หน้าที่ 3 จากทั้งหมด 4 หน้า หน้าแรกหน้าแรก 1234 หน้าสุดท้ายหน้าสุดท้าย
กำลังแสดงผล 21 ถึง 30 จากทั้งหมด 40

หัวข้อ: การจารหนังสือใบลาน โดย ศรีสะท้าน

  1. #21
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ตัวอย่างนี้ เป็นการจารด้วยอักษรไทน้อย ซึ่งเป็นตัวหนังสือลาว และอีสานสมัยก่อน ปกติใช้จารภาษาลาว เป็นคำกลอน เป็นผญา หริอนิทาน เป็นต้น บ่อนิยมจารภาษาบาลี เนื่องจากอักษรมีบ่อครบตามบาลี อักขระวิธีบ่อถืกต้อง (ในภาพ เป็นกลอนผญา)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #22
    ดูแลตรวจสอบเนื้อหา สัญลักษณ์ของ บ่าวพล
    วันที่สมัคร
    Jul 2006
    กระทู้
    1,807
    อืมมมมมมมม บ่เถ่าเฮ็ดบ่ได้เด้นิ ขอ คา รา วะ อิอิ

  3. #23
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ บ่าวพล
    อืมมมมมมมม บ่เถ่าเฮ็ดบ่ได้เด้นิ ขอ คา รา วะ อิอิ
    ฮ่วยยย มาสิหาแต่เถ่ายาก ฮ่ากินซี้นคนเอ๊ยย หยังเขากะเฮ็ดกะหัดแต่น้อยเหมิดนั้นหล่ะ แนวได๋กะดาย ยกเว้นแนวเดียว มาหัดเอาตอนใหญ่ อิ อิ อิ อิ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #24
    ร่วมถ่ายทอดความรู้สู่สังคม สัญลักษณ์ของ ฟากฟ้า
    วันที่สมัคร
    Apr 2007
    กระทู้
    516

    เรื่องฮิตน่าอ่าน

    นับถือๆจ้า ความสามารถสูงจริงๆ

  5. #25
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ...ตัวอย่างนี้ เป็นการจารด้วยอักษรขอม นิยมจารเป็นคำภีร์ทางศาสนา และภาษาไทย แถวพื้นที่ภาคกลาง บ้านสาวไก่ บ้านท่านมหา หรือทางภาคใต้ บ้านท่านฟ้าสาง ส่วนภาคอีสานกะมีแถวอีสานใต้ อุบล ศรีสะเกษ บุรีรัมย์ และสุรินทร์ ไปซั้นหล่ะ ขะน้อยขอนุญาตเด้อ ภาษาขอม(เขมร) จารได้บ่องามปานได๋... อิ อิ อิ แบบว่าบ่อคุ้นเคยคือภาษาลาว เพียงนำมาลงเพื่อเป็นตัวอย่างท่อนั้น........
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #26
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    โอ๊ย กะบาทเอ้ย ซัวสิเข้าบอร์ดได้

    อันวา หนังสือธรรม โตธรรม โตไทยน้อย กะบาทกะเฮียนมาเหมิดซุอัน หลวงพ่อใหญ่สอนมา เทิงอ่าน เทิงจาร พอไปนำคะเจ้าได้อยู่
    อยู่เฮียนมีหลายก้อมอยู่ครับ มีสูดขวนก้อมนึงเป็นตัวธรรม ตำรายาก้อมหนึ่งเป็นตัวไทยน้อย แต่งเสียเคราะห์สองก้อมเป็นโตธรรม นิทานเรื่อง ท้าวคำสอนผ่าขาด ผูกนึงเป็นตัวไทยน้อย หนังสือสมมาก้อมหนึ่งเป็นตัวธรรม หนังสือ ปัญญาบารมี ผูกนึงเป็นโตธรรม หนังสือ พรมเขินผูกนึงเป็นโตธรรม
    ใหญ่จารย์คำศรีครับ อั่นจารดู๋ๆนี่ ใหญ่ศรีฮู้จัก หน้าหยาบ หน้าผ่อย บ่ครับ
    บ้านผมเวลาจารมีสองวิธีครับ
    วิธีนึง การจารหนังสือที่จำได้ติดปาก เพินสิจารไปเลยคือพ่อใหญ๋คำศรีเพินเฮ็ดในรูปนั่นล่ะ
    วิธีนึง การจารหนังสือที่จำบ่ได้ เป็นการลอกหนังสือจากเล่นเก่าวาซั่นเถาะ เพิ่น เอิ้น ก่ายหนังสือ เพิ่นสิมีไม้หนีบคือไม้ปิ้งไก่ โดยเอาลานใหม่ไว้ข้างล่างวางบนหมอนจาร ส่วนวาหนังสือเก่าเพิ่นเสียบไว้ในไม้ปิ้งไก่ แล่วกะค่อยๆลอกหนังสือจนครบทุกลาน โอ๊ยเนาะเว่ามากะสิบ่อเห็นภาพ ซอยแหน่เด้อใหญาคำศรี
    ผิดถืกจั่งได๋กะเบิ่งแยงลูกหลานผู้เกิดใหม่ใหญ่ลุนแหน่เด้อครับ

    ฮอ หาง ฮี สระ อี อันวา
    สอ สองห้อง เป็นดอ ถ่องหนึ่ง
    ทอขี่ฮวก
    น นี น นา
    อ อุ อ เอ้

    แม่นบ่พ่อใหญ่จารย์ศรี

    เซียงสีผีเป้า ( ปล เฮ็ดจั่งได๋สิแก้ซื่อให้เป้นซื่อเก่าได้ครับ )

  7. #27
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    อั่นโตขอมสุดท้ายผมลองเซบลงเครื่องแล้วลองอ่านเบิ่งรู้สึกสิเป็น
    บทไหว้พระ ตั้งนะโม
    "นะโมตัสสะภควโต อาระหะโตสัมมาสมัพุทธัสสะ ฤ ฤา อิติปิโสภควาอะระหังสัมมาสัมพุทโธวิชชาจารณสัมปันโนสุขะ จบบรรทัดแรก
    โตโลกะวิฑูอนุตตะโรปุริสะธัมมะสาระถิสัตถาเทวะมะนุสสานังพุทโธภะคะวาติ
    สวากขาโตภะคะวะตาธัมโมสันทิตถิโกอะการิโกอุปปันนะยิโกปัจจัตตังเวทิตับโพวิญญููหิติ ฤา สุปะฏิปันโนภะคะวะโตสาวะกะสังโฆอุชุปฏิป จบหน้า

    ถืกบ่ถืกกะติกะบาทแหน่เด้อใหญ่จารย์เอ้ย
    กะบาทมาขอคารวะ คารวา ดอก
    บ่แมนแทกฮอยพอ บ่แมนหย่อฮอยครูเด้อกะบาทเอ้ย

  8. #28
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @ แม่นอาวแม่นถืกความเจ้า หน้าหยาบของลานนิยมจารเป็นหน้าแรกของหนังสือ และใบต่อไปกะนิยมเอาหน้าหยาบขึ้นก่อน เวลาจารมันสิหยาบผ่อยต่างกัน (หน้าหยาบคือหน้าที่มีเสี่ยนเส้นใลหลาย ส่วนหน้าผ่อยสินุ่ม ) แต่ส่วนตัวข้อยมักหน้าหยาบตั้ว(บ่อแม่นหน้ามึนเด้อ) อิ อิ อิ เพราะว่าจารมันดี เสียงดังแคกๆๆ พู้นหน่ะ การจารกะคือเจ้าว่านั้นหล่ะ คือจารแบบแต่งกลอนไปเรื่อย หรือที่เฮาจื่อเรื่องราว บทนั้นๆได้ และแบบคัดลอกจากของเก่าเพื่อแทนของใหม่หรือเพิ่มจำนวนหนังสือ หรือบ่อกะรับจ้างจารกะมี แต่กี้พ่อใหญ่ทวดข้อยเลากะรับจารคือกัน ทั้งจารให้วัด ทั้งคนมาจ้างกะมี
    @ สำหรับตัวอักษรที่เจ้าว่ามากะแม่น ฮอ หางฮีใส่กี(สระอี) ให้อ่านว่า...อันว่า ในกรณีที่เขียนเป็นภาษาบาลีและเขียนขึ้นต้นวลี หรือประโยค....ส.สองห้องเป็นด.ห้องหนึ่ง ห้องตำอิดดอตั้งไว้สอนั้นตื่มมา หลักภาษาวางตั้ง สังโยช์ถ้วนถี่ คำบาลีบอกไว้ไขแจ้งซูประการ... ส. ตัวแรกคือสะกดซึ่งเป็นแม่กด เลยปรียบเทียบว่าเป็น ด. ส่วน ส. ตัวที่สองเป็นตัวตามที่จะต้องออกเสียง ส.(บาลีอ่าน สะ)เช่น อสฺส (บาลีไทย)อ่านว่า อัด-สะ ดังนี้แล ฯฯฯ
    @ เพิ่นเอิ้นตัวหนังสือบางตัวตามรูปร่างของอักขระ เพื่อแยกแยะ ให้เห็นความแตกต่าง อันนี้กะแม่นคะรับ...ท.เพิ่นว่า ท.ขี้ฮวก ย้อนโตมันมนวนวาด เพิ่นสลาดแต่งไว้ให้คนฮู้ฮ่อมนำ ธ.หมากตาลอีกซ้ำโตหนึ่งคือกัน มีฮูปพรรณสัณฐานดั่งหมากตาลมวลไม้ น.กะมี น.นะ(นี)ให่ น.นาหัวผ่า คำว่านาบ่อใส่กา(สระอา)อีกด้วย สวยล้ำบัดหล่ำแยง ขอแสดง ย.ย้าน กับ ย.ญิง ให้หลิงหล่ำ หากถืกคำเจ้าเว้าเซียงเป้าได้ว่ามา นั้นแหลวว ฯฯฯ ขอขอบพระคุณหลายเด้อ เซียงสี(เป้า) ที่มาซ่อยให้ข้อมูลความฮู้แก่อนุชนรุ่นหลัง และผู้สนใจทั่วไป ครับ (ด้วยความจริงใจ)

    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #29
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ tata
    อั่นโตขอมสุดท้ายผมลองเซบลงเครื่องแล้วลองอ่านเบิ่งรู้สึกสิเป็น
    บทไหว้พระ ตั้งนะโม
    "นะโมตัสสะภควโต อาระหะโตสัมมาสมัพุทธัสสะ ฤ ฤา อิติปิโสภควาอะระหังสัมมาสัมพุทโธวิชชาจารณสัมปันโนสุขะ จบบรรทัดแรก
    โตโลกะวิฑูอนุตตะโรปุริสะธัมมะสาระถิสัตถาเทวะมะนุสสานังพุทโธภะคะวาติ
    สวากขาโตภะคะวะตาธัมโมสันทิตถิโกอะการิโกอุปปันนะยิโกปัจจัตตังเวทิตับโพวิญญููหิติ ฤา สุปะฏิปันโนภะคะวะโตสาวะกะสังโฆอุชุปฏิป จบหน้า

