กำลังแสดงผล 1 ถึง 6 จากทั้งหมด 6

หัวข้อ: ปลาช่อนเผาแม่ยา

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486

    ปลาช่อนเผาแม่ยา



    แม่ยาทางเขาพนมรุ้งเพิ่นสาส่างครับ เพิ่นมาซวนว่าโตวซีตรัยพองคะเนียเนียเน้อ อิหยังนี่ละ
    มาอยู่เขมรโดนบ่ได้นำเพิ่นจั้กโต ผู้หนึ่งลาวผู้หนึ่งเขมรเว้าต้ะไทยใส่กัน ยามกินกินข้าวเจ้ากับแจ่วบองมันค่อยเกิ่งกัน
    มีอะไรใครเป็นอะไร สาวขะแมร์เพิ่นว่า เพื่อนมาชวนไปกินปลาวันนี้เขาวิดบ่อ
    อึ่มไกลบ่ รถไปถึงมั้ย ท้ายหมู่บ้านนี่เอง เดินไปก็ถึง
    ถ่าจนบ่ายคล้อยครับเพราะตอนที่เพิ่นมาซวนเพิ่นว่าน้ำยังเหลือเยอะ ไปไวกะสิได้ลากแหนผักป่งขึ้นซ่อยเพิ่น
    ครับๆ เดี่ยวจะตามไป


    ปลาช่อนเผาแม่ยา


    ไปส่องเบิ่งเพิ่นสูบเป็นมื้อที่สองแล้วน้ำยังอีกหลายกว่าสิบก บ่สูบกะบ่ได้เพราะฝนมาสองสามมื้อย่านปลาไต่หนีบ่เหลือ
    แดดเดือนมีนาฮ้อนพอสมควรไฟยังบ่ทันก่อ บร้าบ่ได้กินง่ายดอกเว่ย บอกเจ้าของส่างว่าพอดีเฮ้ดเวียกค้างไว้หน่อยนึง
    ไปเบิ่งเวียกก่อนเดี่ยวสิมาใหม่ดอก หนีเข้าเมียเฮียนไปนอนเวนต่ออีกงีบหนึ่งครับ


    ปลาช่อนเผาแม่ยา


    บ่ายคล้อยอยากกินข้าวกลับมาส่องเบิ่งใหม่ น้ำยังบ่ทันบกดีแต่ปลาติดแหขึ้นมาหลายโตแล้ว
    ไฟเพิ่นก่อไว้ถ่าเรียบร้อยจี่ปากินสั้นละครับบาดเนี่ย


    ปลาช่อนเผาแม่ยา


    ปลาช่อนเผาแม่ยา


    สาวขะแมร์กับแม่ยาเจ้าของส่างปลาเพิ่นเป็นเสี่ยวร่วมหมู่บ้านร่วมห้องเรียนกันครับ เฮียนใกล้กัน
    นิสัยดีพอๆ กันเลยได้เป็นพี่น้องทางธุรกรรมต่างๆ ซึ่งกันกัน ได้พึ่งพาอาศัยมีหยังกะซ่อยกันยกเว้นยาม ธกส เอิ้น
    น้องซายกับหลานมาจากสารคามสิพากันมาเบิ่งรถแข่งอยู่สนามช้างเซอร์กิต มาสบจังหวะพอดี
    อิหล่ามากินปลาก่อนมื้ออื่นไปเบิ่งแข่งรถเขาว่าคนหลายบิ๊กไบค์หลั่งมาเป็นหมื่นคันสิลุกย่างไปซื้อกินบ่ได้
    กินให้มันอิ่มต้ะมื้อนี่ซ้ะมา


    ปลาช่อนเผาแม่ยา


    มาเด้อไผมักกินพุงปลาค่อหญ่ ปลาเบิดเหงี่ยกินขี่บ่มีไส้ดอกครับ ไส้บ่มีขี่แจ่วพริกแห้งเข่าท่า


    ปลาช่อนเผาแม่ยา


    ปลาช่อนเผาแม่ยา


    ปลาบ่แก่นส่างช่วงหลังสี่ห้าปีมานี่ฝนบ่เล่งปลาใหญ่บ่ทัน
    ปลาธรรมชาตินำส่างนำนากะส่ำนี่ละ โตใหญ่เผากินก่อนเหลือโตน้อยใส่คุ่เมียป่นแลงบ้าน


    ปลาช่อนเผาแม่ยา


    เอาขี่ตมดินเหนียวโอบดีบ่น่อ สูตรนั้นกะดีเนื้อปลาบ่ติดหนังแถมหอมกลิ่นขี่ตมเผาฮ่วยๆ ดีแต่ค้านล้างมือหลายเทื่อ
    เกลือซื้อไว้ถ่งบักใหญ่กะบ่ได้เอามา ถือแล้วบาดสิมาเพิ่นละว่าอย่าเอาเกลือไปเด้อ มันเป็นหยัง มันขะลำ เอ้อวางซั่น
    บ้ะมีครูสุเรื่องสุแนว ความผู้เฒ่าต้องเชื่อครับห้ามลื่น สุ่มื้อนี่มันยากอันนั้นอันนี่กะญ้อนลื่นความผู้เฒ่าเชื่อความเถ่าแก่
    เผาแบบได่กะแซ้บเพราะเฮากินรสชาดของบรรยากาศหลายกว่ากินรสชาดของปลา


    ปลาช่อนเผาแม่ยา


    ช่างรวยเจ้าของส่างปลาฝ่ายชายครับ เผาสูตรสารคามแต่พ่อใหญ่หนึ่งว่าบ่ปานได่มันไหม้ก่อนสุกเอาสูตรฝาเถียงนี่ดีกว่า
    อยากถ่ายรูปลาเผาเทิงขี่ถ่านไฟแดงจ่ายว้ายพอได้โพสท์อ้างคนกะสิสมส่ำแผ่นสังกะสีฝาเถียงนี่เนาะไอโฟนเครื่องเปอเคอ
    ตัดอนาคตคนรุ่นใหม่อิหลี นั้นกะความผู้เฒ่าดีของเพิ่นบ่ใช้ก้อนเส้าน้ำบ่ย้อยใส่ไฟปลาบ่ไหม้บ่ติดหนังแกะง่าย คักทุกสูตร

    หลังปีใหม่เป็นบรรยากาศการสาส่างกินข้าวป่าปลาเผาของชาวอีสานบ้านนอกบ้านเฮา
    สาส่างสุ่ปีกะเอามาอ้างกันสุ่ปีละครับเพราะมันเป็นไลฟ์สไตล์ที่คลาสสิคตอดกาล

    ครับปลาเผาแม่ยา ฮ่าๆๆ ถามไผว่าเอาเหล้าเบียร์บ่ มีต้ะคนว่าบ่ทันกินดอกถ่าสงกรานต์เทื่อเดียว
    เว้าเป็นตากะของรวยเป็นต้ะร้านค้าเจ้งแต่ความจริงมันผัดกลับกัน


    แก้ไขครั้งสุดท้ายโดย หนุ่มลาวสาวขะแมร์; 18-03-2017 at 13:12.

  2. #2
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    เป็นตาสะออนแท้ปลาบ่อนาธรรมชาติ ขอมาป่นแหน่จัก ตัว

  3. #3
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486



    ครับอ้ายพอได้มีกิจกรรมม่วนกันไปแต่ละปี สาใหญ่ๆ ได้ปลาข่อนก้นต่า แล้งติดต่อกันหลายปี


  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,724
    จั่งแม่นสุดยอดหลาย มักแฮงบรรยากาศแบบนี้

  5. #5
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    เป็นตะแซบแท้ ได้กลิ่นขี่ตมเลย

  6. #6
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486
    ขอบคุณครับบ่าวสารคาม ให้หลังบ่พออาทิตย์ ฝนทึ้นลงมาเกือบบ่ได้จี่ตั้วละ ฮ่าๆ


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •