พี่น้องเอย...
เผิ่นหว่าสายแนนน้าวผลายาวยู้ใส่ ได้มาพ้อพี่น้องวันนี้อุ่นทรวง อย่าสะฟ้าวตื่นฟ้าวท้วงแปลกต่างสงสัย
หว่าแหม่นไผนอมาส่งผญามาอ้อน เจริญพรเด้อท่านศรัทธาเฮาชาวอีสานบ่อลืมบ้านลืมส่อง
ยังตามฮอยตามคองประเพณีฮีตเค้าโบราณเฒ่าเผิ่นสอน ยังแพงกันเป็นกลุ่มก้อนบ่อได้อ่อนกำลังใจ
ไทยอีสานเฮานอบ่อแหม่นขอไผซ้น คนอีสานเฮามั่นศรัทธาเฮาบ่อตีบตันฮีตคองบ้านยังสานต่อ
คนโบราณเผิ่นได้ก่อเฮาซ่อยกันสืบไว้ อีสานเหนืออีสานใต้รับรองได้ย่อมเจริญ
ฮอ้งให้ลุกปลุกแล้วเอิ้นให้มาซ่อยกันสาน เปิดตำนานคำผญาภูมิปํญญาอีสานเค้า
ลูกหลานเฮาอย่าไลถิ่มฮ้องสตริงลืมของเก่า บ่าว.โพนทอง.ขอเชิญชวนพวกหมู่เจ้ามาจาเว้าตอบผญา
Bookmarks