ผู้เฒ่าได้เมียสาว

[สาวบ้านนา]

ฮักเมียหลายเด้ผู้เฒ่าได้เมียสาวซำน่อยเนียะ เมียสิเฮ็ดอีหยังเป็นสิ่งดีไปเบิดเลยบ่เคยเคียดบ่เคยโกรธ เมียเพิ่นหัวกะเป็นสาวซำน้อยแถมผู้งามอีก เพิ่นอยากเฮ็ดให้ผัวเฒ่าเคียด กะเลยเฮ็ดจังซี่ละ

นึ่งข้าวดิบ... ผัวเฒ่า.....หย่ำมันดีน๊อหล่า

ปิ้งเขียดไหม้ ...ผัวเฒ่า.....หอมดีน๊อหล่า

แกงเค็ม... ผัวเฒ่า.....ฮู่จักเขียมเอาไว้กินได้หลายมื่อน๊อหล่า

บ่เคยเคียดจักเทือ มีมื่อหนึ่ง ผัวเฒ่าเพิ่นเฝ้าเมียเพิ่นตำหมากหุ่ง เมียเพิ่นกะว่าสิเฮ็ดเส่นให้ผัวเฒ่ากินเผ็ด ๆ ใส่หมากพริกกาละมังหนึ่งพุ่น ผัวเพิ่นเห็นเพิ่นตกใจ แต่เพิ่นกะเอาใจเมียเด้ เพิ่นว่า....

"ซ่างมาเป็นตาแซบแท่..คือสิหวานหลายน๊อหล่า"

เมียเพิ่นใจฮ่ายหลาย เอาสากกะเบือฟาดต้นคอผัวแฮงเติบ...ผัวะ !!!

ผัวเฒ่า....."โฮะ....หั่นเป็นเด็กน้อยฮ้องไห้แล้วเด้เนี่ยะ........น๊อหล่า" ...

ก้ากๆๆ สมน้ำหน้า ตะแม่นฟาดบ่แฮง

ขอบคุณที่มา สีสมาน isan.clubs