน่
    โรคความจนเรื้อรังแท้ๆ หายาแก้แม่นบ่อมี....อิ อิ อิ"......ซั่นดอกว้า

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    ผมกะเป็นคือกันละครับอ้ายทิดจ่อย ความจนเรื้อรังซั้มซ้อนพร้อม