ดอกส้มลม (ของส้มชาวนา)

[ตรี ศรีเมืองใหม่]

ดอกส้มลม เป็นไม้เลื้อยอยู่ตามหัวไร่ปลายนา รสชาติสิเปรี้ยว เอาดอกมาคั้นใส่กับเกลือก็กินได้เลยตอนเป็นเด็กน้อยก็ได้ดอกส้มลมนี้ละครับถ้าอยากกินของส้ม

[รวงข้าว]

ทางเมืองเลยมีแต่หมากส้มลม กินแล้วส้มคือกันจ้า บ่ฮู้อันเดียวกันบ่

[ฅนภูไท]

แม่น ครับอ้ายเซียงสมัยเป็นเด็กกินใบส้มลมนี่หละ เป็นส้ม แล่วกะใบตัน สิออกฝาดๆๆจักน่อย บ่รู้ว่าสิเอิ้นคือกันบ่

[ติ๋ม เปอร์โย]

บ่เห็นโดนแล้ว คั่นบ่เว้าถึงลืมอิหลีจ้า เห็นแต่เป็นเด็กน้อยพุ้น ทุกมื้อนี่เมื้อบ้านคือบ่เห็นหละอ้าย หึแมนเป็นนำป่าบ่เหลือตี้เนาะ

[หล่อร้อยเมตร]

.บส้มลมตำใส่กะปูน้อย จ้ำกะข้าวเหนียวแซบแท้เด้อสิบอกให้ บุ๋ยน้ำลายไหล

[ตรี ศรีเมืองใหม่]

ทางเมืองเลยมีแต่หมากส้มลม กินแล้วส้มคือกันจ้า บ่ฮู้อันเดียวกันบ่

แม่นครับน้องหมากก็กินได้...ดอกก็กินได้ กินกับเกลือส้มคือกัน...

[yuttakan]

ผมมีอีกสูตรหนึ่งเด้อเว้าเรื่องใบส้อลมนี่หนะ

สว่นผสมเด้อครับ

1 ตะไข้ หรือหัวขิงไคบ้านเฮา เอาหั่นต่อนๆ อย่าให้หนาไป หรือบางให้เอาพอดี
2 หัวกะเทียมแกะออกเป็นเม็ด ๆ
3 หั่นพริก หยังกะได้ หรือสิเอาเทิงหน่วยเลยกะได้
4 เกลือ
ทั้งเหมิดนี้อยู่ที่ปริมาณของใบส้มลม มีหลายกะใส่หลาย มีน้อยกะใส่น้อยตามปริมาณ
ขั้นตอนการเฮ็ด
ต้มน้ำให้เดือด แล้วเอาเอาตะไข้หั่น หัวกะเทียม พริก เทลงในหม้อ ใส่เกลือพอประมาณซิมเบิ่งอย่าให้เค็มหลาย จักหน่อยหนึ่งกะเอาใบส้มลมเทลง ปิดฝาหม้อไว้ กะว่าพอในส้มลมเปรี่ยนเป็นสีเหลืองแล้วปลงหม้อเลย
จากนั้นกะตักใบส้มลมออกใส่ภาชนะอื่นไว้ก่อน แล้วตักตะไข้กระเทียมพริก ออก เลืกเอาพริกกระเทียมมาตำผสมน้ำตาลทรายพอประมาณ เอาเป็นน้ำจิ้มใบส้มลม ส่วนน้ำต้มนี่ให้ผสมน้ำตาลทรายมันสิออกหวานๆส้มๆ เค็มนิดหนึ่งเทใส่แก้วกินได้เลย ส่วนใบส้มลมกะจิ่มกับน้ำจิ่มที่เฮ็ดไว้ นี้เป็นสูตรสมุนไพรนะครับ เป็นยาระบายอ่อนๆ ช่วยขับลมในกระเพาะเลยหละครับ

[ตรี ศรีเมืองใหม่]

คนใจดีข้อมูลแน่นมาก//เอาไป 1 แต้ม

[ไก่น้อย]

โอ่..คิดออกแล้ว เป็นเด็กน้อย ยามย่างไปนา กะหาเกบมาคั้นเกลือกิน ใบส่มลมนิละ ..ทางอุบลกะมีคือกันยุเนาะ.... ว่าแม่นมีตะบ้านเจ้าของ อิอิ

[บ่าวพรรณานิคม]

ใบส้มลมเป็นยาปรมัตพระเพินฉันยามวิกาลได้บ่ผิด.../// เอามาตำใส่ปลาแดกกะแซบเด้อครับ