กำลังแสดงผล 1 ถึง 8 จากทั้งหมด 8

..................ว่าไม่เป็นไร...คนดี.................

  1. #1
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    ..................ว่าไม่เป็นไร...คนดี.................




    .........อย่าคิดหยังหลาย.......

    บ่เป็นหยังดอกอ้าย
    บ่ต้องเว่าหยังหลาย
    น้องเสียใจกะตามซ่าง
    ถึงฮักจบบ่เป็นทาง
    เพียงฟังคำอ้ายขอโทษ
    สิโกรธอ้ายได้จั่งได๋

    ผิดย้อนน้องที่วางใจ
    ผิดย้อนไผน้องบ่ว่า
    ย้อนตัวนางนี่ล่ะนา
    บ่เบิ่งว่าไผฮักแท้
    กะเลยแพ้และผิดหวัง

    สังบ่หลูโตนบ้าง
    ทางใจเคยให้พี่
    เพียงบอกกันดี..ดี
    ว่าอ้ายมีคนเคียงคู่
    น้องบ่สู้ทนแย่งไผ

    ให้อภัยอยู่เด้ออ้าย
    บ่อยากคิดหยังหลาย
    ให้หนักใจและหมองหม่น
    ให้เรื่องราวได้ผ่านพ้น
    ให้สัมพันธ์ได้ราบรื่น
    เป็นอ้าย-น้อง...ได้ฮ่วมบุญ

    ............พี่ชายเอ้ย..........



  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ..................ว่าไม่เป็นไร...คนดี.................

    หากว่าบุญเคยร่วมสร้าง
    คงสิเป็นหนทางให้ได้พบกันใหม่
    แต่ว่าทางหัวใจกะยังฮักเจ้าอยู่
    ถึงมีคู่อยู่เคียงกาย
    ยังเสียดายเจ้าอยู่
    อยากเป็นคู่เคียงสอง
    อย่าเสียใจเลยนะน้อง
    อย่าเศร้าหมองเลยคนดี
    หากว่าบุญเรามีคงสิได้เจอกันใหม่
    ขออธิษฐานในใจให้พบเจ้าอีก
    หากชาติหน้ามีจริงขอให้เฮาได้อยู่ร่วมกัน


  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ..................ว่าไม่เป็นไร...คนดี.................


    .....บรึ๋ยยยยย อ.เปิ้ม อักมีคู่แล้วตั้วนี่แหม อกหักแล้วเรา อิอิอิ แต่งได้ม่วนค่ะ 8) 8)

    .....................แม่นบ่ได้เคียงกาย ได้เคียงใจพอได้อยู่
    แม่นบ่ได้เคียงคู่ ให้เป็นชู้กะบ่เอา
    ขอเป็นคนหน้าเศร้า เหลียวแนมอ้ายอยู่ปลายตา
    เป็นอีกคนหนึ่งหนา ที่คอยส่งแรงใจให้อ้ายสู่อยุ่บ่เซา...................


  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ..................ว่าไม่เป็นไร...คนดี.................

    โอ่น้ออ้ายเอ้ย
    ...คั่นบุญมีผลาสร้าง กะขอให้เป้นหนทาง ให้อ้ายกับเขาได้เทียวไต่
    อย่าให้หมองหม่นไห้ คือนางหล่า บุญบ่หลาย
    ..บุญบ่สมโตอ้าย วาสนาน้องบ่ส่ง มักปานได่กะบ่ม่ม นั่งไห้ได้แต่คอย เด้อละชายย Re: ..................ว่าไม่เป็นไร...คนดี.................

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ..................ว่าไม่เป็นไร...คนดี.................

    หล้านางเอ้ย
    คันแม่นมีชาติหน้า ชาติสิมาอ้ายขอฮ่วม ขอได้มาอยู่ร่วม เคียงข้างบ่ห่างไกล
    สิขอสร้างบุญไว้ เอาใจด่อนางคนเดียว ให้ได้เป็นทางเทียว พ้อกันกับนางน้อง
    ให้เจ้าคองคอยอ้าย แม่นสิเกิดชาติใด๋ บ่ขอไกลไปเป็นอื่น ให้กุศลส่งยู้ซูขึ้นได้ฮ่วมกัน นางเอ้ย

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ..................ว่าไม่เป็นไร...คนดี.................



    อ้ายเอ๊ยยยย
    คันแม่นมีชาติหน้า สิขอขันอาสา ย่างตามฮอยพี่
    ให้พบพ้ออ้ายคนดี เป็นที่รักได้มักเจ้า เป็นคู่เฝ้าหน่วยใจ
    ชาตินี้ขอยกไว้ เว้นหว่างทางสิทธิ์ ขอเพียงนางได้คิดถึงกะสุขใจแล้วล่ะน้อง




  7. #7
    แบ่งปันความรู้และประสบการณ์
    วันที่สมัคร
    Jun 2006
    กระทู้
    37

    Re: ..................ว่าไม่เป็นไร...คนดี.................

    เเม่นครับแม่น

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ..................ว่าไม่เป็นไร...คนดี.................

    หล้านางเอ้ย
    แม่นบ่ได้ชาตินี้หากสิมีอีกชาติใหม่ คันแม่นมีอีกชาติหน้าจั้งมาพ้อพบกัน
    แต่ว่าชาตินี้นั้นบ่หวังฮ่วมนอนสอง บ่หวังครองเคียงกายแต่ว่าใจยังมีเจ้า
    ขอให้เฮาได้มาพ้อพอเห็นกันได้ถามไถ่ กะพอใจคักแล้วน้องได้มองหน้าอยู่สุยาม
    ประเพณีบ่หวงห้ามเพียงแต่ฮักอยู่ในใจ บ่เป็นไปทางบ่ดีให้เสื่อมเสียดอกทางน้อง
    ขอให้มองเห็นใจอ้ายโตชายยังคิดห่วง คิดนำนางอยู่ซู่มื้ออยากเห็นหน้าพออุ่นใจ นางเอ้ย