กำลังแสดงผล 1 ถึง 7 จากทั้งหมด 7

บ้านในฝัน

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    483

    บ้านในฝัน



    บ้านมหาเป็นบ้านที่ดีที่สุดสำหรับผมครับ
    ลองไปอ่านมาหลายหม่องเปรียบเทียบกันแล้วสู่บ้านมหาบ่ได้ ไผอยากเขียนอิหยังกะได้มีหัวข้อให้ครบ
    ท่านสมาชิกสามารถแสดงความคิดเห็นได้และการแสดงความคิดเห็นกะยังเป็นการให้เกียรติและถนอมน้ำใจบ่โอกันเกิน
    บ่แม่นถูกบังคับให้อ่านให้เบิ่งอยู่ด้านเดียวคือสื่ออีกหลายๆ ชนิด สื่อที่มีสองช่องทางขึ้นไปยามเม้นกันกะเม้น
    แบบบ่มีการควบคุมกะมี เม้นแบบบ่เป็นตาฟังกะหลาย เม้นแบบหยามกันกะเยอะ บ้านมหาเป็นหน้ากระดาษหน้าเวบ
    ที่เหมาะกับการแสดงความคิดเห็นมากที่สุดอีกหม่องหนึ่ง คนสิอ่านหลายบ่หลายกะขึ้นอยู่กับเรื่องราวที่เฮาสื่อลงไป
    เนื้อหาสาระสิ่งที่เป็นเหตุเป็นผลกันครบบ่ หัวข้อดีว่าหยังขึ้นคนได้เฮโลไปนำสุดท้ายกะ อึ่ม ถอยหลังบ่ทัน กะมี
    อารมย์ของผู้อ่านในแต่ละช่วงเวลากะสำคัญเนาะครับว่าช่วงเวลานั้นผู้คนให้ความสนใจเอนเอียงไปทางได่
    เช่นเพลงที่เฮาฟังกะคือกันนักร้องที่ฮ้อทฮิตในช่วงเวลาหนึ่งอีกช่วงเวลาหนึ่งยอดวิวแทบบ่ขยับกะหลายคักยุ่เด้
    คนสิดังร้องแค่เพลงเดียวดึงไว้กะบ่ฟังคำแพงเอ้ย กะมีปรากฏให้เห็นกันเป็นประจำทั้งในวันเวลาที่ผ่านมาและปัจจุบัน
    ขอเชิญชวนสมาชิกบ้านมหาเข้ามาแสดงเรื่องราวที่น่าประทับใจที่ไปพบเห็นมา มาเขียนไว้ที่หน้าเพจที่มั่นคงแข็งแรง
    แห่งนี้เด้อครับ ยังมีแนวให้เว้าห้เขียนอีกหลายคักเพลงว่าแม่นเพิ่นแต่งจนหล่อนเพลงมาใหม่แฮ่งคักกว่าเพลงเก่า
    พี่น้องบ้านมหาอาจสิเป็นคือนักร้องคนนั้นกะได้ที่ยอดวิวพุ่งกระฉูด เว้าสิบเรื่องมันต้องมีเรื่องเป็นตาฟังจักเรื่องละครับ

    มาครับ มาคิดเขียนพิจารณาเอง อย่าไปอ่านต้ะของผู้อื่นหลาย อ่านของเพิ่นนำให้เพิ่นอ่านของเฮานำจั่งบ่เสียดุล
    สะออนคนหลายสุดท้ายกะจั่งสั้นละอย่างที่เห็นในข่าว เซื่อมันหลายมันกะพาเข่าป่าเข่าดง บ่แม่นไผ จีพีเอส
    บ้านมหายังถ่าพี่น้องที่ต้องการเสนอเรื่องราวต่างๆ ที่สิมาสร้างความเพลิดเพลินบนหน้าเวบ ทุกท่านอยู่เด้อครับ
    ผมกะเขียนเองเว้าเองบ่ได้มีอิหยังกับอ้ายเวบเพิ่นดอก ผมกะมักความเป็นอิสระเสรีบ่ต่างไปจากพี่น้อง

    มาเด้อครับเด้อ และขอบคุณเอื้อยอ้ายที่มาโพสท์เป็นหมู่กัน เว้ายุ่สองสามคนกะอยากอายยุ่เด้ ฮ่าลังเทื่อ




  2. #2
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,758
    ติดตามอ่านเรื่องราวของท่านมาโดยตลอดครับ...ถือว่าเป็นการถ่ายทอดความรู้..(รู้ลึกรู้จริง)

    ด้วยความนับถือครับผม

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,724
    ขอบคุณที่ยังบ่อลืมกันเด้อครับ ..ติดตามอ่านตลอดครับ

  4. #4
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,543
    หลายคนที่เข้ามาแล้วออกจากบ้านนี้บ่ได้กะมีครับ อย่าผมเป็นต้น5555 เข้ามาจอบพี่น้องสุมื่อ อยากไห้กลับมาสนุกคือเก่าแต่ด้วยเวลาหน้าที่ ตามยุคตามสมัยทำไห้เราห่างจากกันเรื่อยๆ คิดถึงทุกท่านครับ

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,875
    เล่นเนตเป็นกะย้อนบ้านมหาดอทคอมนี้ละ

  6. #6
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    483


    ขอบคุณครับอ้าย ผมบ่มีความรู้อิหยังดอกครับเว้าตามจินตนาการและที่ได้ยินได้ฟังได้เห็นมาครับ

    ขอบคุณครับอ้ายเอ๋ พากันรักษาบ้านมหาไว้ถ่าลูกถ่าหลานเด้อครับ

    อยากมีกล้องดีๆ ถ่ายภาพได้ไกลๆ จั้กโตครับอ้ายพง ย่อไปเบิ่งยามได่กะได้ถอยคืน
    นิกก้อนครบชุดแสนเดียวถ่านต้องซื้อตื่มยามได่สิมีนำบ้านเขาบุ้ สิหากล้องมาถ่ายเป็นหมู่อยู่ครับ บ่หนีไปใสดอก

    ครับอ้ายตรี ผมกะคือกันครับเป็นพอก่ำก่านิละ


  7. #7
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,115
    บล็อก
    8
    ทางพี่ก็ยังมาเล่นแวบๆวันหยุด ช่วงนี้ทำงานวันเสาร์บ่ค่อยมีเวลาท๋อใด๋ มีเวลาเข้าแต่เฟชบุ๊ค