กำลังแสดงผล 1 ถึง 10 จากทั้งหมด 10

มาอีกแล้วพี่น้อง

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    ดูวีดีโอ YouTube ออนไลน์ มาอีกแล้วพี่น้อง

    มาแล้วเด้อพี่น้อง บ่าวทองคำคนผู้เก่า
    หาทางเข้าบ่อพ้อ เลยหายหน้าไปโดน
    ยังคิดถึงพ่อโซน ลุงทิศศรีผญาเลี่ยน
    บ่อได้เปลี่ยนแปรปี้น ไปจ้อยบ่ออ่วยคืน
    แต่ล่ะมื้อสะอื้น เหลือใจนี่เข้าบ่อเป็น
    เห็นแต่ซุมพี่น้อง มาเว้าแข่งกัน
    มาฮอดหว่างนี่นั้น หาทางใหม่เข้ามาหา
    ขอศรัทธาพี่น้อง คองถ่าสิรับฟัง แหน่เด้อ

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    @ สบายดีนอท่านหายไปนานบ่อเทียวท่อง ว่าจั่งได๋อาวทองยากนำงานบ่อเจ้าหรือคาเฝ่าเป่าแต่ฮู
    ข้อยหล่ะอดอูดอู้บ่อมีหมู่ตอยผญา เห็นเจ้ามากะดีหลายได้ต่อยายความเว้า
    มีตั้งแต่สาวเถ่ามาจานำค้ำผู้หนึ่ง เลาซื่อว่าน้องหวึ่งเนาก้ำถิ่นอุดร
    ข้อยคุมนำไล่ต้อนกลอนว่าผญาสอย ย้อนเลาตอยตามติดซิดจั่งได๋บ่อมีม้ม
    คักแล้วเด้อสาวส่มมาอบรมซ่อยกันแหน่ เฮาอย่าให่เพลี่ยงแพ้ซุมแพ้แว้แค่ผู้ญิง ฯฯฯ

    .....อิ อิ อิ มากะดีแล้วอาว มาซ่อยกันข้อยต้อนสาวอุดรใส่มุมแหน่ อิ อิ อิ.....

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    โอ้ยยย บาดสิว่ากะดาย พ่อปู่ศรีแม่ะ ..แต่ขนาดอ้ายผุเดี๋ยวหวึ่งส่มป่อยกะสิเอาโตบ่รอด ยังสิซวนพ่อใหญ่ทองคำอิก..สิแล่นใส่มุมแกฝาเอาเองให้มันแล่วโลดดอกซั่นน่ะ..แม่นไผสิมาซ่อยส่มป่อยได่น้ออบาดนิ..น้องไก่น้อย..อ้ายโจ่โล่เล้าไปส๋ายยยย...

  4. #4
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552

    พบปะพูดคุย

    มาแล้วบ้อทองคำก้อน กลับคืนคอนบ้านหม่องเก่า
    พวกหมู่เฮานั่นถ่าเจ้า ทุกแลงเช้าตั้งแต่โดน



    มาเด้อมา มามา::)::)

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    มีแต่บ่าวสาวเฒ่ามาจากันพอได้ม้วน ให้ผู้บ่าวซ้ำน้อยมาขอต้อยต่อเติมนำแน่
    บ่ได้มาเว้าแก้หากบ่เก่งทางผญาดอกเด้อ หากอยากมาขอแจมตื่มแถมผญาก้อม
    ซอมแต่นำควมเว้าอ้ายทิตศรีเอื้อยส้มป่อย อย่าหัวซานำผู้น้อยบ่หาญกล้าต่อความ
    ขอแต่มาเข้าร่วมพอได้ฮ่วมพอเป็นไป มีแนวใด๋ขัดเขินแม่นล่วงเกินอภัยบ้างแน่ถ่อน....

  6. #6
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    เป็นจั่งได๋ลุงทิศศรีคือว่าจี้ผู้สาวหนุ่ม คือสิได้หัวยุ้มเริงเรื่อยอยู่บ่อเซา เด่น้อ
    เอื้อยส้มป่อยเอ้ยเจ้าอย่าพาเลาวิ่งแล่น หลายเด้อ
    แนวผู้เฒ่ามากแค้นยอม้วนส่วนสวอย สาเด้
    แนวเจ้าสาวสำน้อยคันพอยอมกะยอมเพิ่น
    อย่ามัวเวินเล่นท่าสิอ่าวโอ้บาดเมือลุน
    มักบ่าวเฒ่าจั่งบ่อวุ่น ได้เคืองขุ่นอุราจิต
    แนวการงานผสานชิดเพิ่นหากเคยมาเหมิดแล้ว
    เอาโลดแนวซ้างเฒ่าขายงาได้กินค่า ตั้วนาง
    บ่อคือเลี้งซ้างน้อยตายจ้อยค่าบ่อมี
    ....................................................
    คารวะเด้อลุงทิศศรี ซ่อยเจ้าบ่อได้ดอกเด้อแนวหมู่นี่ ความสามารถไผมันดอกสิเอาใจซ่อยเด้อข้าน้อย

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อิ อิ อิ ข้อยมักหลายที่เจ้าอ้างเรื่องช้างใหญ่งายาว มักแท้นอนออาวเยาะผู้สาวให้มาใกล้
    คันมันเป็นไปได้คือสิไคตามเจ้าว่า ข้อยสิพาเจ้าก้อยงัวน้อยจัก๔โต
    ไปอะโหลเตินบ้านให้มางานทิดศรีจ่อย ย้อนได้สาวส่ำน้อยมานอนห่องฮ่วมเฮือน
    ฮอดมื้อดีเฮากะเคลื่อนตกแต่งพาขวัญ ข้อยสิชวนอาวเซียงไปนั่งเฮียงนำพร้อม
    หมอสูตรยอมือน้อมถวยกรพระพรกล่าว ให่กับคู่บ่าวสาว ผู้ไปงานแตกจ้นๆ หลายล้นเฮียกขวัญ.....มาเด้อขวาน โอ๊ะขวัญเอ๊ยยยยย อิ อิ อิ

    ฮ่วยยย ..ไปงัวน้อยมาข่าก่อนโลดเป็นหยังอาว ฮ่า ๆ ๆ ๆ

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    บึ๋ยย..คุณทองคำเจ้าจูงวัวน้อยมาผิดหม่องแล่วเด้อ..สิถืกก้อยล่ะน้อขะน้อย..

    มันบ่คือดอกอ้ายอย่าหมายก้อยวัวน้อยเขา อยู่กะอยู่สมเจ้าพวกผุเฒ่าบ่าวผุไค
    อย่าพากันคึดหลายพลายซ้างเฒ่านอนเฝ่าป่า บ่หัวซาดอกซายเจ้าคำเว่าผุเฒ่าอ่อย
    บ่ได่ปอดอ้อยซ้อยคือจั่งควมเว่าเพิ่น ส่างบ่ขัดบ่เขิน ยามเพิ่นเฝ่ามาเว่าสาว นั่นแหลว..
    ............................................................................................................

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    @ ขออนุญาตเด้อพี่น้องทั้งผองท่านเฮือนมหา คันศรีจาความสอยบ่อถืกฮอยคลองบ้าน
    กับทั้งคำผญาต้านบ่อหวานคำขึงเคียด เว้าส่อเสียดกับหมู่น้องผยองเล่นล่วงเกิน
    เป็นกลอนเขินคำป้อยหย๋อออยเอินหยอก ศรีขอบอกกล่าวอ้างทางท่านให้พิจารณ์
    เป็นแต่เพียงกลอนต้านโวหารแสดงเรื่อง ขออย่าเคืองคึดคล้อยอันศรีต้อยต่อตาม...ท่านเอ้ยย ฯฯฯ

  10. #10
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    เอาโลดลุงทิศศรี ให้ค่อยแกะค่อยไง้หั่งสิได้ต่อนคำ
    ตั้งแต่ไม้ไฟลนกะยังอ่อน ก้อนเหล็กแก่นแก่งแก้ไฟจี้กะอ่อนเป็น ดอกนา
    สาวส้มป่อยมื้อนี่เพิ่นสิเว้น ลุงทิศศรีกะตามส่าง ไปห่าหน้าสิหลงโอ้อ่าวคนิง
    สาวเอยให้อดหลิ่งล่ำเล่น ลุงจารย์เลาจักหน่อย แหน่เปี๋ยง
    พอให้ข่อยได้ก้อย งัวน้อยคือว่ามา ซั่นดอกหว้า
    ฮิ ฮิ เอาแล้วข่อยยุผู้เฒ๋ามักสาวส่ำน้อยหนิสิบาปบ่หึ สู้เขาเด้อพ่อลุงใช้คาถาหลวงพ่อตื้อโลดเด้อ