    ถืกบ่ถืกกะติกะบาทแหน่เด้อใหญ่จารย์เอ้ย
    กะบาทมาขอคารวะ คารวา ดอก
    บ่แมนแทกฮอยพอ บ่แมนหย่อฮอยครูเด้อกะบาทเอ้ย
    ....ครับผม เป็นนะโม และต่อด้วยบทสรรเสริญคุณพระพุทธคุณ อิติปิโสฯ แต่ที่เจ้าว่า ฤ ฤา หน่ะบ่อแม่นเด้อ เป็นเครื่องหมายคั่นบท คั่นข้ออความแต่ละส่วนซื่อๆดอก เขียนคล้ายกับไปยาลน้อยแล้วมีขีดสลับแล้วแต่ผู้สิจารสิเขียนดอกครับ...
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #30
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    โอ๋แมนยุครับ ทีแรกวาสิบ่เขียน ฤ ฤา ลงไปดอก แต่วาแป้นพิมพ์บ่มีเครื่องหมายที่ลักษณะคือกันกับที่เฮาจารกะจักสิเอาหยังใส่ผมกะเลยเอาใส่ครับ
    มาคึดเบิ่งอีกเทียนึง กะบ่ควรสิใส่เพราะว่าคนที่บ่ฮู้มาอ่านเพิ่นสิเข้าใจผิดวาตัวคั่นข้อความกลายเป็นตัว ฤ ฤา ขออภัย เด้อกะบาทเอ้ย

    อั่นใหญาจารย์คำศรีครับ ลองเขียน ตัว ผ ฝ อย ย ให้ผมเบิ่งแหน่ครับ เพราะวา บางคนเพิ่นเขียนตัว ฝ กับตัว อย คือกันคัก
    ผมกะเลยงงๆอยูุ่่ในบางเทีย
    แล้วกะฟร้อนท์โตธรรมมีอยุ่ใสแหน่ครับผมสิโหลดมาใช้บ้าง เคยเอามาจากมหาวิทยาลัยอุบล ตอนนี้ล้างเครื่องคอมใหม่หายไปแล้ว

    แล้วกะผมสงสัยอีกอย่างคือ น้ำมันยาง ที่วานี่มันแมนน้ำมันหยังครับ อ่านออกเสียงวา น้ำมันยางตามเสียงภาคกลาง หรือ อ่านวาน้ำมันยางเสียงนาสิก ตามภาษาอิสานครับ เพราะว่าเวลาผมจาร ผมใช้แต่น้ำมันงากับเขม่าควันตะเกียง เพราะวาการออกเสียงต่างกันแต่เขียนคือกันกะเลยก่อให้เกิดความเข้าใจผิดกันอยู่บ่อยๆ เช่นกรณีของคำวา ยา ภาษาอิสานออกเสียงได้สองแบบคือ ยา และยา(เสียงนาสิก) ยาง เสียงธรรมดา และ ยางเสียงนาสิก
    เพราะผมเคยเห็นเพิ่นเถียงกันวาน้ำมันยางนี่หมายถึงน้ำมันจากต้นยางพารา หรือหมายถึงน้ำมันจากต้นยางนา(ต้นยางบ้านเฮา) ลองคึดเบิ่งกะบ่น่าสิแมนจากยางพาราเพราะวามันสิสีขาวเอาไว้โดนมันจะจับตัวเป้นก้อนบ่น่าสิใสๆแบบที่เฮาใช้กัน
    แต่พอคิดถึงน้ำมันจากต้นยางนา(ต้นยางบ้านเฮา) เพิ่มมีวิธีเก็บจั่งใด๋คือใส่แท่ เพราะวาเวลาไปเจาะขี่ยาง ลนไฟแล่วตอนเช้าไปเก็บเอามาเฮ็ดกะบองมันกะบ่ใสบ่แหลวปานนี้เก็บไว้โดนกะเป็นก้อนแข็งคือเอามาทาคุขี้ยาง
    จั่งใด๋กะซอยไขข้อข่องใจกะบาทแหน่เด้อครับใหญ่จารย์คำศรี เพราะวาอยู่บ้านผมใช้แต่น้ำมันงาซือๆมันกะได้แล้ว

    ขอบคุณหลายๆครับ

    เป็นบุญน้อครับได้มาพ่อพู้เพินฮุ้ สิขอคำแนะนำเรื่อยๆครับ

    เซียงสีผีเป้า

หน้าที่ 3 จากทั้งหมด 4 หน้า หน้าแรกหน้าแรก 1234 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •