หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ผญา..น้ำตาผู้แพ้...

  1. #1
    poo01
    Guest

    ผญา..น้ำตาผู้แพ้...

    น้ำตาไหลคนใจเศร้านั่งฮ้องไห้ เฟื่อกกเสาบ่จักเว้าจักจ่ม
    นับเมื้อขมเคียดแค้น สิเนืองแน่นเหนื่อยกาย
    คอบว่าคนฮักอ้ายผู้หมายฮ่วมเฮียงหมอน สิจากจรไปไกลต่างใจบ่คือเค้า
    คำสัญญาเคยจาเว้า สองคนเฮาตอนค่ำค่ำ
    อยู่ศาลาข้างทางดำจนว่าเดิ๊กดื่น ข๋อนนางอ้อนว่าฮักจริง
    บ่ลวงหลอกลอกกลอกกลิ้งนั่งอีงไหล่คุยกัน ความสัมพัธ์วันวานหวานว่าแม่นปานน้ำอ้อย
    บ่มีลางสังหรณ์จ้อยว่าคนดีนี่มีใจต่าง เทียวมายามยามพี่ว่างเคี่ยงข้างอุ่นฤดี
    พี่ฮักน้องน้องฮักพี่เว้าต่อขอสัญญา ตาสบตาประสานกันส่งสัมพันธ์ซึ้ง
    ความคิดถึงยามไกลเว้น ตกยามเย็นได้เว้าต่อ
    อยู่ศาลานั่งหม่อ หม่ออ้ายขอหอม น้องบ่ห้ามยังจำได้บ่หลง
    ....................................................มีต่อรอคราวหลังเด้อ................................................................

  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    Re: ผญา..น้ำตาผู้แพ้...

    ข้อยกะคือกับเจ้าขอระบายนำแน่ แนวเฮาคนผู้แพ้สังมาแย่อยู่บ่อเป็น
    จักแม่นเวรอี่หยังข้อย คอยแต่ทางสิเสียท่า ย้อนเขามาหลอกต้ม มันขมแค้นอั่งใจ
    อันความหวังว่าสิได้ ผัดมีไหม่ใจเป็นสอง ได้แต่เหลียวแนมทาง แห่งห่างไปไกลเยิ้น
    เกินว่าเสียใจแท้ ความผันแปลเป็นลายต่าง ซ่างเฮ็ดลงแท้หละหล้าสิเป็นบ้าอยู่ผู้เดียว นางเอย


    จงเอาชนะในความยาก มิฉะนั้นความยากจะชนะท่าน

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: ผญา..น้ำตาผู้แพ้...

    @ เว้าเรื่องแพ้กะมีแหน่อยู่คือกัน แสนจาบัลย์โสกา ที่ผ่านมามื้อวานนี้
    ทิดคำศรีไปหาเหล่น ยามกลางเว็นหาเหล่นโบก แต่ว่าโชคบ่อเข่าข้าง เขาเลยม้างผ่ากระเป๋า
    ว่าสิเซาผั่นคือสิได้ เลยลงไปตั้งแสนกว่า ข้อยไปหลงเมามัว เลยกลายเป็นผู้แพ้ จนเมียแหย่ใส่ฝา....
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    Re: ผญา..น้ำตาผู้แพ้...

    มาซ่างเป็นแท้หละอ้าย เป็นตาหน่ายบาดฟังดู เป็นตาเลาสูญครู อยู่ดอกเด้อเมียเจ้า
    หลงมัวแต่แนวเล่น ในหมากขามผ่าเคิ่ง เบิ่งเทิงหงายแล้วผัดข่วม พวมสิได้กะบ่เซา
    เอาจนเหมิดบาดเพิ่นเว้า หลงทุ้มใสไปเป็นแสน เอาจนแปนเหมิดกระเป๋า เจ้าค่อยเซาว่ายอมแพ้
    ใครหละแมเมียเจ้า เลาบ่เอาบ่เอาฆ้อนปอนใหญ่ โยนใส่หัวให้มอดม้วย ตายถิ่มบ่อ่าวหา อ้ายฑิตศรีเอ้ย

    ตายแล้วกะบ่มนต์ฮอดพระมาสวดพุ้นหละ อิอิ เป็นตาเคียดตางฮ้าย
    จงเอาชนะในความยาก มิฉะนั้นความยากจะชนะท่าน

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: ผญา..น้ำตาผู้แพ้...

    ป๊าดดดดด เจ่ามาว่าคือเมียข้อยว่าให่แท้ อิ อิ อิ อิ หมวกกันน้อคกะมี หลบเอากะได้ ประสาค้อนซื่อ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: ผญา..น้ำตาผู้แพ้...

    สติให้คงมั่น สัมพันธ์ ครั้งก่อน
    ให้ออนซอนท่อแผ่นฟ้า
    เพิ่นบ่หันหน้าต้าวคืน
    ให้เจ้าเก็บความสะอื้น ฝืนข่ม ก้อนขมๆ
    ยามเพิ่นลอยตามลมปลิวไปคือใบไม้
    สิ่งที่เพียงทำได้ ให้ทำใจคือว่า
    ให้โทษดวงชะตา พรมลิขิตว่านั่น
    กุศลสร้างบ่ฮ่วมกัน
    ....คำโบราณว่านั้น คาดแม่นคู่กะสมหวัง
    แม่นอยู่ยังเขาเขียวกะต้าวคืนมาใกล้
    จงทำใจให้สะอาด กุศลสร้างให้จำจือ
    บาดคู่มาฮอดมื้อให้ยิ้มสู้รับเอา เด้อละ ชายยย....เอ่อ เห่ยย

    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    Re: ผญา..น้ำตาผู้แพ้...

    ความผันแปลลาร้าง ย้อนเหินห่างใกลกัน ความสัมพันธ์ทางใจ กะเล่าลืมเสียสิ้น
    เป็นนำซินชะตาอ้าย จั้งได้กลายแปลเปลี่ยน อดสาเพียรฮ่อหุ้ม หวังสิได้ฮ่วมสอง
    ความฮักอ้ายมีต่อน้อง หวังสิท้องทางเดียว หวังสิเทียวทางเดิน ฮ่วมกันบ่มีฮ้าง
    เป็นนำทางมันเยิ้น ไกลกันคนละบ่อน เจ้ากะเลยตัดลอนบ่ออนฮอน ฮักอ้ายจังหายหน้าแม่นบ่เห็น นางเอ้ย
    จงเอาชนะในความยาก มิฉะนั้นความยากจะชนะท่าน

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    Re: ผญา..น้ำตาผู้แพ้...

    เบ๋ยย จะแม่นมีแต่ผุคักๆ แจกผุละแต้มเล้ยยังว้า ยังวะ..อิอิ..
    มองต่าง..อย่างปลง

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    Re: ผญา..น้ำตาผู้แพ้...

    Re: ผญา..น้ำตาผู้แพ้... กระทู้ต้นฉบับโดยคุณ ส่มป่อย
    เบ๋ยย จะแม่นมีแต่ผุคักๆ แจกผุละแต้มเล้ยยังว้า ยังวะ..อิอิ..
    เอ้า บาดนี้ สาวส้มป่อยเพิ่นมีกำลังใจแถมตื้มคนละดอก คะแนนสั้นดอกหวา อิอิ

    กะสิได้แถมพรให้สะลาหละ เอาเด้อสาวส้มป้อยเอ้ยยยย...เจ้ามีใจต่อตั้งแถมตื่มเป็นคะแนน ขอให้แสนสุขีอยู่สบายหายฮ้อน ปราถนาแนวใด๋กะให้ได้สมดังปราถนาเด้อส้มป่อยเอ้ย ให้ได้แฟนผู้โก้ให้ได้ซู้ผู้งามคือผู้ให้พรนี้เด้อ ห้วยๆ มาซ่างว่าแท้น้อบาดนี้หลงปาก อิอิ เอาจบแล้วเด้อ

    จงเอาชนะในความยาก มิฉะนั้นความยากจะชนะท่าน

  10. #10
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    Re: ผญา..น้ำตาผู้แพ้...



    ...เห็นน้ำตาอ้ายไหลย้าว นางแฮ่งเศร้าสิตนพี่
    อยากปลอบใจอ้ายคนดี อยากพัดวีใกล้..ใกล้ เฝ้าหน่วยใจให้เซาหมอง
    น้องบ่มีหยังสิเว่า เพียงขอเอาใจประสาน
    ขอสมานรอยแผล ขอดูแลใจของอ้าย
    เจ็บมาหลายเหลือล้น จนน้ำตาไหลหล่น
    ย้อนว่าคนฮักเก่านั้น ปันใจให้ผู้อื่นเขา
    อย่าสุเจ็บเด้ออ้ายเจ้า อย่าสุเศร้าคือเก่าหลัง
    อ้ายยังมีความหวัง ยังมีคนคอยเคียงใกล้...



    เห็นอ้ายจ่มนั่งจมกับความเศร้า ใจยิ่งร้าวยิ่งเหงาคิดสงสาร
    อ้ายยังเจ็บกับความช้ำในวันวาน อยากประสานสมานใจให้อ้ายลืม
    มองสัมพันธ์ที่เคยหวานของญาอ้าย สุดเสียดายหาใช่เราที่เขาปลึ้ม
    ไม่เป็นไรขอเพียงอ้ายหายเศร้าซึม จะขอลืมว่าเป็นเพียงตัวสำรอง


    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •