กำลังแสดงผล 1 ถึง 5 จากทั้งหมด 5

หัวข้อ: ...................ขี้ฮ่ายมักสาวเนาะ....................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ...................ขี้ฮ่ายมักสาวเนาะ....................


    ย่อนเป็นคนขี้ล่าย ขอเป็นชายเว้านำม่วน ได้นั่งครวญกับเจ้า อย่าสุเว้าไส่คักหลาย
    เบิ่งพี่ชายกายซ่ำนี้ มันเต็มทีความบ่หล่อ อดสาห์ยิ้มให้แน่น้อ พอเป็นทานอุทิศไว้ ยังสิได้แผ่กุศล
    อดสาทนมาแนมหน่า อดสาเว้า อดสาจา เป็นนางฟ้าใจดีแน่ ทางใจอ้ายกะบ่แพ้ ผู้หล่อล่ำดอกซ่ำได๋
    เห็นเป็นคนขี้ไฮ้ ใจบ่ต่ำซ่ำคือตอ ถ้าฮักอ้ายแล้วน้อ อ้ายอยากยอจั่งนางฟ้า ย่านอย่างเดียวเด๊หล่า ย่านผลาบ่สมเผิ่น
    คนขี้ฮ่ายสาวเมิน มันขาดเขินผู้นั่งเว้า จักแม่นเศร้าบัดคิดไป สิคอยไต่บันไดสร้าง สู้เพื่อนางอยู่สุย่าง
    เรื่องทุกข์อยากอ้ายสิถาง คนเคียงข้างขอแม่นเจ้า เอาใจสู้ดอกสู่แนว น้องเอ่ย


    .......................... ขอขอบคุณแรงเชียร์แรงใจ ที่ส่งถึงผม และหลายท่านที่อยากอ่าน ผญา ผมเนาะครับ ถ้ามีเวลากะสิผยายามเขียน ให้พี่ให้น้องได้อ่านเนาะครับ
    .......................... บางมื้อ บางเทื่อกะเหมิดมุข คือกันอ่ะหล่ะ ถ้าว่าง ๆ กะสิเขียนให้อ่านเนาะครับ ขอบคุณสำหรับ คำแนะนำดี ๆ จากทุก ๆ ท่านเด้อครับ


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    Re: ...................ขี้ฮ่ายมักสาวเนาะ....................

    โอ้ยยย มักหลายผุบ่าวขี่ฮ่าย เอ้ย ผุบ่าวเสื้อแดงนิแม่ะ..คิกๆๆ(ล่อเล่นอย่าเคียดเด้อ..จะแม่นเพิ่นผุโก้น้อ..)ตามอ่านอยู่สู่มื่ออ่ะล่ะจ้า ..เป็นแฟนพันธุ์แท้เด้ออ้าย..จุ้บๆๆ..อิอิ..
    มองต่าง..อย่างปลง

  3. #3
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    Re: ...................ขี้ฮ่ายมักสาวเนาะ....................


    เฮ็ดนำแน่เอื้อยคนสวย ย่านแล่นนำยุจ๊ะ คริ ๆ ๆ

  4. #4
    เจ้าหน้าที่ประชาสัมพันธ์ สัญลักษณ์ของ บ่าววิทย์
    วันที่สมัคร
    Jun 2006
    กระทู้
    754

    Re: ...................ขี้ฮ่ายมักสาวเนาะ....................

    Re: ...................ขี้ฮ่ายมักสาวเนาะ.................... เข้ากับชีวิตผู้บ่าวแนวคือบ่าววิทย์คักแท้ล่ะบ่าวโจโล่ 5555 8)
    [*] สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์
    [*] เกี่ยวกับลิขสิทธิ์
    [*] ทำเนียบกองทุนเว็บไซต์ บ้านมหา

  5. #5
    maxlinee
    Guest

    Re: ...................ขี้ฮ่ายมักสาวเนาะ....................

    อย่าให้เสียแฮงอ้ายเดินทางหิวหอด
    คือดั่งม้าอยากน้ำเดือนห้าหอดหิว
    คันบ่กูณาอ้าย เห็นสิตายม้อยระแหม่ง
    เห็นสิตายหอดแห้งหิวน้ำหอดแฮง

    ขันตีตั้งสัจจังหมั้นเที่ยง
    บ่ได้คึดเบี่ยงเลี้ยวลวงล้อหลอกใผ
    ปานใดเดสิได้จูงแขนเข้าพาขวัญป้อนไข่หน่วย
    มือขวาป้อนไข่อ้าย มือซ้ายป้อนไข่นาง

    พี่หากใจประสงค์ปล้ำยูงยางไม้ใหญ่
    คันแม่นพร้าบ่บ่าน ขวานบ่เป้ ไม้บ่ล้ม อวนอ้ายบ่เซา


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •