หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

ต้มโคล้งปลาแซลมอน Salmon

  1. #1

    ต้มโคล้งปลาแซลมอน Salmon


    แลงนี่บ่กินข้าว แต่กินอย่างอื่นแทน 1ในนั่นคือ ต้มโคล้ง โดยปกติติ๋มเป็นคนมักกับข้าวรสจัด เผ็ด เปรี้ยว เค็ม
    ห้ามหวาน ไปค้นตู้แช่แข็งได้ปลาแซลมอนมา 4 ชิ้น
    กะเลยต้มโคล้งซะ กินผู้เดียวชิ้นเดียวกะอิ่มแล้ว แต่นี่เป็นคนเฮ็ดหยังหน่อยๆบ่เป็น ต้มเบิดทั้ง 4 ชิ้นหั่นหละจ้า
    เครื่องปรุงที่เตรียมไว้มี ปลาแซลมอน เห็ดแซมปิญอง ต้นหอมหั่น ผักชีฝรั่งหั่น ผักชีหั่นให้เป็นท่อน ใบมะกรูดฉีก
    มะเขือเทศผ่าชีก พริกขี้หนูแห้งทอด พริกขี้หนูทุบพอแตก น้ำหมากนาว
    คั่วหอมแดงทุบ กระเทียมทุบ ข่าหั่นแว่น ตะไคร้หั่นแฉลบนำไปคั่วให้หอม

    ต้มโคล้งปลาแซลมอน Salmon

    เอาน้ำใส่หม้อ้มให้เดือด ใส่เครื่องที่คั่วลงไป พอเดือดอีกเทือใส่ปลา ปรุงรสด้วยเกลือ ซีอิ๊วขาว
    น้ำหมากขามเปียก ห้ามคนพอเดือดใส่เห็ด ใส่มะเขือเทศ
    ชิมรส บ่ต้องเค็ม บ่ต้องเปรี้ยวหลายดอกจ้า เดี๋ยวไปปรุงต่อในถ้วย พอเห็ดสุกใส่ต้นหอม+ผักชีฝรั่ง ปิดไฟ
    เอาพริกขี้หนูทุบใส่ถ้วย ใส่น้ำหมากนาวนิดหน่อย น้ำปลานิดหน่อย
    ตักต้มใส่ลงในถ้วย โรยด้วยพริกขี้หนูทอด ใบผักชี เชิญแซบจ้า หาเอาเด้อจ้าเครื่องดื่ม คั้นอยากให้เลี้ยงกะมายาม อิอิอิ

    ต้มโคล้งปลาแซลมอน Salmon

    ต้มโคล้งปลาแซลมอน Salmon
    ขอใกล้ๆอีกจักภาพ อ้ายเซียงจ๋า ถ้ากระทู้ติ๋มหลายไป อนุญาตให้ลบกระทู้เก่าๆได้เด้อจ้า บ่ว่ากัน
    แก้ไขครั้งสุดท้ายโดย ติ๋ม เปอร์โย; 28-03-2010 at 01:14.


  2. #2
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855

    Re: ต้มโคล่งปลาแซลมอน (Salmon)

    ดีมากน้องเอาอาหารหลากหลายมานําเสนอ...ยิ่งเป็นการดี////แต่ว่าอ้ายคือสิบ่อมีวาสนาได้กินหรอกครับอั้นปลาม่อนๆนี้ อิอิๆๆ

  3. #3

    Re: ต้มโคล่งปลาแซลมอน (Salmon)

    จาแมนน้อ คือมักเอาแนวกินมาล่อกันยามเดิกแท่หล่ะน้องติ๋ม..เป็นตาซังเนาะ // คือเป็นตาแซบแท่หล่ะ มามะ จงมา ๆ มาลงพุงตูซะโดยดี อิอิ ล่ายบ้าพุเดียวกะเป็นน้อ....ย่อนควมหิวจังล่ายบ้า น้องติ๋มจ๋าส่งมาแน พอให่อ้ายได้ซิมแก้ ท้องงอแงให่มันส่วงตั้วหล่ะนาง..

  4. #4

    re: ต้มโคล้งปลาแซลมอน Salmon

    ขอบคุณจ้าอ้ายเซียงที่ย้อง เอิ๊กกๆ//อ้ายเซียงปีหน่าเมื้อยามสิไปแกงสู่กินเบิ่งดอกจักหม้อ แซบอยู่อ้าย กะหาปลาค่อบ่ได้จ้า กะเลยดัดแปลง ใช้ได้จ้า อิอิ
    ติ๋มขอโทษอ้ายพรรณาฯที่เฮ็ดให้หิว 5555+++คือหยอกกันคักแท้บุหละ  อิอิ

  5. #5

    Re: ต้มโคล่งปลาแซลมอน (Salmon)

    นี่หล่ะโตหยุ่งขี่ดื้อคักกะยังวาเป็นเด็กน้อยมาหาแซววัยรุ่นได้จังใด๋...ย่านได้เอาไปอบรมเข้มก่อนยุดอก/// หิวอิหลีแหล่วน้องติ๋ม สีสันบาดตาบาดใจเข่าหม้อนึงกะสิเบิดพุ่นแหล่วอ้ายวา

  6. #6
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1

    Re: ต้มโคล้งปลาแซลมอน (Salmon)

    ป้าด....ตาแซ่บแท้ เบิ่งซงคือสิรสจัดจ้านเนาะสาวติ๋ม ขอบคุณเด้อที่เอารูปมายั่วกันยามเดิก มื้ออื่นสิไปซื้อมาต้มคือกันละข่อย ฮิๆๆๆ :) :)

  7. #7
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ต้มโคล้งปลาแซลมอน (Salmon)

    หิวตะเส่าเลย น้องติ๋มเอามายั่วพยาธิตะเส่า ใช้ปลาค่อ (ช่อน) บ้านเฮาแทนกะสิได่ยุเดะเนาะ ปลาม่อนๆนิทางโคราชโลละเกือบ 500 กลืนบ่ลง อิ อิ ..
    1แต้มนะคะสำหรับแนวดี ๆ

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ต้มโคล้งปลาแซลมอน (Salmon)

    เอ...คันบ่อมีปลาแซลมอน เอาปลาซาร์ดีน เฮ็ดได้บ่อน่อคะรับ คุณแม่ครัว..

  9. #9
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963

    Re: ต้มโคล้งปลาแซลมอน (Salmon)

    อยากกินแต่ซุปเห็ดแซมปิญองหั่นหล่ะข่อย...ซุปเห็ดฝรั่งเบิ่งเด้เน๊าะ...ใส่น้ำปลาแดกหลายๆ....เอิ๊กส์ๆๆๆ

  10. #10

    Re: ต้มโคล้งปลาแซลมอน (Salmon)

    แซบคักอิหลีจ้าสาว lucy ลองเฮ็ดเบิ่งเด้อ รสจัดจ้านคักอยู่แหล่วน้ำแกงติ๋ม ห้ามสะมักน้ำแกงเด้อ บอกไว้ก่อน อิอิ

    เอื้อยไก่ขอบคุณหลายๆจ้าสำหรับกำลังใจให้คืนทุกคนคือกันจ้า กะย่อนหาปลาค่อบ่ได้หละพี่กะเลยได้เฮ็ดไปทั่ว แซลมอนหาง่ายกว่าปลาค่อเนาะทางนี่

    อ้ายทิดคำศรีติ๋มว่าเข้าท่าเด๋อ้าย ต้มโคล้งปลากระป๋อง คือสิแซบไปอีกแบบ ลองเบิ่งเด้ออ้าย

    เห็ดนี่กะปิ้งซุปได้คือกันหละอ้าย แต่กะบ่แซบบ่หอมคือเห็ดไค เห็ดเฟืองบ้านเฮาดอกจ้า อยู่เมืองไทยกินเห็ดไทยๆหั่นหละดีแล้ว


Tags for this Thread