กำลังแสดงผล 1 ถึง 2 จากทั้งหมด 2

หัวข้อ: คิดฮอดซู้เก่า

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    คิดฮอดซู้เก่า

    ฝันเห็นหน้าอำคางามค่อง คิดฮอดน้องนางหล้าอยู่ใกล
    คิดอยากได้เนื้ออุ่นเคียงสอง คองมาโดนเมื่อยมโนในเนื้อ
    เหลือใจเด้อกสิเพแตกแล้ง ฝ้ากลั่นแกล้งแลงเซ้าเปล่าดาย
    หลายปีดั้นคอยวันเหินห่าง ทางแห่งเยิ้นใกลกว้างกวาหลัง
    ฝังใจมั่นสันใด๋บ่น้ออุ่น บุญพี่น้อยมโนเอ้าอั่งใน
    ไฟเผาเนื้อปานเกลือทาตื้ม ลืมบ่ได้คนิงน้องผู้เดียว
    เหลียวไปก้ำอุดรคำฟ้าย่อนย่อน เมฆตั้งก้อนสะออนโอ้อ่าวหา
    นงนางหล้าอำคาคิดฮอดพี่ คือเก่ากี้บ่น้อหล้าว่าจั้งใด๋
    หวังสิได้เป็นคู่เคียงสอง ตาเหลียวมองส่องทางหาเจ้า
    เอาตนเข้าเดินทางฮีบด่วน ดงแด้นด้าวขวางกั้นกะซ่างตาม
    ตามหาน้องหวังครองเคียงคู่ อยู่บ่ได้มโนฮ้อนซ้ำว่าไฟ นางเอ้ย
    จงเอาชนะในความยาก มิฉะนั้นความยากจะชนะท่าน

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: คิดฮอดซู้เก่า

    @ คึดฮอดเจ้า ซู้เก่าคราวหลัง สายแนนบังบ่อมาย มีม้ม
    ขมปานหน่อง หมองมะโนนำแนบ นอนบ่อแจบแอบได้ โศกีย์ไห่ฮ่ำฮอน
    คึดอ้อนต้อน เป็นห่วงหวนจิต แสนสิทรมานคิด ค่ำแลงลงคล้อย
    สำออยโอ้ โอนอนางนาถ ตัดบ่อขาดเกี่ยวต้อง คาข่องหว่างใจ
    คึดอยากได้ มวลมอบมาสนิท คือจั่งแนวผองพิษ แล่นตำตายต้อง
    คึดแล้วหมองเหมิดแม้ง คือไฟแดงมาจูดจี่ หนีกะหนีบ่อม้ม หากจมพื้นแผ่นเหว นั้นแหลว ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •