ไผมักอิหยังดำๆมาทางนี่เด้อจ้า....
55++พากันคึดไปทั่ว "ข้าวเหนียวดำเปียกใส่เผือก"นั่นเองดำคักบ่ ดำแต่แซบอิหลีจ้า
ส่วนผสม
ข้าวเหนียวดำ+ข้าวเหนียวขาวกะเอาเด้อจ้า
เผือกนึ่งสุก ลอกเปลือกออก หั่นสีเหลี่ยมลูกเต๋า
น้ำตาลปีีบ+น้ำตาลทราย
กะทิ 1กระป่อง
เกลือนิดหน่อย
จัดการล้างข้าวเหนียดำ+ข้าวเหนียวขาว ใส่หม้อ ใส่น้ำให้ท่วมข้าวต้มคนไปเรื่อยๆจนเม็ดข้าวสุก
จังใส่น้ำตาล ชิมรสหวานตามชอบ...ก่อนยกลงจากไฟใส่เผือกลงไปเลยจ้า...ทอนี่หละ
ต้มแล้วได้ตั้งหม้อหนึ่ง บ่คึดว่าสิได้หลายปานนี่ ไปร้านไทยได้เผือกมาใส่นำ ของมักทั้งนั่น มื้อนี่บ่กินข้าวจักคำ
จากนั่นกะตั้งหม้ออีกใบ เฮ็ดกะทิไว้ราดใส่ขนม ต้มบ่ต้องเดือดเด้อจ้า...ใส่เกลือ
มักข้นๆกะเติมแป้มข้าวจ้าวลงไปจ้า...แต่ติ่มบ่เติมแป้ง บ่มักกะทิข้นๆเนาะ
ตักเสริ์ฟกับกะทิ เห็นแบบนี่กะคึดฮอดแม่อยู่เฮือน เลามักหลาย เมื้อบ้านเทือหน่าสิเฮ็ดสู่กินดอกแม่เอ้ย
ขออีกจักภาพ เชิญแซบจ้า สำหรับผู้มักข้าวเหนียวดำ
Bookmarks