บ่าวขอเสนอ "กุ้งโคโยตี้" ครับพี่น้อง
ส่วนประกอบครับ
กุ้งฝอย , ผักหอม (ต้นหอมซอย , หอมแดงซอย, ผักหอมใบมน(สะละแหน่) ) , พริกป่น , เข่าขั่ว , น้ำปลา , ผงซูรส (ไผบ่กินผงซูรสใส่อย่างอื่นแทนกะได้เด้อ) , บักนาว

วิธีปรุงครับ
เอากุ้งมาล้างให้สะอาดแต่อย่าล้างโดนเด้อกุ้งสิตาย แล้วเอามาใส่ซามใส่ขั่ว ผักหอม พริกป่น ผงซูรส น้ำปลา บักนาว คนให้เข้ากัน อย่าคนโดนเด้อกุ้งสิตายครับ แล้วตักใส่จาน เอาผักหอมใบมนมาวางปกหน่า กินกับเข่าเหนียวฮ้อน ๆ แซบขนาด
บ่าวอยากแนะนำเด้อครับ คันแม่นมีบักกอกสุกเอามาใส่แทนบักนาวได้แห่งสิแซบกว่าเก่า
ข้อสำคัญกะคือกุ้งต้องสดจั่งสิแซบแต่คันไผมักสุกกะเอาไปขั่วก่อนกะได้

เคล็ดลับครับ
วิธีการเก็บกุ้งให้สดได้โดน กะคือ คันแม่นได้กุ้งให้ฟ่าวเอาไปแซ่น้ำแข็ง แห่งเย็นท่อได๋แห่งดีหรือเอาใส่ช่องฟิตไปเลย บ่าวเคยเฮ็ดแล้วได้กุ้งมาใหม่ ๆ ตั้งแต่ 6 โมงเซ่า เอาใส่ช่องฟิตไว้ ประมาณเที่ยงเอามาเฮ็ดกินปรากฏว่ากุ้งยังสดยังเต้นอยู่ ลองเฮ็ดเบิ่งเด้อครับ

กินกับเข่าเหนียวฮ้อน ๆ บู๊ยยยยยคักขนาด คันแม่นมีน้อยทิงนำแห่งดีหลาย
เว่ามากะหิวเข่าหละครับ ขอไปเฮ็ดกินก่อนเด้อออออออออออออ8)8)8)