แกงขี้เหล็กใส่เนื้อย่าง

**ติ๋ม เปอร์โย** · 21-10-2007, 12:37

แกงแบบอิสานจ้า บ่ใส่กะทิใส่น้ำใบยานางแทน โทรถามแม่อีกคือเก่า
เลาว่าเครื่องแกงกะเฮ็ดคือแกงหน่อไม้หั่นหละ แต่บ่ใส่ข้าวเบือ แล้วต้องมีจี่ขาข้องัว ว่าซั่นกะจี่หนังงัวกะได้
โอ้ววว....ตายซื่อๆแม่บ่มีแหล่ว อยู่หนี่ฆ่างัวแนวเขาบ่กินเขากะถิ่มหละเนาะ..อิอิ
เฒ่าแม่จ่ม หมู่ห่าสูบ่ฮู้จักของแซบ กะซั่นนางมีหอยบ่ลูก/ อะจ๊าก55++นางติ๋มกะตอบแบบมั่นใจที่สุดว่า ฮึ่ บ่มีดอกแม่..อิอิ
บ่มีจักอย่างสิใส่หยังกะใส่โลดกะซั่น แม่นขำอิหยังเดียวนี่
55++บ่ขำหยังดอกแม่ กะซั่นใส่เนื้อย่างเอาเนาะ กะเลยเป็นแกงขี้เหล็กใส่เนื้อย่าง พะนะ

ผักขี้เหล็ก+ในยานางสั่งตรงจากเมืองไทยจ้า ผักขี้เหล็กกะมีแต่ดอกเอาโลด มีใบหน่อยเดียว
แกงขี้เหล็กใส่เนื้อย่าง

จี่พริก หอม กระเทียม หมากเขือเทศตำแจ่วพ้อม โอ้ยย...ซำนี่กะแซบแล้ว มาเด้อพี่น้องกินข้าวนำติ๋ม

**หล่อร้อยเมตร** · 21-10-2007, 14:05

เป็นตาแซบคักแท้ครับ แกงใส่เนื้อย่างหว่าสั่น ขาดอย่างเดียวอั่นกระป๋องเขียวๆนั้นน๊า อิอิ

**เซียงสีผีเป้า** · 22-10-2007, 20:33

ฮ่วย เล่นโทรถามสูตรข่วมประเทศ ค่าโทรกับค่าของมาแกงอั่นได๋แพงกั่วกันเอี้ยย เอิ้กๆ

มีแต่ดอกขี้เหล็ก เป็นตาแหย เนาะ อยุ่บ้านบ่กินจักเทีย แม่ใหญ่ผัดลาวบ่มัก มักแต่ยอด แกงใส่ตีน แซบคัก

**ติ๋ม เปอร์โย** · 24-10-2007, 00:06

บ่กินกะถามหาดี้ ดี กระป๋องเขียวๆนั่น คนหล่อนี่เอาให้สิกินบ่หละ

บ่เป็นหยังดอกอาวเซียงสีค่าโทรนั่น คั่นได้เว้านำแม่กะบ่เสียดายแหล่วเนาะ ปกติข่อยกะโทณฯหาแม่ข้อยสู่มื้ออยู่แล้วหละ
มีแต่ดอกกะได้กินตั๊วเนาะ เจ้ากะหาใบมันส่งมาให้ข้อยแหน่ตี้หละ ข่อยกะมักกินคือกันหละใบผักขี่เหล็ก

**มั่วหน่าฮ่าน** · 24-10-2007, 00:27

บ๊ะ...แกงอุจจาระเหล็กมันต้องใส่ภาพยนต์โคแหม...มันจังเข้ากัน...อิอิ::)

**หล่อร้อยเมตร** · 24-10-2007, 00:41

เอามาตี้หละติ๋ม อ้ายหล่อสิกินให้เบิ่ง อิอิ อย่าท้าเด้อ...เมามาฮากสู่หมากินเด๊

**ติ๋ม เปอร์โย** · 24-10-2007, 01:59

บ่ บ่เสียดายของกินแล้วฮากสู่หมากิน เซาๆบ่ต้องกินแล้วอ้ายหล่อ อิอิ

สงัด903 · 24-10-2007, 11:02

goodซำนี่อีหยังน้องติ๋ม....แค่นี่กะสุดยอดแล่วพ่กะแกงเด้แต่กะใส่กากหมูแทนกะมันบ่ค่อยมีวัตถุดิบเนอะ ใบขี้เหล็ก กะเป็นขี้เหล็กขวด กะพอไปได้อยู่ แม่ศรีเรือนเด้นี่บ่แม่นธรรมดาเด้good