กำลังแสดงผล 1 ถึง 10 จากทั้งหมด 10

หัวข้อ: มีเงินเต็มภา บ่ท่อผญาเต็มบุง

  1. #1
    แบ่งปันความรู้และประสบการณ์
    วันที่สมัคร
    May 2006
    กระทู้
    70

    มีเงินเต็มภา บ่ท่อผญาเต็มบุง

    พี่น้องเอย...
    เผิ่นหว่าสายแนนน้าวผลายาวยู้ใส่ ได้มาพ้อพี่น้องวันนี้อุ่นทรวง อย่าสะฟ้าวตื่นฟ้าวท้วงแปลกต่างสงสัย
    หว่าแหม่นไผนอมาส่งผญามาอ้อน เจริญพรเด้อท่านศรัทธาเฮาชาวอีสานบ่อลืมบ้านลืมส่อง
    ยังตามฮอยตามคองประเพณีฮีตเค้าโบราณเฒ่าเผิ่นสอน ยังแพงกันเป็นกลุ่มก้อนบ่อได้อ่อนกำลังใจ
    ไทยอีสานเฮานอบ่อแหม่นขอไผซ้น คนอีสานเฮามั่นศรัทธาเฮาบ่อตีบตันฮีตคองบ้านยังสานต่อ
    คนโบราณเผิ่นได้ก่อเฮาซ่อยกันสืบไว้ อีสานเหนืออีสานใต้รับรองได้ย่อมเจริญ
    ฮอ้งให้ลุกปลุกแล้วเอิ้นให้มาซ่อยกันสาน เปิดตำนานคำผญาภูมิปํญญาอีสานเค้า
    ลูกหลานเฮาอย่าไลถิ่มฮ้องสตริงลืมของเก่า บ่าว.โพนทอง.ขอเชิญชวนพวกหมู่เจ้ามาจาเว้าตอบผญา

  2. #2
    แบ่งปันความรู้และประสบการณ์
    วันที่สมัคร
    May 2006
    กระทู้
    70

    Re: มีเงินเต็มภา บ่ท่อผญาเต็มบุง

    หว่าโอนอ?
    เขียนจากห้องน้อย ๆ ซอยสาวปล่อยป๋าหนี
    นอนโสกีน้ำตาริน ย้อนยุพิณเธอใจร้าย
    ถนนชายหัวใจซื่อ ฮักยึดถือบ่อแปรเปลี่ยน
    ทุกวันเดือนใจยึดมั่น บ่อกลัวย้านแหม่นทุกข์จน
    อยู่ตำบลแสนเศร้า
    เกิดเป็นบ่าวผู้สาวตั๋ว
    อยากเป็นผัวของผู้ได๋ บ่อสมใจได้หมายแม้น
    อำเภอแฟนชอบลวงเล่น
    สาวหลอกเป็นนั่นตาหน่าย
    ตั๋วต้มชายทุกค่ำเช้า จนนอนเศร้าเก่าหมอง
    ขึ้นจังหวัดได้แต่ฮ้อง ก้องสนั่นฝันหา
    สาวชาวนาคนดี ผู้ที่มีกระใจตั้ง
    ผู้ที่ยังบ่อทันได้ ห้องหัวใจเจ้ายังว่าง
    สองนวลปางปอดอ้อยซ้อย ขาดชายต้อยยังเปล่าแปน
    อ้ายสิฮักแข๋น ๆ ฮักแก่น ๆ แทนชีวา
    สุดบูชาถนอมฮัก พักดีทวีตุ้ม
    ไปทางได๋กะสิอุ้ม คุมเชิงไปเถิงที่
    ดวงชีวีบ่อให้เศร้า ถนอมเจ้าชั่วนิรันดร์
    พุ้นแหล่วพระนางเอย (อย่าสิอยู่เป็นโสดไปจนตายให้ผู้ชายเสียดายเล่นถอน **เสียดายอีหลี)

  3. #3
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148

    Re: มีเงินเต็มภา บ่ท่อผญาเต็มบุง

    บึ่ย...ท่านนักสืบ คือคักแท้น้อเผิ่น 8)
    ขอบพระคุณสมาชิกและทีมงานที่เคารพรักทุกท่าน

  4. #4
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161

    Re: มีเงินเต็มภา บ่ท่อผญาเต็มบุง

    ท่อนสุดท้ายนี้ คุ้นๆ จัง ... เหอ เหอ
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  5. #5
    แบ่งปันความรู้และประสบการณ์
    วันที่สมัคร
    May 2006
    กระทู้
    70

    Re: มีเงินเต็มภา บ่ท่อผญาเต็มบุง

    เพิ่นว่าเมืองอีสานนี่ดินดำน้ำซุ่ม
    ปลากุ่มบ้อนคือแข้แกว่งหาง
    ปลานางบ้อนคือขางฟ้าลั่น
    จั๊กจั่นฮ้องคือฆ้องลั่นยาม
    คนมีศีล ดินมีน้ำ บ่ห่อนขาดเขินบก
    ฝูงหมู่สกุณานก บินซวนซมปลายไม้
    ไทเมืองไกล เมืองใกล้ ไปมาได้จอดแว
    ประเพณีเก่าแก่ ให้พากันสืบไว้อย่าไลถิ่มให้ปล่าวแปน (ว่าบ่)


  6. #6
    บ่าวอุบลมิวสิค
    Guest

    Re: มีเงินเต็มภา บ่ท่อผญาเต็มบุง

    โอ้ นับถืออีหลีครับ แต่ผญาเก่งแนวนี้ กลอนลำสิส่ำใด๋น้อครับ อาจารย์

  7. #7
    แบ่งปันความรู้และประสบการณ์
    วันที่สมัคร
    May 2006
    กระทู้
    70

    Re: มีเงินเต็มภา บ่ท่อผญาเต็มบุง

    "เห็นว่ามีสุขแล้วบ่เหลียวแลพวกเพื่อน
    คันหาสุขบ่ถ้วนสิเหลียวหน้าเบิ่งไผ
    ในโลกนี้บ่ห่อนอยู่เดียวเป็น
    มีแต่คนเดียวดายบ่เป็นเมืองบ้าน
    คันว่ามีผืนผ้าบ่หาแพรพาดบ่า
    สินุ่งแต่ผ้าไปได้จั่งได๋"

  8. #8
    แบ่งปันความรู้และประสบการณ์
    วันที่สมัคร
    May 2006
    กระทู้
    70

    Re: มีเงินเต็มภา บ่ท่อผญาเต็มบุง

    พี่น้องชาวบ้านมหาเอ้ย
    กลับมาอีกเถื่อนี้มีเรื่องเก่ามาขอถาม
    เข้ามายามไทเฮาให้อ่วยตาเข้ามาจ้อง
    บ่าวโพนคนเค้าจับสำเนากลอนมาเอ่ย
    เผยสำนวนออกเว้าถามข่าวเจ้าเลือดข้าวเหนียว
    เผิ่นหว่าถามข่าวบ้านถามข่าวเถิงเสา
    ถามข่าวข้าวถามข่าวเถิงนา
    ถามข่าวปลาถามหาเถิงข้อง
    คันถามข่าวพี่น้องสุขสำบายดีบ่อ
    หรือแหม่นมีความทุกข์สิ่งได๋บ่อน้อป้า
    เฮ็ดไห่หมานปลาเฮ็ดนาเจ้าหมานฝ้าย
    หรือแหม่นสุขสำบายหายฮ้อนนอนอั่ง บ่อเด้
    หรือมีทุกข์อีหยังเงินคำหลั่งอั่งเต้าโฮมเจ้าคู่สู่คนบ่อนอ

  9. #9
    บ่าวสายฟ้า
    Guest

    Re: มีเงินเต็มภา บ่ท่อผญาเต็มบุง

    โอ้ คักขนาด สายฟ้าอายเลยท่าน cyberman เอ้ย จ่ายผญาได่ดีขนาด

  10. #10
    ร่วมถ่ายทอดความรู้สู่สังคม สัญลักษณ์ของ ปลัดโตคนเดิม
    วันที่สมัคร
    Feb 2006
    กระทู้
    475

    Re: มีเงินเต็มภา บ่ท่อผญาเต็มบุง

    อยากเป็นนักกลอนนักผญานำผู้อื่นแท้นอ หัวสมองบ่พาไปแน่แล้ว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •